ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សម្រាប់ឆ្នាំ២០២២នេះ កម្មវិធី TEDxRUPP ដែលជាកម្មវិធីចែករំលែកគំនិតពីវាគ្មិនល្បីៗក្នុងស្រុក និងអន្តរជាតិ នឹងប្រព្រឹត្តទៅនៅថ្ងៃទី២៧ ខែវិច្ឆិកា ឆ្នាំ២០២២ ចាប់ពីវេលាម៉ោង១រសៀល នៅមជ្ឈមណ្ឌលសហប្រតិបត្តិកម្មកម្ពុជា-ជប៉ុន (CJCC) ស្ថិតក្នុងបរិវេណសាកលវិទ្យាល័យភូមិន្ទភ្នំពេញ។
កញ្ញា នួន ពុទ្ធិសុប្បតី ប្រធានកម្មវិធី TEDxRUPP និយាយថា សម្រាប់ឆ្នាំនេះ កម្មវិធី TEDxRUPP គឺនឹងប្រព្រឹត្តទៅនៅក្រោមប្រធានបទគោល “Act Now” ដែលជាប្រធានបទខុសប្លែកទាំងស្រុងទៅនឹងឆ្នាំមុនៗ ពោលគឺផ្តោតសំខាន់ទៅលើការវែកញែកអំពីបញ្ហាដែលសហគមន៍របស់យើងជួបប្រទះ ក៏ដូចជាចន្លោះខ្វះខាតដែលប្រទេសកម្ពុជាយើងអាចអភិវឌ្ឍខ្លួនឯងបានអំពីវាគ្មិន។
បើតាមការបញ្ជាក់របស់កញ្ញា ពុទ្ធិសុប្បតី អស់រយៈពេល២ឆ្នាំកន្លងមកហើយ ដែលសហគមន៍ ក៏ដូចជាប្រទេសរបស់យើងជួបនូវវិបត្តិជំងឺកូវីដ១៩ ធ្វើឱ្យការងារ និងការសិក្សាជាច្រើនត្រូវអាក់ខាន ។ ដូច្នេះ ប្រធានបទគោលសម្រាប់ឆ្នាំនេះ មានគោលបំណងដាស់តឿនទៅដល់យុវជន និងសិស្សានុសិស្សទាំងអស់ឱ្យតាំងស្មារតីសារជាថ្មី ក្នុងការផ្លាស់ប្តូរខ្លួនឱ្យស្របទៅនឹងបរិបទសង្គមថ្មី ដែលវាបានកែប្រែ និងជះឥទ្ធិពលមកលើយើងគ្រប់ៗគ្នា។
ប្រធានកម្មវិធី TEDxRUPP ក៏បានឱ្យដឹងដែរថា នៅឆ្នាំ២០២២នេះ មានវាគ្មិនទាំងក្នុងស្រុក និងក្រៅស្រុករហូតដល់ទៅ១១រូបនឹងចូលរួម ដោយមានចំនួន១០ប្រធានបទ។ ក្នុងនោះអ្វីដែលពិសេសមិនធ្លាប់ឃើញមានទាំងក្នុងស្រុក និងក្រៅស្រុក គឺប្រធានបទ១ មានវាគ្មិនចំនួន២រូបនិយាយជារបៀបឆ្លើយឆ្លងគ្នា។
សម្រាប់វាគ្មិនទាំង១១រូបនោះ រួមមាន ៖ លោកបណ្ឌិត ហោ ប៊ុនឡេង សាស្រ្តាចារ្យ នៃសាកលវិទ្យាល័យកម្ពុជា, លោកស្រី នាង សុវ៉ាតនា ដែលគ្រប់គ្នាស្គាល់លើបណ្តាញសង្គមថា DJ Nana, លោក លី មុន្នីពុទ្ធិ ជាអ្នកបង្កើតមាតិកានៅលើបណ្តាញសង្គម ក៏ដូចជា Podcast ដែលមានឈ្មោះថា រៀនរស់, កញ្ញា ហោ ហេងសិរីរ័ត្ន ជានិស្សិត ប៉ុន្តែគាត់មានប្រធានបទថ្មីប្លែក និយាយពីការប្រៀនប្រដៅរបស់ឪពុកម្តាយទៅលើកូននៅក្នុងបរិបទសម័យថ្មី, លោក Wesley Chan ដែលគាត់មកពីប្រទេសម៉ាឡេស៊ី, លោក Joey Ra ជាជនជាតិកូរ៉េ ប៉ុន្តែគាត់ធ្វើការ និងរស់នៅប្រទេសអង់គ្លេស, លោក ជា វីរៈ ជា CEO របស់ក្រុមហ៊ុន PillTech Solutions, កញ្ញា រិទ្ធី លំអរកេស ដែលជាសិល្បៈករឯករាជ្យម្នាក់នៅប្រទេសកម្ពុជា។
បើតាមការបញ្ជាក់របស់កញ្ញា នួន ពុទ្ធិសុប្បតី អ្វីដែលមិនធ្លាប់មានពីមុនមកនៅកម្មវិធី TEDxRUPP គឺមានការអញ្ជើញវាគ្មិន៣នាក់បន្ថែមទៀត គឺមកពីប្រទេសអ៊ីស្រាអែល និងប្រទេសស្វីស, ក្នុងនោះវាគ្មិនដែលមកពីប្រទេសអ៊ីស្រាអែល គាត់គឺជា CEO នៃក្រុមហ៊ុនបរិស្ថានមួយ ដែលបង្កើតបច្ចេកវិទ្យាថ្មីក្នុងការប្រើប្រាស់សារធាតុទូទៅដែលរកឃើញនៅក្នុងធម្មជាតិ ដើម្បីយកមកបង្កើតជាផលិតផលដែលយើងអាចប្រើប្រាស់ប្រចាំថ្ងៃបាន ហើយប៉ះពាល់តិចតួចបំផុតទៅលើបរិស្ថាន។ ចំណែកវាគ្មិនមកពីប្រទេសស្វីស គឺជា CEO នៃក្រុមហ៊ុនវិនិច្ឆ័យទៅលើផ្នែកហិរញ្ញវត្ថុ។
កញ្ញា នួន ពុទ្ធិសុប្បតី
“អញ្ចឹងសម្រាប់កម្មវិធីនៅឆ្នាំនេះ យើងសង្ឃឹមថា យើងនឹងអាចផ្តល់ជូនរៀមច្បង និងប្អូនៗទាំងអស់នូវគំនិតថ្មីៗដែលយើងនាំយកមកចែកចាយពីក្នុងស្រុក និងក្រៅស្រុកដើម្បីយកមកជជែកវែកញែកគ្នាឱ្យកាន់តែចាប់អារម្មណ៍នៅលើវេទិការបស់យើង… ខ្ញុំសង្ឃឹមថា អ្នកទាំងអស់គ្នានឹងមិនខកខានចំពោះកម្មវិធីនេះ…”
សូមបញ្ជាក់ថា កម្មវិធី TEDxRUPP តែងតែប្រារព្ធធ្វើជារៀងរាល់ឆ្នាំក្នុងការចែករំលែកគំនិតថ្មីៗរបស់វាគ្មិនដែលមានសក្តានុពលទៅយុវជន ក៏ដូចជាសិស្សានុសិស្សពីសាកលវិទ្យាល័យនានានៅទូទាំងប្រទេសកម្ពុជា។ សម្រាប់ឆ្នាំនេះ គេរំពឹងថា នឹងមានយុវជនប្រមាណជា៣រយនាក់នឹងចូលរួម៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ឱកាសចូលរួមវគ្គបណ្ដុះបណ្ដាលរយៈពេលខ្លីនៅប្រទេសជប៉ុន ពី កម្មវិធី Dusin Leadership
ព័ត៌មានអាហារូបករណ៍, ព្រឹត្តិការណ៍
• 09/07/2025
កម្មវិធីអាហារូបករណ៍ Dusin Leadership Training លើកទី២៦ ប្រកាសជ្រើសរើសបេក្ខជនចូលសិក្សាវគ្គបណ្ដុះបណ្ដាល រយៈពេល១០ខែ សម្រាប់ជនមានពិការភាព សិក្សានៅប្រទេសជប៉ុន ឆ្នាំសិក្សា២០២៦-២០២៧។
គន្លឹះក្នុងការសរសេរលិខិតអនុសាសន៍អាហារូបករណ៍
ព័ត៌មានអាហារូបករណ៍, ព្រឹត្តិការណ៍
• 11/09/2023
លិខិតអនុសាសន៍ ឬ Recommendation letter ជាឯកសារចាំបាច់មួយក្នុងចំណោមឯកសារចាំបាច់ផ្សេងទៀត ដែលអាហារូបករណ៍តម្រូវឱ្យបេក្ខជនសរសេរឡើងការរៀបរាប់ដោយសង្ខេប...
អាហារូបករណ៍ជំនាញសំណង់ស៊ីវិល តាមរយៈកម្មវិធីអាហារូបករណ៍ផ្លូវមួយខ្សែក្រវ៉ាត់មួយ
ព័ត៌មានអាហារូបករណ៍, ព្រឹត្តិការណ៍
• 22/01/2025
តាមរយៈកិច្ចសហការរវាងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន និងសាកលវិទ្យាល័យមួយចំនួននៅរដ្ឋធានីប៉េកាំង សាធារណរដ្ឋប្រជាមានិតចិន បានសម្រេចផ្តល់អាហារូបករណ៍ផ្លូវមួយខ្សែក្រវ៉ាត់មួយ សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...
អាហារូបករណ៍ថ្នាក់បរិញ្ញាបត្រជាន់ខ្ពស់សិក្សានៅសាកលវិទ្យាល័យ Khon Kaen ប្រទេសថៃ ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 06/12/2023
ស្ថានទូតនៃព្រះរាជាណាចក្រកម្ពុជា ប្រចាំព្រះរាជាណាចក្រថៃឡង់ដ៍ ប្រកាសដល់និស្សិត និងសាធារណជនថា សាកលវិទ្យាល័យ Khon Kaen នៃព្រះរាជាណាចក្រថៃឡង់ដ៍ កំពុងធ្វើការជ្រើសរើសនិស្សិតអាហារូបករណ៍...
ក្រសួងអប់រំជ្រើសរើសនិស្សិតអាហារូបករណ៍សថ្នាក់បរិញ្ញាបត្រនៅប្រទេសបង់ក្លាដែសឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 19/05/2023
ក្រសួងអប់រំ យុវជន និងកីឡា ប្រកាសជ្រើសរើសសិស្សនិស្សិត មន្ត្រីរាជការ និងសាធារណជននារីកម្ពុជាសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យអាស៊ីសម្រាប់ស្ត្...
រៀនជំនាញកែច្នៃបន្លែ ផ្លែឈើ ដោយមិនគិតថ្លៃពីវិទ្យាស្ថានជាតិពហុបច្ចេកទេសកម្ពុជា
ព័ត៌មានអាហារូបករណ៍, ព្រឹត្តិការណ៍
• 31/03/2025
វិទ្យាស្ថានជាតិពហុបច្ចេកទេសកម្ពុជា (NPIC) ប្រកាសជាថ្មីក្នុងការជ្រើសរើសសិក្ខាកាមចូលរៀនជំនាញកែច្នៃបន្លែផ្លែឈើ ដោយមិនគិតថ្លៃ ក្រោមកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។
អាហារូបករណ៍ ១៥០កន្លែង ពីវិទ្យាស្ថានវីឌីស៊ី សម្រាប់ឆ្នាំសិក្សា ២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 21/10/2025
វិទ្យាស្ថានវីឌីស៊ី បានប្រកាសផ្តល់អាហារូបករណ៍ដល់សិស្សនិស្សិតចំនួន ១៥០កន្លែង សម្រាប់ការសិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ តាមរយៈកម្មវិធីអាហារូបករណ៍អភិសន្តិបណ្ឌិត
កម្មវិធីពិសេសរបស់ AMS EDUCATION
ព័ត៌មានសង្ខេប
ព័ត៌មានផ្សេងៗទៀត
លុបបំបាត់អំពើហិង្សាលើកុមារ ចាំបាច់ត្រូវមានកិច្ចសហការពីយើងទាំងអស់គ្នា ដើម្បីបង្កើតបរិយាកាសសិក្សាប្រកបដោយសុវត្ថិភាព និងបរិយាប័ន្ន
ក្រុមយុវជន Blu Blu បង្ហាញគំនិតបង្កើតឧបករណ៍វាស់គុណភាពខ្យល់ ដែលចំណាយតិច ជួយសហគមន៍ការពារសុខភាពពីខ្យល់ពុល
