ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យុវជនដែលមកពីគ្រួសារក្រីក្រ និងងាយរងហានិភ័យ នៅខេត្តស្ទឹងត្រែង បានបង្ហាញនូវក្តីសង្ឃឹមថា ពួកគេនឹងមានជំនាញមួយច្បាស់លាស់ ទទួលបានការងារធ្វើល្អ មានប្រាក់ចំណូលសមរម្យ បន្ទាប់ពីពួកគេបានចូលរួមវគ្គបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់ របស់រាជរដ្ឋាភិបាល។
យុវជន យុន វាសនា ជាសិក្ខាកាមកំពុងសិក្សាផ្នែកតម្លើងប្រព័ន្ធបណ្តាញអគ្គិសនីក្នុងអគារ នៅមជ្ឈមណ្ឌលបណ្តុះបណ្តាលវិជ្ជាជីវៈខេត្តស្ទឹងត្រែង បានលើកឡើងថា ខ្លួនពេញចិត្តក្នុងការរៀនជំនាញអគ្គិសនីនេះ ដោយក្នុងថ្នាក់រៀនមានបន្ទប់អនុវត្តពិតៗ បង្ហាញពីកម្មវិធីជាក់ស្តែង ដែលធ្វើឱ្យខ្លួនងាយចាប់យកចំណេះជំនាញមួយនេះ។
វាសនា បន្ថែមថា ក្រោយរៀនចប់វគ្គបណ្តុះបណ្តាលរយៈពេល៤ខែខាងមុខ ខ្លួនសង្ឃឹមថា នឹងអាចមានជំនាញមួយច្បាស់លាស់ មានការងារធ្វើមួយល្អ មានប្រាក់ចំណូលសមរម្យ អាចស្រោចស្រង់ជីវភាពគ្រួសារបានប្រសើរជាងពេលបច្ចុប្បន្ន។
ដោយឡែក យុវតី ព្រាង ផល្លី ដែលកំពុងសិក្សាជំនាញតម្លើងប្រព័ន្ធបណ្តាញអគ្គិសនី នៅមជ្ឈមណ្ឌលបណ្តុះបណ្តាលវិជ្ជាជីវៈខេត្តស្ទឹងត្រែងនេះដែរ បានលើកឡើងថា ខ្លួនក៏ពេញចិត្តចំពោះការបណ្តុះបណ្តាលនេះដែរ ដោយតែការសិក្សានេះ សាលាមានការអនុវត្តផ្ទាល់ទៅលើសម្ភារៈអគ្គិសនីផ្សេងៗ ។ ក្រោយទទួលការបណ្តុះបណ្តាលរយៈពេលប្រមាណជិត១ខែមកនេះ ផល្លី យល់ឃើញថា ខ្លួនកំពុងតែមានជំនាញបណ្តើរៗហើយ ព្រោះតែបានចូលអនុវត្តផ្ទាល់នៅរោងជាង ដោយមានគ្រូបង្រៀនធ្វើការចង្អុលបង្ហាញត្រឹមត្រូវ និងយកចិត្តទុកដាក់។
ជាមួយគ្នានេះ យុវជនទាំងពីរ ក៏បានអំពាវនាវទៅដល់យុវជនផ្សេងៗទៀត សូមមកចុះឈ្មោះចូលរៀនវគ្គបណ្តុះបណ្តាលជំនាញវិជ្ជាជីវៈ និងបច្ចេកទេស ១.៥លាននាក់ របស់រាជរដ្ឋាភិបាល ដើម្បីធានាថា ខ្លួនឯងមានជំនាញមួយច្បាស់លាស់ អាចរកការងារបានធ្វើបន្ទាប់ពីរៀនចប់រយៈពេលខ្លី៕
