ម្ចាស់មេដាយស៊ីហ្គេម ប៉ាល់ ឆរស្មី ៖ ហាត់កីឡាដើម្បីសុខភាព ខុសគ្នាពីហាត់កីឡាអាជីព

ភ្នំពេញ – កីឡាការិនី ប៉ាល់ ឆរស្មី បានក្លាយម្ចាស់មេដាយស៊ីហ្គេម ៦គ្រឿង រួមមាន មេដាយមាស ៤គ្រឿង មេដាយប្រាក់មួយគ្រឿង និងមេដាយសំរឹទ្ធមួយគ្រឿង ។ ជ័យជម្នះយកមេដាយជូនកម្ពុជាតាមរយៈការប្រកួតកីឡាវ៉ូវីណាមនេះ បានធ្វើឱ្យសាធារណជន ពិសេសអ្នកស្នេហាវិស័យកីឡាស្ងប់ស្ងែងយ៉ាងខ្លាំង ។ កីឡាការិនីវ័យ ៣៧ឆ្នាំរូបនេះ បាននិយាយថា ហាត់កីឡាដើម្បីសុខភាព ខុសគ្នាពីហាត់កីឡាដើម្បីក្លាយខ្លួនជាកីឡាករអាជីព ។

កីឡាការិនី ប៉ាល់ ឆរស្មី បានប្រៀបធៀបចំណុចខុសគ្នារវាងសកម្មភាពហ្វឹកហាត់កីឡាខាងលើនេះថា ការហាត់កីឡាដើម្បីសុខភាព គឺហាត់សកម្មភាពកីឡាជាប្រចាំក្នុងថេរវេលាណាមួយ ដែលរាងកាយឆ្លើយតបថាសមល្មមអាចសម្រាកបាន ។ ការហាត់កីឡាដើម្បីសុខភាពសាកសមបំផុតសម្រាប់សាធារណជនទូទៅដែលស្រឡាញ់សុខភាព ។ ចំណែកការហាត់កីឡាដើម្បីក្លាយខ្លួនជាកីឡាករអាជីព គឺការហ្វឹកហាត់រាងកាយដោយឆ្លងកាត់ឧបសគ្គលំបាកជាច្រើន ។

ម្ចាស់មេដាយកីឡាវ៉ូវីណាមស៊ីហ្គេមឆ្នាំ២០២៣ បានឱ្យដឹងទៀតថា កីឡាករអាជីពត្រូវឆ្លងកាត់ការហ្វឹកហាត់យ៉ាងត្រឹមត្រូវពីគ្រូជំនាញ ព្រមទាំងចំណាយពេលវេលាហ្វឹកហាត់ជាក់លាក់ និងទៀងទាត់ជាងអ្នកហាត់សកម្មភាពកីឡាធម្មតា ។ អ្នកហាត់កីឡាអាជីពត្រូវគោរពម៉ោងអនុវត្តរបស់គ្រូបង្ហាត់ដោយតឹងតែងបំផុត។

គ្រប់គ្នាដឹងហើយថា លេងកីឡាជួយដល់សុខភាព ប៉ុន្តែការហ្វឹកហាត់ខ្លួនឱ្យក្លាយជាកីឡាករអាជីពប្រភេទកីឡាណាមួយ នោះយើងនឹងមើលឃើញឱកាសជាច្រើនចេញពីកីឡារបស់យើង ព្រោះយើងបានប្រកួតតំណាងឱ្យប្រទេសកម្ពុជា យើងបានធ្វើដំណើរទៅប្រទេសនានា ហើយតាមរយៈកីឡាអាជីពក៏អាចជួយដល់ជីវភាពរបស់យើងឱ្យកាន់តែល្អប្រសើរ ! សំខាន់យើងចង់ដែរអត់ ?

កីឡាការិនី ប៉ាល់ ឆរស្មី

ក្រៅពីបង្ហាញអំពីគុណសម្បត្តិរបស់កីឡាករអាជីព កីឡាការិនី ប៉ាល់ ឆរស្មី ក៏បានរំលេចឱ្យដឹងទៀតថា ដើម្បីក្លាយខ្លួនជាកីឡាករអាជីពទាមទារឱ្យបុគ្គលប្តេជ្ញាចិត្តខ្លួនឯងជាកីឡាករឱ្យខាងតែបាន ។ បន្ទាប់ពីប្តេជ្ញាចិត្តរួចហើយ ការហ្វឹកហាត់ទោះលំបាកយ៉ាងណាត្រូវស៊ូទ្រាំជម្នះឱ្យបាន ទើបធ្វើឱ្យរាងកាយ និងសុខភាពផ្លូវចិត្តរឹងមាំ ។ កីឡាការិនី ប៉ាល់ ឆរស្មី បានបញ្ជាក់បន្ថែមថា ហាត់កីឡាអំណោយផលដល់សុខភាពរាងកាយខ្ពស់ គ្រប់គ្រងស្ថានភាពផ្លូវចិត្តបានល្អ មានភាពម្ចាស់ការលើខ្លួនឯង ព្រមទាំងអាចបង្កើតគំនិតច្នៃប្រតិដ្ឋថ្មីៗបានលឿនរហ័ស ។

គួរបញ្ជាក់ថា កីឡាការិនី ប៉ាល់ ឆរស្មី ចាប់ផ្តើមហាត់កីឡាដំបូងនៅរវាងអាយុជាង ១០ឆ្នាំ (១៩៩៦) ដោយជ្រើសរើសប្រភេទកីឡាយូដូ និងកីឡាតៃក្វាន់ដូ ។ ក្រោយមកនៅរវាងឆ្នាំ២០១០ ឆរស្មី បានចាប់ផ្តើមហាត់កីឡាវ៉ូវីណាម ។ ដើមទុនកីឡាដែលបានមកពីកីឡាយូដូ និងកីឡាតៃក្វាន់ដូ ជួយឱ្យកីឡាការិនីរូបនេះ ហ្វឹកហាត់កីឡាវ៉ូវីណាមបានលឿនរហ័ស ស្របពេលដែលមានការគាំទ្រលើកទឹកចិត្តបន្ថែមពីម្តាយឪពុក ។

កីឡាការិនី ប៉ាល់ ឆរស្មី ជាកីឡាករកម្ពុជាតែម្នាក់គត់ដែលឈ្នះមេដាយ ៦គ្រឿងលើប្រភេទកីឡាវ៉ូវីណាមនៅក្នុងព្រឹត្តិការណ៍នៃការប្រកួតស៊ីហ្គេមលើកទី៣២ ព្រមទាំងទទួលបានរង្វាន់លើកទឹកចិត្តចំនួន ២០៦លានរៀល ដែលជាប្រាក់រង្វាន់ច្រើនជាងគេក្នុងចំណោមម្ចាស់មេដាយទាំងអស់ ។ បច្ចុប្បន្នកីឡាការិនី ប៉ាល់ ឆរស្មី មានតួនាទីជាមន្ត្រីនរគបាលមានឋានន្តរសក្តិជាវរសេនីយ៍ត្រីយ៍ ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រភេទ នៃអាហារូបករណ៍ទាំង១០ក្នុងប្រទេសអ៉ីតាលីដែលអ្នកគួរដឹង

ព័ត៌មានអាហារូបករណ៍, ព្រឹត្តិការណ៍

• 22/05/2025

បើ​និយាយពីការសិក្សាថ្នាក់ឧត្ដមសិក្សានៅក្នុងប្រទេសអ៉ីតាលី គេនឹងដឹងពីអាហារូបករណ៍ជាច្រើនប្រភេទ ដោយមានទាំងអាហារូបករណ៍ពេញលេញ និងអាហារូបករណ៍ដោយផ្នែក ដែលទទួលបានពីអាហារូបករណ៍ជាច្រើនទាំងក្នុង...

ស្ថានទូតអាមេរិកប្រកាសបើកទទួលពាក្យអាហាររូបករណ៍ Fulbright U.S.-ASEAN សម្រាប់អ្នកស្រាវជ្រាវ និងមន្ត្រីជំនាញ ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 31/12/2025

ផ្នែកការទូតសាធារណៈនៃស្ថានទូតសហរដ្ឋអាមេរិក បានប្រកាសជាផ្លូវការនូវការបើកទទួលពាក្យសុំអាហាររូបករណ៍ Fulbright U.S.-ASEAN Visiting Scholar សម្រាប់ឆ្នាំ២០២៦ ដើម្បីផ្តល់ឱកាសដល់សាស្ត្រាចារ្យសកលវិទ្យាល័យ...

អាហារូបករណ៍ ១០០% សម្រាប់ថ្នាក់សញ្ញាបត្រជាន់ខ្ពស់បច្ចេកទេស នៅវិទ្យាស្ថានពហុបច្ចេកទេសភូមិភាគ តេជោសែនសៀមរាប

ព័ត៌មានអាហារូបករណ៍, ព្រឹត្តិការណ៍

• 20/11/2025

វិទ្យាស្ថានពហុបច្ចេកទេសភូមិភាគ តេជោសែនសៀមរាប បានប្រកាស​ពីការផ្តល់អាហារូបករណ៍ ១០០% ជាច្រើន​កន្លែង សម្រាប់ការ​សិក្សា​កម្រិតសញ្ញាបត្រ​ជាន់ខ្ពស់បច្ចេកទេស ដែលមាន​រយៈពេល ២ឆ្នាំ។

វគ្គសិក្សា Online ឥតគិតថ្លៃចំនួន ៦ ពីសាកលវិទ្យាល័យ Harvard សម្រាប់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 04/03/2025

សាកលវិទ្យាល័យ Harvard បានផ្ដល់ការសិក្សាវគ្គខ្លីតាមរយៈ Online ក្រោមកម្មវិធី Harvard Online ដើម្បីផ្ដល់ឱកាសសិក្សាដោយឥតគិតថ្លៃសម្រាប់និស្សិត និងអ្នកដែលចង់សិក្សាវគ្គខ្លីមកពីទូទាំងពិភពលោក។ 

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Chulalongkorn

ព័ត៌មានអាហារូបករណ៍, ព្រឹត្តិការណ៍

• 23/04/2025

កម្មវិធីអាហារូបករណ៍ Chulalongkorn University’s Graduate Scholarship Program ប្រកាសជ្រើសរើស និស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ អាហារូបករណ៍ផ្ដល់ជូនសម្រាប់បេក្ខជនដែលជាពលរដ្ឋមកពីប្រទេស....

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Leed នៃចក្រភពអង់គ្លេសឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 08/05/2024

ឱកាសសិក្សាអាហារូបករណ៍ថ្នាក់ឧត្តមសិក្សានៅសាកលវិទ្យាល័យLeed ពីកម្មវិធីអាហារូបករណ៍ Leed Scholarship 2024 សម្រាប់សិក្សាផ្នែកគណនេយ្យ ...

អាហារូបករណ៍សិក្សាជំនាញវិជ្ជាជីវៈនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ

ព័ត៌មានអាហារូបករណ៍, ព្រឹត្តិការណ៍

• 23/04/2024

ឱកាសសិក្សាជំនាញវិជ្ជាជីវៈជាច្រើនកន្លែងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃកម្រិតសញ្ញាបត្របច្ចេកទេស និងវិជ្ជាជីវៈ១(កម្មវិធី១,៥លាននាក់).....

វិទ្យាស្ថានបច្ចេកវិទ្យាកម្ពុជាប្រកាសជ្រើសរើសនិស្សិតសិក្សាអាហា​រូបករណ៍​១០០%​ចំនួន៨០​កន្លែង សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 17/11/2023

វិទ្យាស្ថានបច្ចេកវិទ្យាកម្ពុជា(រាជធានីភ្នំពេញ)ប្រកាសជ្រើសរើសនិស្សិតចូលថ្នាក់ឆ្នាំសិក្សាមូលដ្ឋានកម្រិតវិស្វករចំនួន១៣០០កន្លែងក្នុងនោះក៏មានផ្ដល់....

ឱកាសកម្មសិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រឆ្នាំទី៣ ពីកម្មវិធីអាហារ KAUST នៅអារ៉ាប់ប៊ីសាអូឌីត

ព័ត៌មានអាហារូបករណ៍, ព្រឹត្តិការណ៍

• 05/10/2023

ឱកាសកម្មសិក្សាអន្តរជាតិសម្រាប់សិស្សថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រនៅសាកលនៅសាកលវិទ្យាល័យវិទ្យាសាស្ត្រ និងបច្ចេកវិទ្យា King Abdullah ចំនួន១៣០កន្លែង....