ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងសន្និសីទអង្គការសហប្រជាជាតិ ស្តីពីមហាសមុទ្រលើកទី៣ នៅប្រទេសបារាំង សម្ដេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានបង្ហាញពីការប្តេជ្ញាចិត្តរបស់កម្ពុជា ក្នុងកិច្ចសហការការពារធនធានសមុទ្រពីការបំពុល ដើម្បីមនុស្សជាតិ និងអ្នកជំនាន់ក្រោយ។
សម្ដេចធិបតី ហ៊ុន ម៉ាណែត មានប្រសាសន៍ថា ប្រទេសកម្ពុជា តែងព្យាយាមការពារសមុទ្រ ធ្វើយ៉ាងណាមិនឱ្យមានការបំពុលទៅលើបរិស្ថាន ជាពិសេស កម្ពុជាធ្វើយ៉ាងណាឱ្យសមុទ្រមានភាពស្រស់ស្អាត ហើយជាប់ចំណាត់ថ្នាក់ជាប្រទេសមួយដែលមានឆ្នេរសមុទ្រស្រស់ស្អាត និងទឹកសមុទ្រស្រស់ស្អាតបន្ថែមទៀត។
នាយករដ្ឋមន្រ្តីកម្ពុជា បន្ថែមថា កម្ពុជាបានចុះកិច្ចព្រមព្រៀងជាច្រើន ពាក់ព័ន្ធជាមួយការរួមគ្នាការពារបរិស្ថាន ជាពិសេសនៅក្នុងតំបន់សមុទ្រផ្ទាល់។ ក្នុងនោះ កម្ពុជាក៏បានដាក់ចេញយុទ្ធសាស្រ្តចក្រាវិស័យបរិស្ថាន ឆ្នាំ២០២៣-២០២៨ ដើម្បីសម្រេចឱ្យបានភាពស្អាត ភាពបៃតង និងចីរភាព។ ហើយកន្លងមក កម្ពុជាបានពង្រីកតំបន់ការពារដែនសមុទ្រ, ការពង្រឹងបទបញ្ញាត្តិលើការគ្រប់គ្រងការនេសាទប្រកបដោយចីរភាព និងលើកកម្ពស់គំនិតផ្តួចផ្តើម ក្នុងការទប់ស្កាត់ការបំពុលដែនសមុទ្រ។
សម្ដេចធិបតី ហ៊ុន ម៉ាណែត បញ្ជាក់ថា កម្ពុជាប្ដេជ្ញាចិត្តធ្វើយ៉ាងណានឹងការពារធនធានដែលមាននៅក្នុងសមុទ្រប្រទេសកម្ពុជាឱ្យកាន់តែមានភាពល្អប្រសើរឡើង និងចូលរួមលុបបំបាត់ទៅលើការបំពុលសមុទ្រផងដែរ។
“សមុទ្រគ្មានសំឡេងតែពួកគេរស់នៅជាមួយយើង អ្វីដែលយើងត្រូវរួមគ្នា គឺធ្វើយ៉ាងណាឱ្យសមុទ្រនៅមានជីវិត ហើយការពារពួកយើងនៅថ្ងៃខាងមុខ”
គួរជំរាបជូនថា កម្ពុជាមានខេត្តសមុទ្រចំនួន៤ ជាខេត្តដែលមានសក្កដានុពល មានឆ្នេរសមុទ្រ និងទឹកសមុទ្រដ៏ស្រស់ស្អាត គឺខេត្តកំពត ខេត្តព្រះសីហនុ ខេត្តកោះកុង និងខេត្តកែប ហើយសុទ្ធតែជាខេត្តដែលមានសក្ដានុពល ជាពិសេសជាខេត្តដែលមានឆ្នេរសមុទ្រ និងទឹកសមុទ្រដ៏ស្រស់ស្អាត។
បើយោងតាមកម្មវិធីបរិស្ថានរបស់អង្គការសហប្រជាជាតិ (UNEP) ចំនួននៃការចោលសំរាមក្នុងសមុទ្រ និងកាកសំណល់ប្លាស្ទិកបាន និងកំពុងកើនឡើងយ៉ាងឆាប់រហ័ស។ ហើយការចោលសំរាមប្លាស្ទិកចូលទៅក្នុងប្រព័ន្ធអេកូឡូស៊ីក្នុងទឹក ត្រូវបានគេព្យាករណ៍ថា នឹងកើនឡើងជិតបីដងនៅឆ្នាំ២០៤០៕
