ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – នៅក្នុងកិច្ចពិភាក្សាស្តីពីសារៈសំខាន់របស់អំណានក្នុងការសិក្សា រៀបចំឡើងដោយក្រសួងអប់រំ យុវជន និងកីឡា នៅក្នុងទិវាជាតិអំណានកន្លងទៅ ព្រះមុនីកោសល្យបណ្ឌិត យ៉ន សេងយៀត ព្រះសាកលវិទ្យាធិការរង នៃពុទ្ធិកសាកលវិទ្យាល័យព្រះសីហនុរាជ មានសង្ឃដីកាថា ដើម្បីបណ្តុះមនុស្សឱ្យមានទម្លាប់អាន ចាំបាច់ត្រូវមានកត្តាជំរុញ៤ ចូលរួម មានដូចជា កត្តាខ្លួនឯង, កត្តាគ្រួសារ, កត្តាសហគមន៍, និងកត្តាបរិស្ថាន ។
ព្រះមុនីកោសល្យបណ្ឌិត យ៉ន សេងយៀត មានសង្ឃដីកាថា ក្នុងចំណោមកត្តាទាំង៤ ជំរុញឱ្យមនុស្សបណ្តុះទម្លាប់អាន គឺកត្តាខ្លួនឯង ឬកត្តាបុគ្គលផ្ទាល់ខ្លួនជាផ្នែកសំខាន់បំផុតដែលជំរុញឱ្យខ្លួនឯងក្លាយជាមនុស្សចូលចិត្តអាន ។ មនុស្សមានទម្លាប់ចូលចិត្តអាន ចាំបាច់ទាល់តែមនុស្សព្រមទទួលស្គាល់ថា អំណានសំខាន់ជាមនុស្ស បើពុំនោះទេបុគ្គលនឹងពុំយល់ពីតម្លៃនៃអំណានឡើយ ។
ជុំវិញការលើកឡើងពីសារៈសំខាន់នៃអំណាននេះ មុនីកោសល្យបណ្ឌិត យ៉ន សេងយៀត មានសង្ឃដីកាបញ្ជាក់ ៖
“អាត្មាយល់ថា ដំបូងសូមអានអ្វីដែលខ្លួនចូលចិត្តជាមុនសិន ប្រសិនបើយើងមិនចូលចិត្តអ្វីទាល់តែសោះ សូមកុំអាន… លុះត្រាតែបុគ្គលមានឆន្ទៈចង់អានសិន បើបង្រៀនមនុស្សខ្ជិលអានឱ្យមកអានមិនងាយទេ តែអាចមានវិធីបញ្ជ្រាប។”
ស្របគ្នានេះ ព្រះអង្គមានសង្ឃដីកាបន្តថា ផ្អែកតាមបទពិសោធន៍ប្រសិទ្ធភាពនៃការអានអាស្រ័យលើសមត្ថភាព និងកម្រិតចំណេះដឹងរបស់អ្នកអាន ។ ព្រះអង្គមានសង្ឃដីកាលើកទឹកចិត្តឱ្យម្តាយឪពុកត្រូវបង្កើតទម្លាប់ឱ្យកូនអានសៀវភៅ និងចាប់ផ្តើមទិញសៀវភៅដាក់នៅផ្ទះដើម្បីឱ្យកូនអាន ។
សូមជម្រាបថា ផ្អែកតាមប្រសាសន៍របស់ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា អំណានជាធាតុដ៏សំខាន់ក្នុងការអភិវឌ្ឍធនធានមនុស្សឱ្យមានលក្ខណៈសម្បត្តិពេញលេញប្រកបដោយភាពរីកចម្រើនគ្រប់ផ្នែក ដោយមានតុល្យភាពរវាងវិជ្ជាសម្បទា បំណិនសម្បទា ចរិយាសម្បទា កាយសម្បទា និងមនសិកាស្នេហាជាតិ និងមនុស្សជាតិ ៕
