ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ខណៈដែលបេក្ខជននៅក្នុងបន្ទប់ប្រឡងកំពុងខំប្រឹងសង្វាតធ្វើវិញ្ញសារបស់ខ្លួន នៅឯខាងក្រៅមណ្ឌលប្រឡងឯណេះវិញ ឪពុកម្តាយរបស់បេក្ខជនក៏កំពុងតែអន្ទះសារផងដែរ ។ អន្ទះសារដោយបារម្ភថា តើសុខទុក្ខរបស់កូននៅខាងក្នុងមណ្ឌលប្រឡងយ៉ាងណាហើយ ? កូនអាចធ្វើវិញ្ញាសានោះបានទេ ?
លោក ជុង យុង វ័យប្រមាណហាសិបឆ្នាំ កំពុងឈររេរានៅខាងមុខវិទ្យាល័យព្រះស៊ីសុវត្ថិ ។ បុរសមានទីលំនៅឯស្រុកមេមត់ ខេត្តត្បូងឃ្មុំ រូបនេះ បានចំណាយពេលវេលាធ្វើដំណើររាប់សិបគីឡូម៉ែត្រមកកាន់រាជធានីភ្នំពេញ ដើម្បីលើកទឹកចិត្តកូន។
«ខ្ញុំទុកការងាររកស៊ីខ្ញុំមួយឡែកសិន បើទោះជាអំឡុងពេលនេះ ត្រូវប្រមូលផលម្រេច ប្រមូលផលកៅស៊ូ ក៏ត្រូវធ្វើយ៉ាងណាជូនកូនមកប្រឡងសិនព្រោះការប្រឡងរបស់កូនពិតជាសំខាន់»
លោក ជុង យុង
យ៉ាងណាក៏ដោយ លោក ជុង យុង ជឿជាក់លើសមត្ថភាពរបស់កូនគាត់ដែលខំប្រឹងរៀនសូត្រតាមប្រពន្ធអនឡាញកន្លងមក ហើយថា បើទោះបីជាលទ្ធផលចេញមកយ៉ាងណាក៏លោកទទួលយក ទោះជាប់ ឬក៏ធ្លាក់ ដោយលោកមិនស្ដីបន្ទោសកូននោះឡើយ ។
“ការប្រឡងបាក់ឌុបឆ្នាំនេះ ខ្ញុំចង់ដឹងពីសម្ថភាពកូនរបស់ខ្ញុំ ក៏ដូចជាតេស្តសមត្ថភាពសិស្សទូទាំងប្រទេសប្រឡងដោយសមត្ថភាពខ្លួនឯង ព្រោះមិនចង់ឱ្យសិស្សជាប់ស្វ័យប្រវត្តិទៀតនោះឡើយ”
លោកគ្រូ ជុង យុង
លោកស្រី ឃុន កែម៉ូលី ជាម្ដាយមានកូនប្រឡងបាក់ឌុបដែរនោះ បានសម្តែងអារម្មណ៍ត្រេកអរផង និងភ័យព្រួយផង ។ ភ័យព្រួយព្រោះតែបារម្ភចំពោះសុខភាពរបស់កូន តែយ៉ាងណាលោកស្រីនៅតែជឿជាក់លើសមត្ថភាពកូនរបស់លោកស្រីថាអាចធ្វើបាន ។ លោកស្រីបន្តថា តាំងពីមុនពេលប្រឡងបាក់ឌុបលោកស្រីតែងលើកទឹកចិត្តកូនឱ្យខិតខំរៀនសូត្រតាំងពីដើមឆ្នាំ ព្រោះមិនដឹងពីស្ថានការជំងឺកូវីដ-១៩ ធូរស្បើយឬយ៉ាងណា? ហើយដំណើរការប្រឡងបាក់ឌុបក៏មិនទាន់ដឹងមុន ។
ភ្នែកសំឡឹងទៅកាន់បន្ទប់ប្រឡង លោកស្រី កែម៉ូលី មានប្រសាសន៍ទាំងទឹកមុខញញឹមថា ការខិតខំប្រឹងប្រែងរបស់កូនអ្នកស្រីតាំងពីដើម្បីឆ្នាំពិតជាទទួលបានលទ្ធផល ព្រោះរាជរដ្ឋាភិបាលបានបើកឱ្យដំណើរការប្រឡងបាក់ឌុបវិញ មិនឱ្យជាប់ដោយស្វ័យប្រវត្តិដូចឆ្នាំមុននោះឡើយ ។ លោកស្រីថា អារម្មណ៍ជាម្ដាយតែងព្រួយបារម្ភពីកូន លើកទឹកចិត្តកូនជានិច្ចឱ្យបន្តខិតខំរៀនសូត្រ ការពារសុខភាពឱ្យបានល្អ កុំមានការភិតភ័យពេលប្រឡង ប៉ុន្តែត្រូវខិតខំប្រឡងឱ្យអស់ពីលទ្ធភាព ។
“ជឿជាក់! ខ្ញុំត្រូវជឿជាក់លើកូនព្រោះគាត់គឺជាក្មេងល្អ ខិតខំរៀនសូត្រ ស្ដាប់បង្គាប់ឪពុកម្ដាយ ហើយទោះលទ្ធផលកូនបែបណាក៏មិនស្ដីបន្ទោសកូននោះឡើយ ព្រោះនេះជាការខិតខំប្រឹងប្រែងរបស់កូនដែលឪពុកម្ដាយគ្រប់រូបត្រូវតែទទួលយក”
លោកស្រី ឃុន កែម៉ូលី
មិនខុសគ្នាប៉ុន្មានពីឪពុកម្តាយខាងលើដែរ លោកស្រី សៀវ សុគន្ធា បានធ្វើដំណើរមកតាំងពីខេត្តបន្ទាយមានជ័យ ដើម្បីមកលើកទឹកចិត្តកូន ។ លោកស្រីបានបង្ហាញពីអារម្មណ៍ភ័យផង អរផង ហើយក៏សប្បាយចិត្ត ពេលឃើញកូនស្រីបានចូលរួមប្រឡងបាក់ឌុបឆ្នាំនេះ ។ លោកស្រីនិយាយទាំងស្នាមញញឹមថា លោកស្រីបានក្រោកតាំងពីព្រឹកព្រលឹមដើម្បីជូនកូនមកប្រឡង បើទោះត្រូវខាតការលក់ដូររកស៊ីក៏ពិតមែន ប៉ុន្តែចង់មកផ្ដល់ជាកម្លាំងចិត្តដល់កូន ។
“ខ្ញុំលើកទឹកចិត្តកូនថាកុំឱ្យកូនភ័យ តាំងស្មារតីខិតខំប្រឡងឱ្យល្អ ត្រូវជឿជាក់លើសមត្ថភាពរបស់កូន ហើយសង្ឃឹមថាកូនប្រឡងជាប់និទ្ទេសល្អ”
លោកស្រី សៀវ សុគន្ធា
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានពហុបច្ចេកទេសព្រះកុសុមៈ ជ្រើសរើសសិស្សចូលរៀនជំនាញវិជ្ជាជីវៈ និងបច្ចេកទេស ជំហានទី២ ជាង៣រយកន្លែង
ព័ត៌មានអាហារូបករណ៍, ព្រឹត្តិការណ៍
• 30/04/2024
វិទ្យាស្ថានពហុបច្ចេកទេសព្រះកុសុមៈ បានប្រកាសជ្រើសរើសសិស្សទាំងពីរភេទឱ្យចូលរៀនក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដោយឥតគិតថ្លៃ ជំហានទី២ ចំនួន៣៦០កន្លែង។
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធី Open Doors Russian Government Scholarship 2025
ព័ត៌មានអាហារូបករណ៍, ព្រឹត្តិការណ៍
• 05/11/2024
ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសរុស្សីក្រោមកម្មវិធី Open Doors Russian Government Scholarship 2025 សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាបរិញ្ញាបត្រជាន់ខ្ពស់ និងថ្នាក់បណ្ឌិត...
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Australia Awards ២០២៤នៅប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 29/02/2024
កម្មវិធីអាហារូបករណ៍ Australia Awards ប្រកាសបើកទទួលពាក្យស្នើសុំអាហារូបករណ៍ថ្នាក់ឧត្តមសិក្សានៅសាកលវិទ្យាល័យល្បីៗក្នុងប្រទេសអូស្ត្រាលី...
ក្រសួងអប់រំជ្រើសរើសនិស្សិតអាហារូបករណ៍១០០% សិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ នៅវិទ្យាស្ថានបច្ចេកវិទ្យាកំពង់ស្ពឺ
ព័ត៌មានអាហារូបករណ៍, ព្រឹត្តិការណ៍
• 19/08/2025
ជាឱកាសសម្រាប់សិស្សានុសិស្សដែលបានបញ្ចប់ថ្នាក់ទី១២ បើទោះជាធ្លាក់ ឬជាប់បាក់ឌុប ដោយក្រសួងអប់រំ យុវជន និងកីឡា កំពុងប្រកាសប្រឡងជ្រើសរើសនិស្សិតអាហារូបករណ៍១០០% និងនិស្សិតបង់ថ្លៃ សរុបចំនួន ២៩០កន្លែង...
វិទ្យាស្ថានពហុបច្ចេកទេសភូមិភាគតេជោសែនតាកែវ ជ្រើសរើសយុវជនចូលរៀនជំនាញបច្ចេកទេស និងវិជ្ជាជីវៈ១ ចំនួនជាង១ពាន់នាក់
ព័ត៌មានអាហារូបករណ៍, ព្រឹត្តិការណ៍
• 21/02/2025
វិទ្យាស្ថានពហុបច្ចេកទេសភូមិភាគតេជោសែនតាកែវ បានប្រកាសពីការជ្រើសរើសយុវជនឱ្យចូលរៀនជំនាញបច្ចេកទេស និងវិជ្ជាជីវៈ១ ក្រោមគ្រោងកម្មវិធី ១,៥លាននាក់របស់រាជរដ្ឋាភិបាល រហូតដល់ទៅចំនួន ១៦៨០នាក់ ក្នុងឆ្នាំ២០២៥នេះ។
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Hubei ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 29/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។ ...
អាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្ស៉ី ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 04/06/2025
កម្មវិធីអាហារូបករណ៍រដ្ឋាភិបាលរុស្ស៉ី ប្រកាសបើកទទួលពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅក្នុងប្រទេសរុស្ស៉ី សម្រាប់ឆ្នាំសិក្សា២០២៥-២០២៦។
អាហារូបករណ៍ថ្នាក់បរិញ្ញាបត្រពីកម្មវិធី អាហារូបករណ៍ស្ថាបនា ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 10/10/2025
ឱកាសទទួលបានអាហារូបករណ៍១០០% សិក្សាថ្នាក់បរិញ្ញាបត្ររយៈពេល៤ឆ្នាំពីកម្មវិធីអាហារូបករណ៍ស្ថាបនា ឆ្នាំសិក្សា២០២៦។ អាហារូបករណ៍ផ្ដល់ជូនសម្រាប់សិស្សានុសិស្សដែលទើបបញ្ចប់ថ្នាក់មធ្យមសិក្សាទុតិយភូមិឆ្នាំ២០២៥។
កម្មវិធីពិសេសរបស់ AMS EDUCATION
ព័ត៌មានសង្ខេប
