ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសិក្សានៅក្នុងថ្នាក់រៀន របស់កូនៗ និងកុមារនៅក្នុងសាលារៀន ការយកចិត្តទុកដាក់ពីគ្រូបង្រៀន ភ្ជាប់ជាមួយកម្មវិធីសិក្សានានាដ៏សម្បូរបែបពីសាលារៀន ជាការផ្ដល់ចំណេះដឹងដល់កុមារដ៏មានប្រសិទ្ធភាព ប៉ុន្តែដើម្បីឱ្យលទ្ធផលសិក្សាកាន់តែប្រសើរឡើង ក៏ត្រូវមានការចូលរួមពីឪពុកម្ដាយនៅផ្ទះបន្ថែមផងដែរ។ នេះជាការលើកឡើងរបស់ ឧកញ៉ាបណ្ឌិត ប៉ិច បូឡែន អគ្គនាយក ក្រុមហ៊ុន វ៉េសឡាញ អេឌ្យូខេសិន គ្រុប។
ឧកញ៉ាបណ្ឌិត ប៉ិច បូឡែន លើកឡើងថា សាលារៀនវ៉េសឡាញន៍ បានយកចិត្តទុកដាក់លើការសិក្សារបស់សិស្សគ្រប់កម្រិត និងគ្រប់សាខា ដើម្បីធានាឱ្យបាននូវប្រសិទ្ធភាពសិក្សារបស់បុត្រធីតាលោកអ្នកថា ទទួលបានចំណេះដឹងច្បាស់លាស់ និងពិតប្រាកដ។ លើសពីនេះ ឪពុកម្ដាយ ជាអ្នកជិតស្និតបំផុតជាមួយកូននៅផ្ទះ បន្ទាប់ពីពួកគេនៅសាលារៀនពេញមួយថ្ងៃ។ ឪពុកម្ដាយ ឬអាណាព្យាបាល មានតួនាទីក្នុងការតាមដាន និងជំរុញការសិក្សារបស់កូនៗនៅផ្ទះបន្ថែម និងស្វែងយល់ពីសកម្មភាព និងកម្មវិធីសិក្សាផ្សេងៗរបស់កូនៗឱ្យបានទៀងទាត់ និងជាក់លាក់ ដើម្បីបញ្ជាក់ថា កូនៗពិតជាតាមទាន់កម្មវិធីសិក្សា ជាពិសេសការចូលរួមក្នុងពិធីជំនួបអាណាព្យាបាលប្រចាំឆ្នាំជាដើម។
ឧកញ៉ាបណ្ឌិត ប៉ិច បូឡែន បន្ថែមថា លើសពីការយកចិត្តទុកដាក់របស់ឪពុកម្ដាយ សម្រាប់សាលារៀនវ៉េសឡាញន៍ផ្ទាល់ តែងតែងអនុវត្តកម្មវិធីសិក្សាគោលដែលស្របទៅតាមក្រសួងអប់រំ យុវជន និងកីឡា និងការកែលម្អ រៀបចំកម្មវិធីសិក្សា និងសេវាកម្មអប់រំ ដើម្បីឆ្លើយតបឱ្យកាន់តែប្រសើរឡើង ក្នុងការរៀបចំអនាគតសិស្សានុសិស្សស្របតាមការវិវត្តន៍យ៉ាងឆាប់រហ័សនៃពិភពលោក និងសង្គមជាតិ។ សាលាបានផ្តោតសំខាន់លើជំនាញសម្រាប់សតវត្សរ៍ទី ២១ ដែលមាន ជំនាញទំនាក់ទំនង ជំនាញធ្វើការជាក្រុម ជំនាញគិតបែបច្នៃប្រឌិត និងជំនាញគិតវិភាគបែបស៊ីជម្រៅ កម្មវិធីអភិវឌ្ឍអត្តចរិត និងភាពជាអ្នកដឹកនាំ ចំណេះដឹងហិរញ្ញវត្ថុ សហគ្រិនភាព ជំនាញកុំព្យូទ័រ បច្ចេកវិទ្យា និងឌីជីថល និងបំណិនជីវិតនានាដែលចាំបាច់សម្រាប់សិស្សក្នុងការបន្តការសិក្សា ធ្វើការ និងប្រកបមុខរបរដោយជោគជ័យ។
គួរជម្រាបថា នេះជាការលើករបស់ឧកញ៉ាបណ្ឌិត ប៉ិច បូឡែន នៅក្នុងសន្និសីទសារព័ត៌មាន និងបទបង្ហាញអំពីសាលារៀន វ៉េសឡាញន៍ សាខាពោធិ័ចិនតុង ផ្លូវ២០០៤ កាលពីថ្ងៃទី១២ ខែកក្កដា ឆ្នាំ២០២៥ ជាមួយនឹងអាណាព្យាបាលសិស្ស ៕
