ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រដ្ឋមន្ត្រីក្រសួងកិច្ចការនារី មានប្រសាសន៍ថា ការអប់រំកុមារតូច គឺជាការកសាងមូលដ្ឋានគ្រឹះដ៏សំខាន់សម្រាប់ការអភិវឌ្ឍមូលធនបញ្ញា អភិវឌ្ឍវិជ្ជាសម្បទា និងសមត្ថភាពរបស់កុមារា និងកុមារី ដើម្បីឱ្យកុមារគ្រប់រូបឱ្យក្លាយខ្លួនជាកោសិកាសង្គមប្រកបដោយសក្តានុពល។
ក្នុងពិធីសម្ពោធអគារសិក្សា នៅសាលាបឋមសិក្សាស្ងួនពេជ្រ ស្ថិតក្នុងសង្កាត់កន្ទោក ខណ្ឌកំបូល រាជធានីភ្នំពេញ កាលពីពេលថ្មីៗនេះ លោកជំទាវ លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី មានប្រសាសន៍ថា ការបណ្ដាក់ទុនលើការអប់រំកុមារតូចៗ ជាក់ស្ដែងតាមរយៈការពង្រឹងហេដ្ឋារចនាសម្ព័ន្ធរូបវន្ដ ដូចជា អគារសិក្សាថ្មីដែលបានសម្ពោធនេះ ពិតជាបានឆ្លើយតបនឹងតម្រូវការចាំបាច់ សម្រាប់ការអប់រំបណ្ដុះបណ្ដាលកុមារតូចៗ មុនពេលឈានដល់កម្រិតអប់រំបន្តបន្ទាប់។ លើសពីនេះ ជាការរួមចំណែកសំដៅជំរុញឱ្យការអនុវត្តគោលនយោបាយរបស់រាជរដ្ឋាភិបាលទទួលបានជោគជ័យ។
បើតាម លោកជំទាវកិត្តិបណ្ឌិត អ៊ឹង កន្ថាផាវី ការកសាងអគារសិក្សា ពិតជាឆ្លើយតបទៅនឹងតម្រូវការសម្រាប់ការអប់រំកុមារតូច និងកសាងមូលដ្ឋានគ្រឹះដ៏សំខាន់សម្រាប់ការអភិវឌ្ឍមូលធនបញ្ហា រូបវន្ត និងបញ្ញា រួមទាំងការអភិវឌ្ឍន៍ផ្លូវចិត្តរបស់សិស្សានុសិស្ស និងអាចឱ្យពួកគេក្លាយជាធនធានមនុស្សដ៍មានសក្ដានុពល ដើម្បីចូលរួមយ៉ាងពេញលេញក្នុងការអនុវត្តគោលនយោបាយអប់រំនិងការអភិវឌ្ឍធនធានមនុស្សរបស់រាជរដ្ឋាភិបាលកម្ពុជា។
គួរជម្រាបជូនថា អាគារសិក្សានេះ បានចាប់ផ្តើមសាងសង់ចាប់ពីខែមីនា ឆ្នាំ២០២៤ និងរួចរាល់ជាស្ថាបពរ នៅខែកក្កដា ឆ្នាំ២០២៤ គិតជាទឹកប្រាក់ចំនួន៥ម៉ឺនដុល្លាសហរដ្ឋអាមេរិក ដែលជាជំនួយរបស់រដ្ឋាភិបាលនៃសាធារណរដ្ឋឥណ្ឌា «គម្រោងឆាប់ទទួលបានផល ក្នុងក្របខ័ណ្ឌកិច្ចសហប្រតិបត្តិការ មេគង្គ-គង្គា”៕
