ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ថ្លែងក្នុងកម្មវិធីបណ្ដាញស្ត្រីអន្តរសភាពាណិជ្ជកម្មនៅកម្ពុជា (IWNE) រៀបចំដោយ The American Chamber of Commerce in Cambodia (AmCham) កាលពីពេលថ្មីៗនេះ លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានលើកឡើងអំពីផលវិបាកនៃជំងឺមហារីក ចំពោះសង្គមជាតិ និងសេដ្ឋកិច្ច ក្នុងនោះជំងឺមហារីកសុដន់ គឺជាឃាតករដ៏សាហាវដែលឆក់យកអាយុជីវិតស្រ្តីនៅក្នុងពិភពលោក ក៏ដូចជានៅកម្ពុជាផងដែរ។
លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បញ្ជាក់ថា កង្វះការយល់ដឹងពីជំងឺមហារីកសុដន់ក្នុងចំណោមសាធារណៈជន ជាពិសេសស្រ្តីនិងក្មេងស្រី គឺជាបញ្ហាប្រឈមដ៏ចម្បង ដែលកន្លងមកមានអ្នកជំងឺជិត៧០%ដែលមកទទួលការព្យាបាល ស្ថិតក្នុងដំណាក់កាលចុងក្រោយ។ លោកជំទាវបន្តថា ប្រសិនបើពួកគាត់ឆាប់មកពិនិត្យរោគវិនិច្ឆ័យបានលឿន នោះឱកាសនៃការព្យាបាល និងសង្រ្គោះជីវិតគឺមានអត្រាខ្ពស់។
លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី
“ស្រ្តីនៅទូទាំងប្រទេស សូមមេត្តាយកចិត្តទុកដាក់ តាមដាន និងពិនិត្យជាប្រចាំ ចំពោះសុខភាពរបស់ខ្លួន និងត្រូវស្វែងរកសេវាពិនិត្យ និងព្យាបាលឱ្យបានទាន់ពេលវេលា”
លោកស្រី ឡៅ ធន់ណារី ជាស្រ្តីមេផ្ទះ និងឆ្លងផុតពីជំងឺមហារីក បាននិយាយថា កាលពីខែកញ្ញា ឆ្នាំ២០១៩ លោកស្រី បានស្ទាបប៉ះមានដុំសាច់នៅសុដន់ខាងស្ដាំរបស់ខ្លួន ហើយនៅក្នុងខែតុលា និងខែវិច្ឆិកា បានទៅពិនិត្យនៅមន្ទីរពេទ្យចំនួន៧ នៅប្រទេសកម្ពុជា ទាំងមន្ទីរពេទ្យឯកជន និងមន្ទីរពេទ្យរដ្ឋ។ លោកស្រី បន្តថា ជាលទ្ធផលលោកស្រីបានកើតជំងឺមហារីកសុដន់ តំណាក់កាលទី៣ ដែលត្រូវការវះកាត់ និងព្យាបាលដោយការចាក់គីមីចំនួន ១២ដង។
លោកស្រី ឡៅ ធន់ណារី
“ខ្ញុំបានកើតជំងឺមហារីកសុដននៅអាយុ ៣៥ឆ្នាំ នៅពេលនោះខ្ញុំមានអារម្មណ៍ភ័យ រន្ធត់ ខ្ញុំយំច្រើនដង ហើយអ្វីដែលនៅចំពោះមុខខ្ញុំគឺសេចក្ដីស្លាប់ ហើយនៅពេលមើលមុខកូនម្ដងៗ ខ្ញុំរំជួលចិត្ត អាណិតកូនហូរទឹកភ្នែក ព្រោះមិនដឹងថាកូននឹងទៅជាយ៉ាងណាបើសិនជាបាត់បង់ខ្ញុំទៅ”
ស្រ្តីមេផ្ទះវ័យ ៣៨ឆ្នាំរូបនេះ បញ្ជាក់ថា លោកស្រី និងគ្រួសារបានពិភាក្សាជាមួយវេជ្ជបណ្ឌិត ហើយក៏សម្រេចចិត្តទទួលការព្យាបាលវះកាត់ នៅមន្ទីរពេទ្យកូរ៉េកាលពីថ្ងៃទី០៨ ខែមករា ឆ្នាំ២០២០ ដោយចំណាយថវិកាព្យាបាលប្រមាណ ៣៥០០ដុល្លារ។ លោកស្រីបន្តថា ខ្លួនគាត់មិនដឹងថាអាចតស៊ូជាមួយថ្នាំដល់កម្រិតណា ហើយនៅក្នុងរយៈពេល ៨ខែនៃការចាក់គីមី លោកស្រីទទួលបានការគាំទ្រច្រើនពីស្វាមី ឪពុកម្ដាយ សាច់ញាតិ បងប្អូន រួមទាំងមិត្តភក្ដិ។ ពួកគាត់បានជួយមើលថែលោកស្រី និងកូនៗរបស់លោកស្រី ខណៈពេលដែលគ្មានកម្លាំងធ្វើកិច្ចការអ្វីបាន។ ដោយសារការជួយរបស់ពួកគាត់ធ្វើឱ្យលោកស្រីមានកម្លាំងតស៊ូនៅក្នុងការប្រយុទ្ធជាមួយជំងឺមហារីក មិនមានអារម្មណ៍គិតថានៅតែម្នាក់ឯង ឬឯកោ។
ដោយឆ្លងកាត់ជំងឺដ៏កាចសាហាវនេះ លោកស្រី ឡៅ ធន់ណារី ក៏បានលើកទឹកចិត្តមនុស្សស្រីគ្រប់គ្នាយកចិត្តទុកដាក់លើសុខភាព ការពិនិត្យសុខភាព មានការតស៊ូ និងកុំរងចាំរហូតដល់ជំងឺធ្វើទុក ប៉ុន្តែពេលទៅមន្ទីពេទ្យបានកាន់តែលឿន ការព្យាបាលកាន់តែងាយស្រួល ហើយឱកាសជាសះស្បើយពីជំងឺកាន់តែច្រើន។
គួរជម្រាបជូនថា បច្ចុប្បន្ន ក្រសួងកិច្ចនារីបាននឹងកំពុងសហការជាមួយក្រុមហ៊ុន AIA Life Insurance Cambodia ក្នុងការអនុវត្តគម្រោងលើកកម្ពស់ការយល់ដឹងស្ដីពីជំងឺមហារីកសុដន់ មហារីកមាត់ស្បូន ក្នុងខេត្តគោលដៅចំនួនបួន រួមមាន កំពង់ចាម សៀមរាប បាត់ដំបង និងកំពត ក្នុងគោលបំណងបង្កើនការយល់ដឹងដល់ស្ត្រី ក៏ដូចជាក្រុមគ្រួសារ ដើម្បីស្វែងរកសេវាថែទាំ បង្កា និងព្យាបាលបានទាន់ពេលវេលា៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍សិក្សាវគ្គ IELTS តាម Online ពីសាកលវិទ្យាល័យ California
ព័ត៌មានអាហារូបករណ៍, ព្រឹត្តិការណ៍
• 12/02/2025
ឱកាសសិក្សាដោយឥតគិតថ្លៃលើការសិក្សាវគ្គ IELTS នៅលើ Coursera ពីសាកលវិទ្យាល័យ California Irvine (University of California Irvine) សម្រាប់ឆ្នាំសិក្សាថ្មី។ អាហារូបករណ៍ផ្ដល់ជូនការសិក្សាលើជំនាញចំនួន៧ក្នុងការរៀនយក IELTS ។
ឱកាសអាហារូបករណ៍ទៅសិក្សានៅប្រទេសសឹង្ហបុរី ពី SIM Global Education Diploma 2026
ព័ត៌មានអាហារូបករណ៍, ព្រឹត្តិការណ៍
• 01/12/2025
SIM Global Education (SIM GE) កំពុងផ្ដល់ជូននូវអាហារូបករណ៍ SIM Global Education Diploma Scholarship ឆ្នាំ២០២៦ ដល់និស្សិតអន្តរជាតិដែលមានលទ្ធផលសិក្សាឆ្នើម ដើម្បីបន្តការសិក្សានៅប្រទេសសឹង្ហបុរី។
អាហារូបករណ៍ថ្នាក់បរិញ្ញាបត្រជាន់ខ្ពស់ពីមជ្ឈមណ្ឌលសហប្រតិបត្តិការអន្តរជាតិកូរ៉េ សម្រាប់មន្រ្តីក្រសួងយុត្តិធម៌
ព័ត៌មានអាហារូបករណ៍, ព្រឹត្តិការណ៍
• 18/11/2025
ក្រសួងយុត្តិធម៌ កំពុងប្រកាសជ្រើសរើសមន្រ្តីចំណុះក្រសួងចំនួន ៥នាក់ ឱ្យទទួលអាហារូបករណ៍ថ្នាក់បរិញ្ញាបត្រជាន់ខ្ពស់ ទៅសិក្សានៅប្រទេសកូរ៉េ ក្រោមកម្មវិធីរបស់មជ្ឈមណ្ឌលសហប្រតិបត្តិការអន្តរជាតិកូរ៉េ (KOICA) ឆ្នាំសិក្សា២០២៦។
ក្រសួងអប់រំ ជ្រើសរើសគ្រូប្រឹក្សាគរុកោសល្យថ្នាក់បរិញ្ញាបត្រជាន់ខ្ពស់អប់រំចំនួន៣២កន្លែង
ព័ត៌មានអាហារូបករណ៍, ព្រឹត្តិការណ៍
• 02/06/2023
ក្រសួងអប់រំ យុវជន និងកីឡា ប្រកាសជ្រើសរើសគ្រូប្រឹក្សាគរុកោសល្យថ្នាក់បរិញ្ញាបត្រជាន់ខ្ពស់អប់រំឯកទេសប្រឹក្សាគរុកោសល្យ ជំនាន់ទី៥ ឆ្នាំសិក្សា២០២៣-២០២៤ ។ ...
កម្មវិធីអាហារូបករណ៍ SHE-CAN ផ្តល់ឱកាសដល់និស្សិតស្រ្តីកម្ពុជា ទៅសិក្សានៅសហរដ្ឋអាមេរិក
ព័ត៌មានអាហារូបករណ៍, ព្រឹត្តិការណ៍
• 05/07/2023
កម្មវិធីអាហារូបករណ៍ SHE-CAN ដែលជាកម្មវិធីភាពជាអ្នកដឹកនាំមានមូលដ្ឋាននៅសហរដ្ឋអាមេរិក បានប្រកាសផ្តល់អាហារូបករណ៍ដល់និស្សិតស្ដ្រីឆ្នើមកម្ពុជា...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Lincoln ប្រទេសនូវែលសេឡង់ ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 19/08/2025
ឱកាសសិក្សាអាហារូបករណ៍ពេញលេញថ្នាក់ឧត្ដមសិក្សានៅសាកលវិទ្យាល័យ LinColn នៃប្រទេសនូវែលសេឡង់ ឆ្នាំសិក្សា២០២៥ ដោយអាហារូបករណ៍ផ្ដល់ឱ្យនិស្សិតអន្តរជាតិជាច្រើនប្រទេស រួមទាំងនិស្សិតកម្ពុជាផង។
ឱកាសអាហារូបករណ៍ ពីសាកលវិទ្យាល័យភូមិន្ទភ្នំពេញ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 11/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រនៅវិទ្យាស្ថានសិក្សាអន្តរជាតិ និងគោលនយោបាយសាធារណៈ(វសនប) នៃសាកលវិទ្យាល័យភូមិន្ទភ្នំពេញពីកម្មវិធីអាហារូបករណ៍...
អាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ជំនាញវេជ្ជសាស្ត្រ
ព័ត៌មានអាហារូបករណ៍, ព្រឹត្តិការណ៍
• 02/04/2026
ឱកាសទទួលបានអាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ប្រភេទ CSC Type B ទៅសិក្សាជំនាញវេជ្ជសាស្ត្រ ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា ២០២៦-២០២៧ នៅប្រទេសចិន
អាហារូបករណ៍ថ្នាក់បរិញ្ញាបត្រជាន់ខ្ពស់ ៥០កន្លែង លើជំនាញបច្ចេកវិទ្យាឌីជីថល នៅ CADT
ព័ត៌មានអាហារូបករណ៍, ព្រឹត្តិការណ៍
• 12/01/2026
ក្រសួងប្រៃសណីយ៍និងទូរគមនាគមន៍ (ក.ប.ទ.) ប្រកាសជ្រើសរើសនិស្សិតអាហារូបករណ៍ចំនួន ៥០ នាក់ ស្មើនឹង ២ ថ្នាក់ ដើម្បីសិក្សាថ្នាក់ បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថល ព្រមទាំងធ្វើការបណ្តុះបណ្តាលវិធីសាស្ត្របង្រៀនជំនាញបច្ចេកវិទ្យាឌីជីថល...
កម្មវិធីពិសេសរបស់ AMS EDUCATION
ព័ត៌មានសង្ខេប
