រដ្ឋមន្រ្តីអប់រំ ជំរុញការ​បង្រៀនភាសាបារាំង និង​បង្កើតក្រុមប្រឹក្សាភាសាបារាំងនៅតាមវិទ្យាល័យ

រដ្ឋមន្រ្តីក្រសួងអប់រំ យុវជន និងកីឡា បានជំរុញដល់ភាគីពាក់ព័ន្ធទាំងអស់ ជំរុញ​ការ​រៀន និង​បង្រៀនភាសាបារាំង ព្រមទាំងបន្ថែម​ការ​ផ្សព្វផ្សាយបញ្រ្ជាប​ពីសារៈសំខាន់​នៃភាសានេះ ទៅកាន់សិស្សានុសិស្ស។

ក្នុងជំនួបសំណេះសំណាល​ជាមួយថ្នាក់ដឹកនាំ និងបុគ្គលិកអប់រំ នៃមន្ទីរអប់រំ យុវជន និងកីឡា និងគ្រូបង្រៀន​ថ្នាក់​ពីរភាសា​បារាំង-ខ្មែរ ក្នុងខេត្ត​សៀមរាប កាលពីថ្ងៃទី២ ខែធ្នូ ឆ្នាំ២០២៥ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តី​ក្រសួងអប់រំ យុវជន និងកីឡា បានថ្លែងកោតសរសើរ និងវាយតម្លៃខ្ពស់​ចំពោះសមិទ្ធផល​នៃកិច្ចខិតខំប្រឹង​ប្រែង​បំពេញភារកិច្ចប្រកប​ដោយមនសិការទទួលខុសត្រូវខ្ពស់ពីគ្រប់ភាគីពាក់ព័ន្ធដើម្បីជ្រោមជ្រែងវិស័យអប់រំ ជាពិសេសការបន្តនិរន្តរភាពនៃការរៀននិងបង្រៀនភាសាបារាំងប្រកបដោយគុណភាព និងប្រសិទ្ធិភាព។

ទន្ទឹមនឹងនេះ ឯកឧត្តមបណ្ឌិតសភាចារ្យ បានគូសបញ្ជាក់ពីកិច្ចខិតខំប្រឹងប្រែងរបស់ក្រសួងអប់រំ យុវជន និងកីឡា នាយកដ្ឋានជំនាញ និងក្រុមការងារលេខាធិការដ្ឋានកិច្ចសហប្រតិបត្តិការភាសាបារាំង ក្នុងការចូលរួមពង្រឹង និងលើកកម្ពស់ការបង្រៀន និងរៀនភាសាបារាំង រួមទាំងលទ្ធផលសម្រេចបាននាពេលកន្លងមក នៃការអនុវត្ត​កម្មវិធីសិក្សា​ថ្នាក់ពីរ​ភាសាបារាំង-ខ្មែរ ជីវភាសាទី១-ទី២ រួមទាំងការព្យាយាមដោះស្រាយបញ្ហាប្រឈមនានា។

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា

ដើម្បីបន្តជំរុញ និងលើកកម្ពស់ការពង្រឹងការបណ្តុះបណ្តាលភាសាបារាំង ឯកឧត្តមរដ្ឋមន្រ្តីបានផ្តល់​អនុសាសសន៍​ដល់ភាគីពាក់ព័ន្ធទាំងអស់ បន្ថែមការផ្សព្វផ្សាយបញ្ជ្រាបពីសារៈសំខាន់ និងឱកាស​ដែលទទួលបានពី​ការសិក្សា​ភាសាបារាំង ក៏​ដូចជា​បង្តើតក្លឹបសិក្សា តម្រង់ទិសវិជ្ជាជីវៈ និងជំនាញពាក់ព័ន្ធនឹងភាសាបារាំង និងឱកាសទទួល​បានអាហារូបករណ៍ថ្នាក់ឧត្តមសិក្សា។

ជាមួយគ្នានេះ ក៏​ត្រូវ​ពង្រឹងការបណ្តុះបណ្តាល និងបំប៉នសមត្ថភាពគ្រូបង្រៀនភាសាបារាំង រៀបចំជាវីដេអូដើម្បីលើកកម្ពស់ និងផ្សព្វផ្សាយបង្កើនភាពទាក់ទាញរបស់ភាសាបារាំង ហើយជាពិសេស​បង្កើតក្រុមប្រឹក្សាភាសាបារាំងនៅតាមវិទ្យាល័យ និង​ រៀបចំកម្មវិធីប្រឡងប្រណាំងនិយាយភាសាបារាំង លើកកម្ពស់ការសន្ទនាជាភាសាបារាំង បង្កើតមាតិកាជាភាសាបារាំង ក៏​ដូចជា​បង្កើតអ្នកមានឥទ្ធិពល (influencer) ដែលប្រើភាសាបារាំង។

ឯកឧត្តមឧបនាយករដ្ឋមន្រ្តី ក៏​បានជំរុញឱ្យ​បង្កើតបណ្ដាញសិស្ស និងនិស្សិតដែលនិយាយភាសាបារាំង និង សិក្សាពីបញ្ហាប្រឈមនៃការរៀនភាសាបារាំង ជាមួយ​នឹង​ការ​ស្វែងរកដំណោះស្រាយ, ពង្រឹងការបណ្ដុះបណ្ដាល និងការបែងចែកធនធាន, ពិនិត្យឡើងវិញនូវសៀវភៅសិក្សាគោល កម្មវិធីសិក្សាភាសាបារាំង និងមុខវិជ្ជាឯកទេសផ្សេងៗដែលរៀនជាភាសាបារាំង។

ឯកឧត្តម ហង់ជួន ណារ៉ុន បាន​ណែនាំ​ឱ្យ​រៀបចំ និងការវាយតម្លៃឡើងវិញ នូវការរៀននិងបង្រៀនភាសាបារាំង ក៏​ដូចជាពិនិត្យ និងផ្ដល់ជូនឧបករណ៍ឌីជីថល ការបង្កើតសម្ភារៈឧទ្ទេស ដើម្បីជំរុញឱ្យការរៀនភាសាមានភាពទាក់ទាញ និងការរៀបចំបង្កើតវិធីសាស្ត្របង្រៀនថ្មីៗ។

ភាសាបារាំង​នៅ​តែ​មាន​សារៈសំខាន់ក្នុង​ប្រព័ន្ធអប់រំ​កម្ពុជា បើទោះបីបច្ចុប្បន្ន​ភាសាអង់គ្លេស​កំពុង​មាន​ឥទ្ធិពលខ្លាំង​ក៏ដោយ, លោកជំទាវបណ្ឌិត ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា ការចេះភាសាបារាំងសំខាន់សម្រាប់ការងារទាក់ទងនឹងការស្រាវជ្រាវ ប្រវត្តិសាស្រ្ត វប្បធម៌ អរិយធម៌ ដោយសារអ្នកប្រាជ្ញបារាំងបានសិក្សាទៅលើវប្បធម៌ អរិយធម៌ខ្មែរជាច្រើនក្នុងសម័យអាណាព្យាបាលបារាំង ហើយបានបន្សល់ទុកនូវឯកសារជាច្រើន។

បើតាមលោកជំទាវ ឃួន វិច្ឆិកា បច្ចុប្បន្ន ភាសាបារាំងនៅតែជាភាសាមួយក្នុងចំណោមភាសាសំខាន់ៗរបស់អង្គការសហប្រជាជាតិ (UN) ហើយក៏មានការប្រើប្រាស់ច្រើនទាំងនៅអាស៊ី និងអឺរ៉ុប និងនៅអាហ្វ្រិក ដែលផ្ដល់អត្ថប្រយោជន៍ដល់សិស្សានុសិស្ស អ្នកបំពេញការងារ ឬប្រកបអាជីវកម្មទៅអនាគត។ ហើយបើក្រឡេកទៅលើវិស័យទេសចរណ៍ ក៏ឃើញមានចំនួនភ្ញៀវទេសចរណ៍ដែលមកពីប្រទេសបារាំង ឬប្រទេសនិយាយភាសាបារាំងក៏មានចំនួនច្រើនដែលមកប្រទេសកម្ពុជា ដែលនេះក៏ជាឱកាសការងាររបស់ប្រជាជនកម្ពុជាដែរ។

បច្ចុប្បន្ន​ក្រសួងអប់រំ បាន​ដាក់​ឱ្យ​ដំណើរ​ការកម្មវិធីសិក្សាថ្នាក់ពីរភាសាបារាំង-ខ្មែរ ចំនួន ២០សាលា ដែលមានសិស្សសរុបប្រមាណជាង ២ពាន់នាក់ នៅទូទាំង៧ រាជធានី/ខេត្ត រួមមាន រាជធានីភ្នំពេញ ខេត្តកណ្ដាល កំពង់ចាម បាត់ដំបង សៀមរាប តាកែវ និងខេត្តព្រះសីហនុ។ ចំណែក ការអនុវត្តកម្មវិធីសិក្សាថ្នាក់ពីរភាសាបារាំង-ខ្មែរ ជីវភាសាទី១-ទី២ បានអនុវត្តនូវក្នុងសាលាទូទាំងប្រទេស ជាពិសេសក្នុងសាលារៀនជំនាន់ថ្មី៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ជ្រើសរើសសិក្ខាកាម៦០០នាក់ រៀនជំនាញបច្ចេកទេស​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 14/12/2023

មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប បានប្រកាស​ផ្តល់អាហារូបករណ៍​សិក្សា​ជំនាញបច្ចេកទេស និង​វិជ្ជាជីវៈឥតគិតថ្លៃ ដល់យុវជន​មក​ពីគ្រួសារក្រីក្រ និង​គ្រួសារងាយរងហានិភ័យ សរុបចំនួន ៦០០នាក់។

អាហារូបករណ៍ពេញថ្លៃសម្រាប់និស្សិតកម្ពុជា សិក្សា​នៅសាលាគោលនយោបាយសាធារណៈ Lee Kuan Yew សិង្ហបុរី

ព័ត៌មានអាហារូបករណ៍, ព្រឹត្តិការណ៍

• 03/11/2026

ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម្មសកល

ឱកាសសិក្សាអាហារូបករណ៍ថ្នាក់ឧត្តមសិក្សាពីកម្មវិធីអាហារូបករណ៍ Fulbright ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 24/02/2025

កម្មវិធីអាហារូបករណ៍ Fulbright ប្រកាសបើកទទួលពាក្យ អាហារូបកណ៍ Fulbright ឆ្នាំសិក្សា​២០២៦-២០២៧ សម្រាប់ការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសហរដ្ឋអាមេរិក។

ស្ថានទូតអាមេរិកប្រកាសបើកទទួលពាក្យអាហាររូបករណ៍ Fulbright U.S.-ASEAN សម្រាប់អ្នកស្រាវជ្រាវ និងមន្ត្រីជំនាញ ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 31/12/2025

ផ្នែកការទូតសាធារណៈនៃស្ថានទូតសហរដ្ឋអាមេរិក បានប្រកាសជាផ្លូវការនូវការបើកទទួលពាក្យសុំអាហាររូបករណ៍ Fulbright U.S.-ASEAN Visiting Scholar សម្រាប់ឆ្នាំ២០២៦ ដើម្បីផ្តល់ឱកាសដល់សាស្ត្រាចារ្យសកលវិទ្យាល័យ...

វិទ្យាស្ថានពហុបច្ចេកទេសខេត្តព្រះវិហារផ្ដល់ការសិក្សាជំនាញបច្ចេកទេសឥតគិតថ្លៃចំនួន៩០កន្លែង

ព័ត៌មានអាហារូបករណ៍, ព្រឹត្តិការណ៍

• 07/03/2023

វិទ្យាស្ថានបពហុច្ចេកទេសខេត្តព្រះវិហារប្រកាសជ្រើសរើសសិក្ខាកាមចូលសិក្សាជំនាញបច្ចេកទេសចំនួន៩០កន្លែង ។ ជំនាញដែលវិទ្យាស្ថាន...

សាកលវិទ្យាល័យ Chulalongkorn ជ្រើសរើសនិស្សិតអាហារូបករណ៍ថ្នាក់បរិញ្ញបត្រជាន់ខ្ពស់ និងបណ្ឌិតឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 08/02/2023

សាកលវិទ្យាល័យ Chulalongkorn នៃប្រទេសថៃ បានប្រកាសជ្រើសរើសនិស្សិតមក​ពី​ប្រទេសក្នុងតំបន់អាស៊ាន និងក្រៅអាស៊ានឱ្យ​ប្រឡងយក​អាហារូបករណ៍ថ្នាក់បរិញ្ញាបត្រជាន់ខ្ពស់...

អាហារូបករណ៍សម្រាប់និស្សិតកម្ពុជា ទៅ​បន្តការ​សិក្សា​នៅ​ប្រទេស​ហុងគ្រី ៣០កន្លែង សម្រាប់ឆ្នាំ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 29/11/2024

ក្រោមកម្មវិធី​អាហារូបករណ៍ Stipendium Hungaricum Programme របស់រដ្ឋាភិបាល នៃ​ប្រទេស​ហុងគ្រី នឹងផ្តល់អាហារូបករណ៍​ចំនួន ៣០កន្លែង​ដល់និស្សិត​កម្ពុជា ដើម្បី​បន្ត​ការ​សិក្សា​នៅ​តាម​សាកលវិទ្យាល័យ​នានា​ក្នុង​ប្រទេស​ហុងគ្រី...

ឱកាសអាហារូបករណ៍ថ្នាក់ Master នៅកាណាដា

ព័ត៌មានអាហារូបករណ៍, ព្រឹត្តិការណ៍

• 20/06/2025

កម្មវិធីអាហារូបករណ៍ McCall MacBain Scholarships 2026 កំពុងស្វែង​រក​បេក្ខជន​ដែលមាន​សក្តានុពល ដើម្បីមក​បន្ត​ការ​សិក្សា​ថ្នាក់ Master នៅតាមសាកលវិទ្យាល័យ​នានា ក្នុង​ប្រទេស​កាណាដា។

រដ្ឋាភិបាល​ឆែក ​ប្រកាស​ផ្ដល់​អាហារូបករណ៍​ថ្នាក់​អនុ​បណ្ឌិត ​និង​បណ្ឌិត ​ដល់​និស្សិត​កម្ពុជា​ ​សម្រាប់​ឆ្នាំ​សិក្សា​ ​២០​២៧​–​២០២៨

ព័ត៌មានអាហារូបករណ៍, ព្រឹត្តិការណ៍

• 25/08/2026

​រដ្ឋាភិបាល​នៃ​សាធារណរដ្ឋ​ឆែក ​បាន​ប្រកាស​ពី​ការ​បើក​ទទួល​ពាក្យ​ស្នើសុំ​អាហារូបករណ៍​ជា​ផ្លូវការ​សម្រាប់​ឆ្នាំ​សិក្សា​ ​២០​២៧​–​២០២៨ ​ដល់​និស្សិត​កម្ពុជា​ដែល​មាន​បំណង​បន្ត​ការ​សិក្សា​ថ្នាក់​ឧត្តម​សិក្សា​...