ក្រសួងអប់រំ​ដាក់​ឱ្យ​ដំណើរ​ការ​ប្រព័ន្ធ “ស្វ័យវិជ្ជាអក្ខរកម្មមេឌា” ជំរុញ​ការ​យល់ដឹង​ស្ដីពី​អក្ខរកម្ម​ឌីជីថល ប្រព័ន្ធ​ផ្សព្វផ្សាយ និង​ព័ត៌មាន​ក្នុង​វិស័យ​អប់រំ

កាលពី​​សប្តាហ៍​កន្លងទៅ​នេះ ក្រសួង​អប់រំ​ យុវជន និងកីឡា បាន​ដាក់​ឱ្យ​ប្រើប្រាស់​ជាផ្លូវការ នូវ​​ប្រព័ន្ធ​ផ្ញើ​សារ​ស្វ័យ​ប្រវត្តិ​តាម​តេលេក្រាម ដែល​មាន​ឈ្មោះ​ថា “ស្វ័យ​វិជ្ជា​អក្ខរកម្ម​មេឌា” ។ លោកជំទាវ គឹម សេដ្ឋានី រដ្ឋលេខាធិការ​ប្រចាំការ​ក្រសួង​អប់រំ មាន​ប្រសាសន៍​ថា ប្រព័ន្ធ​ផ្ញើសារ “ស្វ័យវិជ្ជា​អក្ខរកម្មមេឌា” នេះ នឹង​ចូល​រួម​ជំរុញ​ការ​យល់ដឹង​ស្ដីពី​អក្ខរកម្មឌីជីថល ប្រព័ន្ធ​ផ្សព្វផ្សាយ និង​ព័ត៌មាន​ក្នុង​វិស័យអប់រំ។

លោកជំទាវ គឹម សេដ្ឋានី មានប្រសាសន៍ថា ប្រព័ន្ធ​ផ្ញើសារ​ស្វ័យប្រវត្តិ “ស្វ័យ​វិជ្ជាអក្ខរកម្មមេឌា” បាន​អភិវឌ្ឍ​ឡើង​ដើម្បី​លើក​កម្ពស់​ការ​យល់ដឹង ជំនួយ​ដល់​គ្រូបង្រៀន លើក​កម្ពស់​ការ​ចូលរួម​របស់​សិស្ស​ក្នុង​កម្មវិធី​សិក្សា បង្កើត​បរិយាកាស​ឌីជីថល​នៅ​ក្នុង​ថ្នាក់រៀន។ លើស​ពីនេះ ជំរុញ​កម្មវិធី​ស្វ័យសិក្សា​ដែល​ជួយ​សិស្ស និស្សិត សិក្សា​ស្រាវជ្រាវ​ដោយ​ខ្លួនឯង គ្រប់​ពេលវេលា និង​គ្រប់​ទីកន្លែង ជំរុញ​ការ​អប់រំ​បែប​ឌីជីថល ព្រម​ទាំង​ជួយ​កសាង​ជំនាញ​ភាព​ជា​ពលរដ្ឋ​ឌីជីថល។ កម្មវិធី​នេះ ក៏​បាន​ផ្ដោត​គោលដៅ​ជាពិសេស​ចំពោះ​ក្មេងស្រី និង​ក្រុម​សហគមន៍​ដែល​ងាយ​រងគ្រោះ​ផង​ដែរ។

លោកជំទាវ គឹម សេដ្ឋានី រដ្ឋលេខាធិការប្រចាំការក្រសួងអប់រំ យុវជន និងកីឡា

រដ្ឋលេខាធិការ​ប្រចាំការ​ក្រសួង​អប់រំ បាន​ផ្ដល់​អនុសាសន៍​មួយ​ចំនួន រួមមាន ទី១. ដាក់​បញ្ចូល​កម្មវិធី “ស្វ័យវិជ្ជា​អក្ខរកម្មមេឌា” ក្នុង​កម្មវិធី​សិក្សា​នៃគ្រឹះស្ថាន​បណ្ដុះបណ្ដាល​គ្រូទាំងអស់ ទី២. ប្រើប្រាស់​កម្មវិធី “ស្វ័យវិជ្ជាអក្ខរកម្មមេឌា” ក្នុង​ថ្នាក់រៀន​ប្រកប​ដោយ​ប្រសិទ្ធភាព និង​ទាញ​យក​ជាប្រយោជន៍​សម្រាប់​ការរៀន និង​បង្រៀន​ឱ្យ​អស់​ពីលទ្ធភាព ទី៣. សហការ​យ៉ាង​ពេញ​ទំហឹង​ជាមួយ​នាយកដ្ឋាន​បរិវត្តកម្មឌីជីថល​ក្រសួង​អប់រំ យុវជន និងកីឡា ក្នុង​ការ​លើក​កម្ពស់​ការ​អប់រំ​ស្ដីពី​អក្ខរកម្ម​ឌីជីថល ប្រព័ន្ធ​ផ្សព្វផ្សាយ និង​ព័ត៌មាន និងទី៤. បន្ត​អភិវឌ្ឍ​សមត្ថភាព​ជាប្រចាំ​ដើម្បី​ដើរ​ឱ្យ​ទាន់​ដំណើរ​វិវត្តន៍​ឥត​ឈប់ឈរ​នៃ​បច្ចេកវិទ្យា​ឌីជីថល។

លក្ខណៈ​ពិសេស​នៃ​ប្រព័ន្ធ​ផ្ញើសារ​ស្វ័យប្រវត្តិ​តាម​តេលេក្រាម “ស្វ័យ​វិជ្ជាអក្ខរកម្មមេឌា” នេះ មាន​មាតិកា​ជាច្រើន​សម្រាប់​អ្នក​ប្រើប្រាស់​ដូចជា ខ្លឹមសារ​មេរៀន​ចំនួន​១០ សទ្ទានុក្រម សំណួរ​ចម្លើយ លំហាត់​វាស់​ស្ទង់​សមត្ថភាព គន្លឹះ​សំខាន់ៗ រូបភាព វីដេអូ តំណ​ភ្ជាប់​ឯកសារ ពិសេស​គឺក្រុម​ពិភាក្សា។ តាម​រយៈ​ប្រព័ន្ធ​ផ្ញើសារ​ស្វ័យ​ប្រវត្តិតាម​តេលេក្រាមនេះ អ្នក​ប្រើប្រាស់​អាច​ធ្វើ​ការ​ស្រាវជ្រាវ និង​ស្វ័យសិក្សា​ដោយ​ខ្លួនឯង​គ្រប់​ពេល​វេលា និង​គ្រប់​ទីកន្លែង។

ប្រព័ន្ធផ្ញើសារស្វ័យប្រវត្តិតាមតេលេក្រាម “ស្វ័យវិជ្ជាអក្ខរកម្មមេឌា”

គួរ​ជម្រាប​ជូនថា ប្រព័ន្ធ​ផ្ញើសារ​ស្វ័យប្រវត្តិ​តាមតេលេក្រាម “ស្វ័យវិជ្ជាអក្ខរកម្មមេឌា” បាន​អភិវឌ្ឍ​ឡើង ដោយ​នាយកដ្ឋាន​បរិវត្តកម្មឌីជីថល ក្រសួងអប់រំ យុវជន និងកីឡា ក្រោម​ការគាំទ្រ​ដោយអង្គការ DW Akademie ជាមជ្ឈមណ្ឌល Deutsche Welle សម្រាប់​ការ​អភិវឌ្ឍ​ប្រព័ន្ធផ្សព្វផ្សាយ​អន្តរជាតិ បណ្តុះបណ្តាល​សារព័ត៌មាន និង​ការផ្ទេរ​ចំណេះដឹង៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្ដល់អាហារូបករណ៍ ១០០% ចំនួន១២០០កន្លែង លើជំនាញ TVET

ព័ត៌មានអាហារូបករណ៍, ព្រឹត្តិការណ៍

• 06/06/2025

វិទ្យាស្ថានពហុបច្ចេកទេសភូមិភាគតេជោសែនស្វាយរៀងបានប្រកាសផ្ដល់អាហារូបករណ៍ ១០០% សម្រាប់ការបណ្ដុះបណ្ដាលជំនាញវិជ្ជាជីវៈកម្រិត១ ដល់ក្រុមយុវជនមកពីគ្រួសារក្រីក្រ និងគ្រួសារងាយរងហានិភ័យ។

ឱកាសសិក្សាជំនាញបច្ចេកទេសវិជ្ជាជីវៈចំនួន២១០០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 23/11/2023

វិទ្យាស្ថានពហុបច្ចេកទេសខេត្តបន្ទាយមានជ័យប្រកាសជ្រើសរើសយុវជន យុវនារី និងសាធារណជនសិក្សាវគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១ រយៈពេល៤ខែ ចំនួន២១០០...

សិក្សាជំនាញ៨ ឥតគិតថ្លៃ នៅ​វិទ្យាស្ថាន​ជាតិសហគ្រិនភាព និង​នវានុវត្តន៍ (NIEI)

ព័ត៌មានអាហារូបករណ៍, ព្រឹត្តិការណ៍

• 20/02/2025

សម្រាប់យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនទូទៅ ដែលចង់ទទួលបាន​ជំនាញ​មួយ​ច្បាស់លាស់​ប្រចាំជីវិត ដើម្បីប្រកប​ការងារ ឬបង្កើតជាមុខរបរ​ ពេលនេះ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Murdoch ប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 17/07/2025

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Murdoch ប្រទេសអូស្ត្រាលី ពីកម្មវិធីអាហារូបករណ៍ Murdoch University RTP Scholarship 2025 សម្រាប់ឆ្នាំសិក្សា២០២៥។

ប្រភេទ នៃអាហារូបករណ៍ទាំង១០ក្នុងប្រទេសអ៉ីតាលីដែលអ្នកគួរដឹង

ព័ត៌មានអាហារូបករណ៍, ព្រឹត្តិការណ៍

• 22/05/2025

បើ​និយាយពីការសិក្សាថ្នាក់ឧត្ដមសិក្សានៅក្នុងប្រទេសអ៉ីតាលី គេនឹងដឹងពីអាហារូបករណ៍ជាច្រើនប្រភេទ ដោយមានទាំងអាហារូបករណ៍ពេញលេញ និងអាហារូបករណ៍ដោយផ្នែក ដែលទទួលបានពីអាហារូបករណ៍ជាច្រើនទាំងក្នុង...

អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 05/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សា...

អាហារូបករណ៍ក្រោយឧត្តមសិក្សា​ជំនាញបរិស្ថាន កសិកម្ម និងគ្រូបង្រៀនភាសាអង់គ្លេស នៅប្រទេសនូវែលសេឡង់

ព័ត៌មានអាហារូបករណ៍, ព្រឹត្តិការណ៍

• 07/02/2025

កម្មវិធីអាហារូបករណ៍ Manaaki New Zealand Scholarships (MNZS) បានប្រកាសផ្តល់អាហារូបករណ៍​ថ្នាក់ក្រោយ​ឧត្តមសិក្សា​ចំនួន ៣៥កន្លែង ដល់ពលរដ្ឋកម្ពុជា (ទាំងក្នុងវិស័យ​សាធារណៈ និងឯកជន) លើមុខជំនាញពាក់ព័ន្ធ​នឹង​ការ​ប្រែប្រួលអាកាសធាតុ...

Fulbright ផ្ដល់អាហារូបករណ៍៤ពាន់នាក់សម្រាប់និស្សិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 17/01/2023

កម្មវិធីអាហារូបករណ៍ Fulbright USA កំពុងបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិគ្រប់ជាតិសាសន៍ច្រើនជាង១៦០ប្រទេសចំនួន៤ពាន់...

អាហារូបករណ៍៦០កន្លែង សម្រាប់​ជំនាញវិស្វកម្ម​អេឡិចត្រូនិក​នៅ​វិទ្យាស្ថានជាតិ​ពហុបច្ចេកទេស​អង្គរ

ព័ត៌មានអាហារូបករណ៍, ព្រឹត្តិការណ៍

• 20/12/2024

វិទ្យាស្ថានជាតិ​ពហុបច្ចេកទេស​អង្គរ បានប្រកាស​ពីការផ្តល់ជូនអាហារូបករណ៍​១០០% ដល់សិស្ស​ធ្លាក់ ឬជាប់​ថ្នាក់ទី១២ សម្រាប់ជំនាញ​វិស្វកម្ម​អេឡិច​ត្រូនិក សិក្សា​រយៈពេល​២ឆ្នាំ ចំនួន៦០កន្លែង។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *