ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រុមការងារ “កម្មវិធីយុវជនបច្ចេកវិទ្យា និងនវានុវត្តន៍” របស់សហភាពសហព័ន្ធយុវជនកម្ពុជារាជធានីភ្នំពេញ សហការជាមួយក្រសួងបរិស្ថាន និង សាលា ស្ទីមមីង ខេមបូឌា បានប្រកាសបើក “កម្មវិធីពង្រឹងជំនាញបច្ចេកវិទ្យាឧស្សាហកម្ម៤.០” ដើម្បីគាំទ្រនិងលើកកម្ពស់ការអប់រំផ្នែកស្ទីម (STEAM – វិទ្យាសាស្រ្ត បច្ចេកវិទ្យា វិស្វកម្ម សិល្បៈ និងគណិតវិទ្យា) ដល់សិស្សានុសិស្ស។ កម្មវិធីប្រកាសបើកនេះ បានធ្វើឡើងកាលពីថ្ងៃសៅរ៍ (២៧ វិច្ឆិកា) កន្លងទៅនេះ។
លោក សុំ មនោរម្យ អ្នកគ្រប់គ្រងកម្មវិធីយុវជនបច្ចេកវិទ្យា និងនវានុវត្តន៍ មានប្រសាសន៍ថា ដើម្បីលើកកម្ពស់ការអប់រំផ្នែកស្ទីម កម្មវិធីពង្រឹងជំនាញបច្ចេកវិទ្យាឧស្សាហកម្ម៤.០ នឹងក្លាយជាមជ្ឈដ្ឋានសម្រាប់បង្កើនគំនិតច្នៃប្រឌិត ផ្តល់នូវមូលដ្ឋានគ្រឹះដល់សិស្សានុសិស្ស និងបណ្តុះផ្នត់គំនិត “អ្វីដែលខ្ញុំស្រមៃ ខ្ញុំអាចផលិតបាន” ព្រមទាំងផ្សព្វផ្សាយបន្ថែមអំពីបច្ចេកវិទ្យាឧស្សាហកម្ម ៤.០ ដល់យុវជនខ្មែរ ទាក់ទងទៅនឹងជំនាញ ឬចំណេះដឹងបច្ចេកវិទ្យា ៤.០ ។
លោក សុំ មនោរម្យ បន្ថែមថា ការបណ្តុះបណ្តាលផ្តោតលើមូលដ្ឋានគ្រឹះនៃបច្ចេកវិទ្យាបោះពុម្ពវត្ថុ 3D និងគំនិតក្នុងការរចនា ព្រមទាំងការចនានិងផលិតកូនមនុស្សយន្ត ដ្រូន និងតួប៊ីនខ្យល់ ។ ទន្ទឹមគ្នានេះ សិស្សានុសិស្សនឹងទទួលការបង្ហាត់បង្រៀនធ្វើគម្រោងទាក់ទងទៅនឹងការរចនា ផលិត និងផ្គុំកូនឡាន ដែលអាចបញ្ជាបាន ដើម្បីចូលរួមក្នុងកម្មវិធីប្រគួតប្រជែងនាចុងវគ្គបណ្តុះបណ្តាលផងដែរ ។
លោក ស៊្រុន បូរ័ត្ន អ្នកគ្រប់គ្រងកម្មវិធីអប់រំស្ទែម នៃសាលាស្ទីមមីង ខេមបូឌា មានប្រសាសន៍ថា បច្ចេកវិទ្យាឧស្សាហកម្ម៤.០ ផ្ដល់អត្ថប្រយោជន៍ជាច្រើនដល់ជីវភាពរស់នៅរបស់ប្រជាពលរដ្ឋ ហើយប្រយោជន៍ដែលបានមកពីបច្ចេកវិទ្យានេះអាចផ្ដល់មកបានដ៏រាបណាយើងមានសមត្ថភាពគ្រប់គ្រាន់ក្នុងការទាញយក និងចេះប្រើប្រាស់បច្ចេកវិទ្យាទាំងនោះ ។
អ្នកគ្រប់គ្រងកម្មវិធីអប់រំស្ទែម នៃសាលាស្ទីមមីង ខេមបូឌា បន្ថែមថា បច្ចេកវិទ្យាបោះពុម្ភ 3D Printing ជាបច្ចេកវិទ្យាមួយជួយសម្រួលដល់ដំណើរការនៃការផលិតប្រើប្រាស់បច្ចេកវិទ្យានេះ ផលិតនូវរបស់របរ និងផលិតផលជាច្រើនទៅតាមតម្រូវការដែលពួកគាត់ចង់បាន ។ បច្ចេកវិទ្យានេះ ផ្ដល់ប្រយោជន៍យ៉ាងទូលំទូលាយដល់វិស័យគ្រឿងយន្ត ផ្នែកសុខាភិបាល ផ្នែកសំណង់ ផ្នែកច្នៃម៉ូត និងផ្នែកផ្សេងៗជាច្រើនទៀត ។
យុវតី ខឿនរស្មី បញ្ញាវត្តី សិស្សថ្នាក់ទី១១ នៃវិទ្យាល័យព្រះស៊ីសុវត្ថិ និងជាសិស្សដែលបានជាប់អាហារូបករណ៍ ក្នុងកម្មវិធីពង្រឹងជំនាញបច្ចេកវិទ្យាឧស្សាហកម្ម៤.០ និយាយថា បច្ចុប្បន្នការរៀនបច្ចេកវិទ្យាឧស្សាហកម្ម៤.០ មិនផ្ដោតសំខាន់លើតែបុរសនោះឡើយ ស្រី្ត និងក្មេងស្រីអាចមានសមត្ថភាពរៀនបានដូចគ្នា ។
“ខ្ញុំសប្បាយចិត្តដែលបានជាប់ក្នុងកម្មវិធីពង្រឹងជំនាញបច្ចេកវិទ្យាឧស្សាហកម្ម៤.០ ដើម្បីអភិវឌ្ឍគំនិតច្នៃប្រឌិត ព្រោះខ្ញុំស្រឡាញ់មុខជំនាញបច្ចេកវិទ្យា ហើយទៅថ្ងៃអនាគតខ្ញុំមានបំណងប្រាថ្នាចង់ធ្វើការងារដែលទាក់ទងនឹងវិស័យបច្ចេកវិទ្យាឧស្សាហកម្ម៤.០ នេះ”
យុវតី ខឿនរស្មី បញ្ញាវត្តី
ដោយឡែកយុវជន តែ វឌ្ឍនៈសិរីវង្ស ជាសិស្សសាលាអ៊ីធូស្ទែម វិញបានថ្លែងថា បច្ចុប្បន្នប្រទេសកម្ពុជាកំពុងត្រូវធនធានមនុស្សជាស្រី្តមករៀនជំនាញបច្ចេកវិទ្យា៤.០ ដូចបុរសដែរ ។ ទន្ទឹមគ្នានេះ សិស្សស្រីអាចចាប់ផ្ដើមព្យាយាមស្វែងយល់ផ្នែកបច្ចេកវិទ្យា ដើម្បីទទួលបានចំណេះដឹងផ្នែកបច្ចេកវិទ្យា ជួយដល់ជីវភាពរស់នៅរបស់ពួកគាត់ និងសង្គមជាតិផងដែរ ។
“ខ្ញុំពេញចិត្តកម្មវិធីនេះ ព្រោះអាចតម្រង់ទិសជំនាញដែលខ្ញុំស្រឡាញ់ឱ្យចំគោលដៅ តាមរយៈមុខជំនាញ 3D Design និង 3D Printing ហើយខ្ញុំនឹងចាប់យកឱកាសមួយនេះខិតខំប្រឹងប្រែងរៀនសូត្រដើម្បីអាចជួយដល់សិស្សប្អូន និងសង្គមជាតិ ។
យុវតី ឈឿន ឆេងលី សិស្សទី១២ នៃសាលាប៊ែលធី អន្តរជាតិ វិញបានសម្តែងក្តីរំពឹងថា ក្រោយពេលរៀនចប់កម្មវិធីនេះ នាងនឹងទទួលបានបទបិសោធន៍ថ្មីៗ បង្កើនគំនិតច្នៃប្រឌិតខ្ពស់ និងស្គាល់ពីឧបករណ៍ដែលត្រូវប្រើប្រាស់តាមរយៈការរៀនបច្ចេកវិទ្យាមួយនេះ ។ យុវតី ឈឿន ឆេងលី បន្តថា ប្រសិនបើស្រ្តីនិងក្មេងស្រីស្រឡាញ់មុខជំនាញទាក់ទងនឹងបច្ចេកវិទ្យា ត្រូវខិតខំប្រឹងប្រែងសម្រេចក្ដីស្រមៃមករៀនជំនាញដែលខ្លួនស្រឡាញ់ ព្រោះសាលាជាច្រើនកំពុងផ្ដល់ឱកាសដល់ក្មេងស្រីដែលចាប់យកជំនាញបច្ចេកវិទ្យាឧស្សាហកម្ម ៤.០ នេះ ។
គួរជម្រាបជូនថា កម្មវិធីពង្រឹងជំនាញបច្ចេកវិទ្យាឧស្សាហកម្ម៤.០ ជាកម្មវិធីអាហារូបករណ៍បណ្តុះបណ្តាលសម្រាប់សិស្សានុសិស្សចាប់ពីថ្នាក់ទី ៩ រហូតដល់ទី ១២ ដែលផ្តោតសំខាន់ទៅលើ ការរចនា និងបោះពុម្ពវត្ថុ 3D (3D Design and Printing) ។ វគ្គបណ្តុះបណ្តាលនេះ នឹងប្រព្រឹត្តទៅរយៈពេល ៤ សប្តាហ៍ នៅទីស្នាក់ការ ស.ស.យ.ក រាជធានីភ្នំពេញ ដែលមានសិស្សសរុបចំនួន ៧៨នាក់ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ចំនួន២០កន្លែងនៅសាកលវិទ្យាល័យក្រចេះឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 07/11/2024
ឱកាសទទួលបានការសិក្សាថ្នាក់បរិញ្ញាបត្រចំនួន២០កន្លែងនៅសាកលវិទ្យាល័យក្រចេះ សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាពីគម្រោង...
រៀនជំនាញកែច្នៃបន្លែ ផ្លែឈើ ដោយមិនគិតថ្លៃពីវិទ្យាស្ថានជាតិពហុបច្ចេកទេសកម្ពុជា
ព័ត៌មានអាហារូបករណ៍, ព្រឹត្តិការណ៍
• 31/03/2025
វិទ្យាស្ថានជាតិពហុបច្ចេកទេសកម្ពុជា (NPIC) ប្រកាសជាថ្មីក្នុងការជ្រើសរើសសិក្ខាកាមចូលរៀនជំនាញកែច្នៃបន្លែផ្លែឈើ ដោយមិនគិតថ្លៃ ក្រោមកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ១.៥លាននាក់របស់រាជរដ្ឋាភិបាល។
ឱកាសសិក្សាជំនាញកម្រិតសញ្ញាបត្របច្ចេកទេសចំនួន២៤០កន្លែងនៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តស្ទឹងត្រែង
ព័ត៌មានអាហារូបករណ៍, ព្រឹត្តិការណ៍
• 15/12/2023
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តស្ទឹងត្រែងប្រកាសជ្រើសរើសចូលរៀនជំនាញបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរង ហានិភ័យជាច្រើនកន្លែងសិក្សាកម្រិត...
អាហារូបករណ៍សម្តេចអគ្គមហាសេនាបតីតេជោ ហ៊ុន សែន ៥០កន្លែងនៅសាកលវិទ្យាល័យភូមិន្ទវិចិត្រសិល្បៈ
ព័ត៌មានអាហារូបករណ៍, ព្រឹត្តិការណ៍
• 20/12/2023
សម្រាប់សិស្ស-និស្សិតដែលមានបំណងចង់សិក្សាជំនាញផ្នែកសិល្បៈ ពេលនេះ គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន នឹងផ្តល់អាហារូបករណ៍...
ឱកាសអាហារូបករណ៍ថ្នាក់បរិញ្ញាបត្ររង និងបរិញ្ញាបត្រ មិនឆ្លងកាត់ការប្រឡង ៣១៥កន្លែង ពី អ.ម.ត
ព័ត៌មានអាហារូបករណ៍, ព្រឹត្តិការណ៍
• 17/09/2026
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត)
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 23/06/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia សម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាជាប្រភេទអាហារូបករណ៍ ពេញលេញសម្រាប់និស្សិតអន្តរជាតិ ដែលជាបេក្ខជនជ័យលាភីអាហារូបករណ៍។
អាហារូបករណ៍ថ្នាក់បណ្ឌិតពី Hong Kong PhD Fellowship Scheme ឆ្នាំ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 12/09/2025
ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី Hong Kong PhD Fellowship Scheme (HKPFS) នៅទីក្រុងហុងកុង ឆ្នាំ២០២៦-២០២៧។ អាហារូបករណ៍ជ្រើសរើសនិស្សិតសិក្សាលើថ្នាក់បណ្ឌិតច្រើនជាង៤០០នាក់ទូទាំងពិភពលោក។
ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ នៅវិទ្យាស្ថានស៊ីអ៊ីអូ ១០០កន្លែង
ព័ត៌មានអាហារូបករណ៍, ព្រឹត្តិការណ៍
• 14/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិពីវិទ្យាស្ថានស៊ីអ៉ីអូចំនួន១០០ កន្លែងសម្រាប់សិស្សានុសិស្សកំពុងត្រៀមបញ្ចប់ថ្នាក់ទី១២ និងនិស្សិត...
កម្មវិធីពិសេសរបស់ AMS EDUCATION
ព័ត៌មានសង្ខេប
