ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សព្វថ្ងៃនេះការចូលរួមរបស់ស្ត្រីនៅក្នុងវិស័យបច្ចេកវិទ្យានៅមានកម្រិតនៅឡើយ បើធៀបជាមួយបុរស ខណៈដែលស្ត្រីក៏មានទេពកោសល្យ និងសក្តានុពលសំខាន់ក្នុងការចូលរួមអភិវឌ្ឍលើផ្នែកបច្ចេកវិទ្យានៅក្នុងសកម្មភាពសេដ្ឋកិច្ច និងសង្គម។ ទន្ទឹមគ្នានេះ ការចូលរួមរបស់ស្រ្តីក្នុងវិស័យបច្ចេកវិទ្យា នឹងរួមចំណែកបង្កើនធនធានមនុស្ស បង្កើនប្រាក់ចំណូល ជួយដល់ការអភិវឌ្ឍន៍បច្ចេកវិទ្យាឆ្លើយតបទៅនឹងតម្រូវការមនុស្ស ព្រមទាំងជួយដល់ការស្រាវជ្រាវ និងអភិវឌ្ឍន៍។ នេះបើតាមការចេញផ្សាយរបស់គេហទំព័រហ្វេសប៊ុកមជ្ឈមណ្ឌលកម្ពុជា៤.០ ។
ទី១. បង្កើនធនធានមនុស្ស៖ វិស័យបច្ចេកវិទ្យាបានរីកចម្រើនជាលំដាប់ ដែលធ្វើឱ្យមានកំណើនតម្រូវការអ្នកជំនាញក្នុងវិស័យនេះកាន់តែខ្លាំងឡើង ។ ជាក់ស្តែង យោងតាមគេហទំព័រ DAXX នៅឆ្នាំ ២០២១ មាន ៦៩% នៃនិយោជកនៅសហរដ្ឋអាមេរិកបានជួបប្រទះកង្វះនិយោជិត ពិសេសអ្នកជំនាញផ្នែកបច្ចេកវិទ្យា។ លើសពីនេះទៀត យោងតាមគេហទំព័រ IMF គិតត្រឹមឆ្នាំ២០៣០ ពិភពលោកនឹងជួបប្រទះនូវកង្វះអ្នកជំនាញក្នុងវិស័យបច្ចេកវិទ្យាប្រមាណ ៨៥លាននាក់ ដែលអាចធ្វើឱ្យបាត់បង់ចំណូលប្រមាណ ៨,៥ពាន់លានដុល្លារ។ ដូច្នេះ ការចូលរួមរបស់ស្ត្រីក្នុងវិស័យបច្ចេកវិទ្យាពិតជាមានសារៈសំខាន់ណាស់ក្នុងការជួយកាត់បន្ថយកង្វះអ្នកជំនាញក្នុងវិស័យដ៏សំខាន់នេះ។
ទី២. បង្កើនប្រាក់ចំណូល ៖ ការចូលរួមរបស់ស្ត្រីក្នុងក្រុមហ៊ុនបច្ចេកវិទ្យាក៏អាចជួយបង្កើនផលិតភាពការងារ ព្រមទាំងគំនិតនវានុវត្តន៍ និងភាពច្នៃប្រឌិតដែលអាចជួយឱ្យផលិតផល ឬសេវាកម្មបច្ចេកវិទ្យារបស់ក្រុមហ៊ុនកាន់តែមានភាពទាក់ទាញ។ ការណ៍នេះ អាចជួយបង្កើនប្រាក់ចំណូលរបស់ក្រុមហ៊ុនបាន។ ជាក់ស្តែង យោងតាមគេហទំព័រ WomenTech នៅឆ្នាំ២០២០ ក្រុមហ៊ុនបច្ចេកវិទ្យាដែលមានអ្នកដឹកនាំ ៣០% ជាស្ត្រីអាចបង្កើនប្រាក់ចំណូលបន្ថែមប្រមាណ ១៥%។
ទី៣. ជួយដល់ការអភិវឌ្ឍបច្ចេកវិទ្យា ៖ ការចូលរួមរបស់ស្ត្រីក្នុងវិស័យបច្ចេកវិទ្យាពិតជាមានសារៈសំខាន់ណាស់ ព្រោះពួកគេអាចចូលរួមផ្តល់ជាគំនិត និងដំណោះស្រាយថ្មីៗ ដែលធ្វើឱ្យការអភិវឌ្ឍបច្ចេកវិទ្យាកាន់តែប្រសើរ។ បើសិនជាមិនមានវត្តមានស្ត្រីក្នុងវិស័យបច្ចេកវិទ្យា យើងក៏មិនអាចឃើញពីវត្តមានបច្ចេកវិទ្យាមួយចំនួនដែរ។ ឧទាហរណ៍ ភាសាសរសេរកម្មវិធីកុំព្យូទ័រដំបូងគេបង្អស់នៅលើពិភពលោកត្រូវបានបង្កើតឡើងដោយលោកស្រី Ada Lovelace ដែលជាគណិតវិទូនៅអំឡុងឆ្នាំ១៨៤០។ ភាសានេះត្រូវបានគេស្គាល់ថាជា Ada Programming Language។
ទី៤. អភិវឌ្ឍន៍បច្ចេកវិទ្យាឆ្លើយតបទៅនឹងតម្រូវការមនុស្ស ៖ បច្ចេកវិទ្យាត្រូវបានបង្កើតឡើងសម្រាប់បំពេញតម្រូវការ និងដោះស្រាយនូវបញ្ហានានារបស់មនុស្ស ដែលជួយឱ្យការរស់នៅកាន់តែប្រសើរ។ ទន្ទឹមគ្នានេះ ស្ត្រីជាអ្នកយល់ច្បាស់នូវអ្វីដែលពួកគេត្រូវការ ដូច្នេះស្ត្រីគួរចូលរួមនៅក្នុងការរចនា និងអភិវឌ្ឍន៍បច្ចេកវិទ្យាដូចបុរសដែរ។ ម៉្យាងវិញទៀត វត្តមានទាំងស្ត្រី និងបុរសក្នុងវិស័យបច្ចេកវិទ្យាមានសារៈសំខាន់ដូចគ្នាក្នុងការអភិវឌ្ឍផលិតផល ឬសេវាកម្មបច្ចេកវិទ្យានានាឱ្យស្របតាមតម្រូវការមនុស្សគ្រប់គ្នា។
ទី៥. ជួយដល់ការស្រាវជ្រាវ និងអភិវឌ្ឍន៍ ៖ ស្ត្រី និងបុរសមានគំនិតខុសគ្នាច្រើនដូច្នេះការចូលរួមរបស់ស្ត្រីក្នុងវិស័យបច្ចេកវិទ្យាអាចជួយបំពេញបន្ថែមនូវគំនិត និងទស្សនៈថ្មីៗក្នុងការស្រាវជ្រាវ ដែលអាចជួយដល់ការអភិវឌ្ឍចំណេះដឹង និងបច្ចេកវិទ្យាថ្មីៗ។ ទន្ទឹមគ្នានេះ ចំណេះដឹង និងបច្ចេកវិទ្យាទាំងនេះអាចជួយបង្កើនស័ក្តិសិទ្ធិភាព និងផលិតភាពការងារក្នុងគ្រប់វិស័យ ដែលអាចជួយឱ្យសេដ្ឋកិច្ចជាតិកាន់តែរីកចម្រើន។ ជាក់ស្តែង យោងតាមគេហទំព័រR&D World គិតត្រឹម ២០១៩ ការលើកកម្ពស់ការចូលរួមរបស់ស្ត្រីនៅក្នុងវិស័យវិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា (STEM) បានជួយឱ្យមានការកើនឡើងនៃផលិតផលក្នុងស្រុកសរុបសម្រាប់មនុស្សម្នាក់ (GDPper capita) ក្នុងចន្លោះប្រមាណពី ២,២% ទៅ ៣% នៅសហភាពអឺរ៉ុប៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ RMUTP ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 28/01/2025
សាកលវិទ្យាល័យ Rajamangala University of Technology Phra Nakhon (RMUTP) នៃព្រះរាជាណាចក្រថៃឡង់ដ៍ កំពុងធ្វើការជ្រើសរើសនិស្សិតអាហារូបករណ៍ថ្នាក់បរិញ្ញាបត្រ ចំនួន២កន្លែង សម្រាប់ឆ្នាំសិក្សា២០២៥។
អាហារូបករណ៍រដ្ឋាភិបាលជប៉ុននៅសាកលវិទ្យាល័យ Nagoya រយៈពេលមួយឆ្នាំ
ព័ត៌មានអាហារូបករណ៍, ព្រឹត្តិការណ៍
• 30/08/2024
ឱកាសសិក្សាអាហារូបករណ៍រយៈពេលមួយឆ្នាំនៅសាកលវិទ្យាល័យ Nagoya ពីអាហារូបករណ៍រដ្ឋាភិបាលជប៉ុនក្រោមកម្មវិធី YLP (Young Leaders’ Program) ផ្នែករដ្ឋបាលថែទាំសុខភាព។
អាហារូបករណ៍សិក្សានៅសាកលវិទ្យាល័យ Pisa ប្រទេសអ៊ីតាលីឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 26/04/2023
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Pisa នៃប្រទេសអ៊ីតាលីឆ្នាំសិក្សា២០២៣ ។ ...
ឱកាសផ្លាស់ប្ដូរការសិក្សា៨សប្ដាហ៍នៅសាកលវិទ្យាល័យក្យូតូ ប្រទេសជប៉ុនឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 12/12/2024
ឱកាសទទួលបានការផ្លាស់ប្ដូរការសិក្សានៅសាកលវិទ្យាល័យក្យូតូ នាប្រទេសជប៉ុនក្នុងឆ្នាំសិក្សា២០២៥ ពីកម្មវិធីអាហារូបករណ៍ 2025 Kyoto University Amgen Scholars Program។ កម្មវិធីផ្លាស់ប្ដូរការសិក្សាមានរយៈពេល៨សប្ដាហ៍...
វិទ្យាស្ថានពហុបច្ចេកទេសខេត្តបន្ទាយមានជ័យ ផ្តល់អាហារូបករណ៍២៥០កន្លែងសម្រាប់សិស្សធ្លាក់ ឬជាប់បាក់ឌុប
ព័ត៌មានអាហារូបករណ៍, ព្រឹត្តិការណ៍
• 10/12/2024
ជាឱកាសសម្រាប់សិស្សានុសិស្សដែលទើបប្រឡងបញ្ចប់សញ្ញាបត្រមធ្យមសិក្សាទុតិយភូមិ ឬបាក់ឌុប វិទ្យាស្ថានពហុបច្ចេកទេសខេត្តបន្ទាយមានជ័យ ប្រកាសផ្តល់អាហារូបករណ៍ចំនួន២៥០កន្លែងសម្រាប់កម្រិតសញ្ញាបត្រជាន់ខ្ពស់បច្ចេកទេស ឬបរិញ្ញាបត្ររង។
អាហារូបករណ៍ថ្នាក់បរិញ្ញាបត្រ៦០កន្លែងនៅសាកលវិទ្យាល័យភូមិន្ទវិចិត្រសិល្បៈ ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 08/11/2024
ដើម្បីគាំទ្រ និងបន្តលើកស្ទួយវិស័យអប់រំ សម្ដេចអគ្គមហាសេនាបតីតេជោ ហ៊ុន សែន និងសម្តេចគតិព្រឹទ្ធបណ្ឌិត ផ្ដល់អាហារូបករណ៍ថ្នាក់បរិញ្ញាបត្រចំនួន៦០កន្លែង សិក្សានៅសាកលវិទ្យាល័យភូមិន្ទវិចិត្រសិល្បៈ សម្រាប់សិក្សា២០២៤-២០២៥។
អាហារូបករណ៍៥០កន្លែងសិក្សានៅសាកលវិទ្យាល័យខេមរៈថ្នាក់បរិញ្ញាបត្រជាន់ខ្ពស់ឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 16/12/2024
ឱកាសសិក្សាអាហារូបករណ៍ថ្នាក់បរិញ្ញាបត្រ៥០កន្លែងសម្រាប់ឆ្នាំសិក្សា២០២៤-២០២៥ នៅសាកលវិទ្យាល័យខេមរៈ តាមរយៈគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត...
អាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច
ព័ត៌មានអាហារូបករណ៍, ព្រឹត្តិការណ៍
• 26/09/2025
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ សម្រាប់ឆ្នាំសិក្សា២០២៥-២០២៦
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Donghua ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 01/08/2025
កម្មវិធីអាហារូបករណ៍ Donghua University Scholarship 2026 ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៦ នៅសាកលវិទ្យាល័យ Donghua ប្រទេសចិន។
កម្មវិធីពិសេសរបស់ AMS EDUCATION
ព័ត៌មានសង្ខេប
ព័ត៌មានផ្សេងៗទៀត
កញ្ញា មណីរ័ត្ន ៖ ស្ត្រីក៏អាចធ្វើជាអ្នកដឹកនាំបានដូចបុរសដែរ ប្រសិនបើមានភាពក្លាហាន និងក្តីស្រមៃធំ
ឯកឧត្តម ហង់ជួន ណារ៉ុន ៖ ការប្រកួតប្រជែងជំនាញវិជ្ជាជីវៈពិភពលោក បង្កើតឱកាសដល់យុវជន និងគ្រូបង្រៀនអប់រំវិជ្ជាជីវៈបញ្ចេញសមត្ថភាព និងទេពកោសល្យ
