យុវជនកម្ពុជា ជាប់ជ័យលាភីជាក្រុមធ្វើបទបង្ហាញល្អបំផុត ក្នុងកម្មវិធីប្រកួតប្រជែងគម្រោងធុរកិច្ចលំដាប់អន្តរជាតិ

គម្រោងធុរកិច្ចថ្មី Tokkatot របស់យុវជនកម្ពុជា បានទទួលជ័យលាភី ជាក្រុមធ្វើបទបង្ហាញល្អ និងទាក់ទាញបំផុតក្នុងកម្មវិធីប្រកួតគម្រោងធុរកិច្ចថ្មីលំដាប់អន្តរជាតិ UNIIC Demo Day, គម្រោងធុរកិច្ចនេះ ផ្ដោតសំខាន់លើការការពារមិនឱ្យមាន់ងាប់ច្រើន នៅក្នុងកសិដ្ឋានខ្នាតតូច និងមធ្យម។

យុវជន ព្រាប សុម៉ានិត អ្នកតំណាងក្រុមយុវជន ដែលផ្ដួចផ្ដើមគម្រោងធុរកិច្ច Tokkatot បានលើកឡើងថា នេះគឺជាមោទនភាពមួយសម្រាប់ក្រុមរបស់ខ្លួន ហើយនេះជាបទពិសោធន៍ថ្មីមួយទៀត សម្រាប់រូបគេផ្ទាល់ ព្រោះនេះគឺជាលើកដំបូង ដែលខ្លួនបានចូលរួមក្នុងកម្មវិធីប្រកួតប្រជែងលំដាប់អន្តរជាតិ។

យុវជន សុម៉ានិត បន្ថែមថា គម្រោងធុរកិច្ចរបស់ក្រុមលោកបច្ចុប្បន្ននេះ គឺផ្ដោតលើការដោះស្រាយបញ្ហា នៅក្នុងប្រទេសកម្ពុជាជាចម្បង ហើយក្នុងនោះក្រុមការងារបានសិក្សាបន្ថែមពីប្រទេសជិតខាង និងក្នុងតំបន់ ដើម្បីអាចមានលទ្ធភាពប្រើប្រាស់បាន ជាលក្ខណៈអន្តរជាតិ។

“គំនិតដែលខ្ញុំធ្វើនេះ វាដោះស្រាយបញ្ហានៅក្នុងប្រទេសកម្ពុជាសិន។ ហេតុនេះ ជាគម្រោងសម្រាប់ទៅអនាគត ក្រុមនឹងពង្រីកបន្ថែម ក្នុងការសិក្សាពីប្រទេសជិតខាង និងតំបន់អាស៊ីទាំងមូលតែម្ដង”

យុវតី Clara ជាអ្នកតំណាង ក្រុម Ekspora, Universitas Trisakti, ប្រទេសឥណ្ឌូណេស៊ី ដែលទទួលបានជ័យលាភីលំដាប់ថ្នាក់លេខ ១ នៅក្នុងកម្មវិធីនេះ បានលើកឡើងថា ការផ្ដួចផ្ដើមគំនិតអាជីវកម្ម ដែលផ្ដោតសំខាន់លើការផ្ដល់ចំណេះដឹង និងផ្ដល់ឱកាស ដល់សហគ្រាសធុនតូច និងមធ្យម និងធុនកណ្ដាល អាចនាំផលិតផលចេញក្រៅប្រទេសកាន់តែងាយស្រួល។

លោកស្រី ណ ឆវិន ប្រធានផ្នែកកិច្ចការនិស្សិត នៃសាកលវិទ្យាល័យ ខេមតិច លើកឡើងថា នេះជាលើកទី១ហើយ ដែលកម្ពុជាទទួលបានឱកាស ធ្វើជាម្ចាស់ផ្ទះនៃកម្មវិធី ប្រកួតប្រជែងគម្រោងធុរកិច្ចថ្មី UNIIC Demo Day ។

លោកស្រី ឆវិន បន្តថា កម្មវិធីនេះ មានគោលបំណងបង្ហាញគម្រោងអាជីវកម្មប្រកបដោយគំនិតច្នៃប្រឌិត នវានុវត្តន៍ក្នុងតំបន់ និងប្រព័ន្ធអេកូឡូស៊ីនៃប្រទេសកម្ពុជា និងថ្នាក់តំបន់។ នេះ ជាការឆ្លុះបញ្ចាំងពីការប្តេជ្ញាចិត្តរបស់ប្រទេសកម្ពុជា ដែលជំរុញឱ្យ​យុវជនជំនាន់ក្រោយក្លាយជាអ្នកដឹកនាំបច្ចេកវិទ្យានាពេលអនាគត និងនាំយកកម្ពុជាឆ្ពោះទៅរកធុរៈកិច្ចថ្មី។

គួរជម្រាបជូនថា កម្មវិធីប្រកួត UNIIC Demo Day ត្រូវបានរៀបចំដោយ សាកលវិទ្យាល័យខេមតិច ដោយមានការគាំទ្រ និងឧបត្ថម្ភពីសហគ្រិនខ្មែរ និងធនាគាកាណាឌីយ៉ា ពីថ្ងៃទី១-២ ធ្នូ ២០២៥។ កម្មវិធីនេះ មានការចូលរួមពីថ្នាក់ដឹកនាំ សាស្ត្រាចារ្យ និងនិសិ្សតចំនួន ១៥០នាក់ មកពីសាកលវិទ្យាល័យជាតិ និងអន្តរជាតិចំនួន១៦ រួមមាន តំណាងពីប្រទេសកម្ពុជាដូចជា សាកលវិទ្យាល័យខេមតិច និងសាកលវិទ្យាល័យជាតិជាស៊ីមកំចាយមារ, ប្រទេសឥណ្ឌូណេស៊ី ប្រទេសអាហ្វ្រិកខាងត្បូង ប្រទេសកូរ៉េខាងត្បូង ប្រទេសអ៊ូសបេគីស្ថាន ប្រទេសឥណ្ឌា ប្រទេសវៀតណាម ប្រទេសភីលីពីន និងប្រទេសម៉ាឡេស៊ី៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ប្រទេសបារាំងឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 10/09/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ចំនួន២០កន្លែងពីកម្មវិធីអាហារូបករណ៍ Ampere Scholarship ក្នុងឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន ផ្នែកវិទ្យាសាស្ត្រពិត ផ្នែកសិល្បៈ និងផ្នែកមនុស្សសាស្ត្រ និងសង្គមសាស្ត្រ។

អាហារូបករណ៍ ADB-Korea Fellowship Program ថ្នាក់បរិញ្ញាបត្រ​ជាន់ខ្ពស់​នៅ​ប្រទេស​កូរ៉េ សម្រាប់មន្រ្តីរាជការកម្ពុជា

ព័ត៌មានអាហារូបករណ៍, ព្រឹត្តិការណ៍

• 05/02/2026

ធនាគារ អភិវឌ្ឍន៍អាស៊ី (ADB) សហការជាមួយរដ្ឋាភិបាលនៃសាធារណរដ្ឋកូរ៉េ បានផ្តល់នូវកម្មវិធីអាហារូបករណ៍ ADB-Korea Fellowship Program (KFP) សម្រាប់ឆ្នាំសិក្សា២០២៦ ដែលមានគោលបំណង ពង្រឹងសមត្ថភាពមន្ត្រីរាជការមកពី...

វិទ្យាស្ថានបច្ចេកទេស ហ្ស៊ឺ វ៉េ សេ ជ្រើសរើសសិស្សចូលរៀនជំនាញបច្ចេកទេសរថយន្តឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 13/02/2025

ឱកាសសិក្សាជំនាញបច្ចេកទេស នៅវិទ្យាស្ថានបច្ចេកទេស ហ្ស៊ឺ វ៉េ សេ ជាច្រើនកន្លែងសម្រាប់ឆ្នាំសិក្សាថ្មី ដល់សិស្សានុសិស្ស ក្នុងការបណ្ដុះបណ្ដាលជំនាញបច្ចេកទេសរថយន្ត។ ការសិក្សាផ្ដល់ជូនក្រោមកម្មវិធី ១លាន៥សែននាក់ សម្រាប់សាធារណជន...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធី China-AUN ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 28/12/2023

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសចិនពីកម្មវិធីអាហារូបករណ៍ China-AUN សម្រាប់ឆ្នាំសិក្សា២០២៤-២០២៥។ អាហារូបករណ៍មានកម្មវិធីសិក្សាជាភាសាចិន និងភាសាអង់គ្លេស។

អាហារូបករណ៍ ១០០% ចំនួន ១៥កន្លែង លើជំនាញអប់រំកុមារតូច នៅសាកលវិទ្យាល័យសិល្បៈភ្នំពេញ

ព័ត៌មានអាហារូបករណ៍, ព្រឹត្តិការណ៍

• 15/09/2026

សាកលវិទ្យាល័យសិល្បៈភ្នំពេញ បានប្រកាសផ្ដល់អាហារូបករណ៍ពេញលេញ (១០០%) ក្រោមការឧបត្ថម្ភដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន

ឱកាសសិក្សាអាហារូបករណ៍ពីកម្មវិធី CICOPS នៅសាកលវិទ្យាល័យ Pavia នៃប្រទេសអ៉ីតាលី ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 03/05/2024

ឱកាសសិក្សាអាហារូបករណ៍រយៈពេលខ្លីពីកម្មវិធីអាហារូបករណ៍CICOPS នៅសាកលវិទ្យាល័យ Pavia Italy នៃប្រទេសអ៉ីតាលីឆ្នាំ២០២៥សម្រាប់ថ្នាក់...

អាហារូបករណ៍អាស៊ានសិស្សថ្នាក់វិទ្យាល័យសម្រាប់ប្រទេសកម្ពុជា-សឹង្ហបុរី ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 13/02/2024

ឱកាសសិក្សាអាហារូបករណ៍អាស៊ានសម្រាប់សិស្សវិទ្យាល័យសិក្សានៅប្រទេសសឹង្ហបុរីឆ្នាំសិក្សា២០២៤។ អាហារូបករណ៍ផ្ដល់ជូនសម្រាប់សិស្សកម្ពុជាដែលកំពុង...

អាហារូបករណ៍ថ្នាក់បរិញ្ញាបត្រ២២កន្លែង នៅ​វិទ្យាស្ថានភាសាបរទេស និង​វិទ្យាស្ថានសិក្សា​អន្តរជាតិ និងគោលនយោបាយសាធារណៈ

ព័ត៌មានអាហារូបករណ៍, ព្រឹត្តិការណ៍

• 19/12/2023

គណៈកម្មាធិការអាហារូបករណ៍​សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន ប្រកាស​ពីការផ្តល់​អាហារូបករណ៍​ចំនួន ២២កន្លែង សម្រាប់ការសិក្សា​កម្រិតថ្នាក់បរិញ្ញាបត្រ​នៅ​វិទ្យាស្ថាន​ភាសាបរទេស...

អាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្ស៉ី ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 04/06/2025

កម្មវិធីអាហារូបករណ៍រដ្ឋាភិបាលរុស្ស៉ី ប្រកាសបើកទទួលពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅក្នុងប្រទេសរុស្ស៉ី សម្រាប់ឆ្នាំសិក្សា២០២៥-២០២៦។