ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រោមគម្រោងមេគង្គ-ឡាងឆាង សាកលវិទ្យាល័យខេមតិច រួមជាមួយសាកលវិទ្យាល័យឈៀងម៉ៃ និងសាកលវិទ្យាល័យមេហ្វាលួង ប្រទេសថៃ បានបើកសិក្ខាសាលារួមគ្នាបង្ហាញពីការអភិវឌ្ឍបច្ចេកវិទ្យាវៃឆ្លាត ដើម្បីបញ្ជៀសហានិភ័យ និងគ្រប់គ្រងសុវត្ថិភាពនៅក្នុងវិស័យឧស្សាហកម្ម។
សិក្ខាសាលានេះ ក៏បានបង្ហាញនិសិ្សត និងក្រុមហ៊ុនផ្សេង សម្រាប់ការប្រើប្រាស់IOT និងបញ្ញាសិប្បនិមិ្មត នៅក្នុងទីក្រុងវៃឆ្លាតដែលអាចប្រើប្រាស់ក្នុងចង្វាក់ផលិតកម្ម និងប្រព័ន្ធសុវត្ថិភាព។
បណ្ឌិត ព្រហ្ម សុភា សាស្រ្តាចារ្យជាន់ខ្ពស់ និងជាព្រឹទ្ធបុរសរងមហាវិទ្យាល័យវិស្វកម្ម នៃសាកលវិទ្យាល័យខេមតិច លើកឡើងថា ការរៀបចំកម្មវិធីនេះ គឺជាឱកាសដ៏ពិសេសមួយដែលសាកលវិទ្យាល័យនិងក្រុមហ៊ុនដៃគូរបង្ហាញបច្ចេកវិទ្យាថ្មីៗ ដើម្បីបញ្ជៀសហានិភ័យ និងគ្រប់គ្រងសុវត្ថិភាពនានា នៅក្នុងវិស័យឧស្សាហកម្មដល់និស្សិត។ ជាមួយគ្នា ក៏ជាការបង្ហាញអំពីជោគជ័យមួយ នៃកិច្ចសហប្រតិបត្តិការរវាង រដ្ឋាភិបាល អ្នកស្រាវជ្រាវ ក៏ដូចជាក្រុមហ៊ុនឯកជន ក្នុងការអភិវឌ្ឍបច្ចេកវិទ្យាថ្មីៗ ដើម្បីដោះស្រាយបញ្ហាសង្គមក្នុងតំបន់។
លោក ប្រាដន ស៊ូរីផូង សាស្ត្រាចារ្យនៃសាកលវិទ្យាល័យឈៀងម៉ៃ មានប្រសាសន៍ថា ការអភិវឌ្ឍបច្ចេកវិទ្យាវៃឆ្លាតនេះ គឺធ្វើឡើងដោយមានការគាំទ្រ ពីគម្រោងមេគង្គ-ឡាងឆាង និងសហឧបត្ថម្ភដោយ ក្រុមហ៊ុនCAS-Cogniser។ ក្នុងតំណាក់កាលដំបូង សាកលវិទ្យាល័យបានបង្កើតបច្ចេកវិទ្យាឆ្លាតវៃមួយ ដោយបានសាកល្បងបំពាក់នៅរោងម៉ាស៊ីនកិនស្រូវដើម្បីបង្កើនចង្វាក់ផលិតកម្ម ក៏ដូចជាបញ្ជៀសហានិភ័យ និង គ្រប់គ្រងសុវត្ថិភាពនៅក្នុងរោងចក្រ។ លោកសាស្ត្រចារ្យបានលើកឡើងថា នឹងបន្តការសិក្សាស្រាវជ្រាវបច្ចេកវិទ្យានេះលើវិស័យផ្សេងៗ ដូចជាវិស័យសំណង់ វិស័យធនាគារ ជាដើម។
លើសពីនេះទៅទៀត លោកបណ្ឌិត សេង ទូច ប្រធាននាយកដ្ឋានគោលនយោបាយវិទ្យាសាស្ត្រ បច្ចេកវិទ្យា និង នវានុវត្តន៏ នៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និង នវានុវត្តន៍ ក៏បានចែករំលែកការស្រាវជ្រាវ ករណីសិក្សា ការអភិវឌ្ឍទីក្រុងវៃឆ្លាតនៅតំបន់អាស៊ីអាគ្នេយ៍ផងដែរ៕
