ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ខ្សត់ខ្សោយ ក្នុងការប្រាស្រ័យទាក់ទង ការទាស់ទែងសម្តីគ្នា ឬក៏ការយល់ច្រឡំណាមួយ បណ្តាលឱ្យអាការៈខឹងសម្បាររីកដុះដាល ឬអារម្មណ៍អន់ចិត្តកើតមានជាហូរហែ ដែលជាកត្តាប៉ះពាល់ដល់ទំនាក់ទនង ក្នុងរយៈពេលវែង។ តាមរយៈ គេហទំព័រ verywellmind បានបង្ហាញថា លក្ខណៈសម្បត្តិនៃការប្រាស្រ័យទាក់ទងប្រកបដោយភាពកក់ក្តៅ និងស្គាល់ពីសារៈសំខាន់នៃការសន្ទនាគ្នាដោយប្រកាន់គោលការណ៍បែបវិជ្ជមាន ជាចំណែកជួយអភិវឌ្ឍន៍ ទំនាក់ទំនងឱ្យមានភាពយូរអង្វែង។
លក្ខណៈសម្បត្តិនៃការប្រាស្រ័យទាក់ទងប្រកបដោយភាពកក់ក្តៅ ៖ ការនិយាយជជែកគ្នាប្រកបដោយភាពកក់ក្តៅ គឺជាការផ្លាស់ប្តូរ ការបង្ហាញអំពីអារម្មណ៍ និងការយល់ឃើញនៃភាគីនីមួយៗ ឱ្យបានដឹងទាំងសងខាង។ បន្ថែមពីនោះ ការប្រាស្រ័យទាក់ទងប្រកបដោយភាពកក់ក្តៅ គឺជាការផ្តល់ឱកាសឱ្យគ្រប់ភាគី មានឱកាសនិយាយ ម្តងម្នាក់ ដោយមិនកាត់សម្ដីគ្នា ឬការមិនយកចិត្តទុកដាក់ចំពោះការយល់ឃើញរបស់ភាគីណាមួយ។ ជារួមមានន័យថា ឱកាសនិយាយ និងភាពអត់ធ្មត់ក្នុងការស្ដាប់ ត្រូវតែមានតុល្យភាព។
ជាឧទាហរណ៍ ប្រសិនអ្នក មានតួនាទីជាអ្នកនិយាយ អ្នកគួរតែយកចិត្តទុកដាក់ទាំងភាសា កាយវិកា ការសម្លឹងកែវភ្នែកគ្នា ដើម្បីបង្ហាញអំពីការនិយាយចេញពីចិត្ត និងបញ្ជាក់ថា អ្នកពិតជាយកចិត្តទុកដាក់ និងគិតគូរបានស៊ីជម្រៅរាល់គ្រប់ពាក្យដែលវោហារចេញមក។ យ៉ាងណាមិញ បើក្នុងករណី លោកអ្នក ជាបុគ្គលម្នាក់ ដែលមានតួនាទីជាអ្នកស្តាប់វិញ អ្វីដែលគួរប្រត្តិបត្តិនោះ គឺបង្ហាញពីចេតនានៃការចង់ដឹង ចង់ឮ សូមកុំព្យាយាមនិយាយកាត់នរណាម្នាក់ឱ្យសោះបើមិនចាំបាច់ខ្លាំង ហើយផ្តោតលើបច្ចុប្បន្នភាពឱ្យបានខ្ពស់។
សារៈសំខាន់នៃការសន្ទនាគ្នាដោយប្រកាន់គោលការណ៍វិជ្ជមាន ៖ ការចរចា ឬការសន្ទនា ដែលផ្តោតលើភាពវិជ្ជមាន ឬការនិយាយប្រកបដោយផាសុកភាព ដើរតួនាទីសំខាន់ ក្នុងការរក្សាទំនាក់ទំនងឱ្យមានរយៈពេលយូរឆ្នាំ។ ការសិក្សាមួយបានបង្ហាញថា ការប្រាស្រ័យទាក់ទងប្រកបដោយប្រសិទ្ធភាព ជួយឱ្យទំនាក់ទំនងដៃគូដំណើរការល្អ បង្កើនភាពស្និទ្ធស្នាល និងសម្រេចក្ដីប្រាថ្នាក្នុងរបៀបរស់នៅ។
ការជ្រើសយកវិធីសាស្រ្តល្អៗ ឬរបៀបប្រាស្រ័យទាក់ទង ដែលមានផាសុកភាព ក្នុងការរស់នៅប្រចាំថ្ងៃ ឬក្នុងជីវិតដៃគូ ជាការឆ្លុះបញ្ចាំងពីលទ្ធភាពនៃការដោះស្រាយបញ្ហា ឬជម្លោះដែលកើតមាននៅថ្ងៃណាមួយ។ បើអ្នកបានសិក្សាឈ្វេងយល់អំពីអ្វីទៅជាការជជែកមួយដែលមានភាពវិជ្ជមាន ឬការរកចំណុចរួមគ្នា ក្ដីប្រាថ្នារួមគ្នា នោះជម្លោះឬការខ្វែងគំនិតគ្នា នឹងអាចកាត់បន្ថយបានច្រើន រួមទាំងពង្រឹងទំនាក់ទំនងឱ្យកាន់តែរឹងប៉ឹងបន្ថែម។ ទន្ទឹមគ្នានោះ ការយល់ចិត្ត បង្ហាញពីក្ដីបារម្ភ និងការអភ័យទោស សុទ្ធសឹងតែជាចំណុចសំខាន់ដែលមិនគួរមើលរំលងក្នុងការរក្សាទំនាក់ទំនង។
ដោយឡែក ស្ថានភាពនៃការរស់នៅរបស់មនុស្សម្នាក់ៗ មានភាពខុសគ្នា និងប្រែប្រួលទៅតាមស្ថានការណ៍ ឬក៏បទពិសោធន៍នៃការស់នៅ ដែលតម្រូវឱ្យមានសិល្បៈនិយាយផ្ទាល់ខ្លួន និងរបៀបដោះស្រាយទៅតាមប្រភេទនៃបញ្ហាដែលបានជួបប្រទះ៕
