នៅថ្ងៃទី១៧ ខែកញ្ញា សាកលវិទ្យាល័យអាមេរិកាំងភ្នំពេញ AUPP បានរៀបចំកម្មវិធីប្រកបដោយមោទនភាពចំនួនពីរ នាំមកជាមួយនូវការជួបជុំគ្នា រវាង សិស្សានុសិស្ស និស្សិត អ្នកអប់រំ អ្នកដឹកនាំក្នុងវិស័យឧស្សាហកម្ម ដែលបង្ហាញពីការប្តេជ្ញាចិត្តរបស់សាកលវិទ្យាល័យក្នុងការពង្រឹងវិស័យអប់រំ ការច្នៃប្រឌិត និងការសហការនៅក្នុងប្រទេសកម្ពុជា។

នាពេលព្រឹកនៃកម្មវិធី Exploring FHSU at AUPP: Info & Networking អ្នកចូលរួមបានយល់ដឹងពីអត្ថប្រយោជន៍ពិសេសនៃការសិក្សាទទួលបានសញ្ញាបត្រពីរជាមួយសាកលវិទ្យាល័យ Fort Hays State University (FHSU)។ សិស្សានុសិស្សដែលបានចូលរួមទទួលបានចំណេះដឹងថ្មីៗ ព្រមទាំងភាពច្នៃប្រឌិតនៃកម្មវិធីសិក្សាពីសាកលវិទ្យាល័យ FHSU ការផ្សាភ្ជាប់ភាពជាដៃគូជាសកល និងអត្ថប្រយោជន៍សំខាន់ៗទៀតតាមរយៈសាកលវិទ្យាល័យ AUPP ។ យើងមានវាគ្មិនកិត្តិយសចូលរួមក្នុងវេទិការពិភាក្សារួមមាន លោកបណ្ឌិត Matthew Schenk អ្នកតំណាងអោយសាកលវិទ្យាល័យ FHSU ឯកឧត្តម ចាន់ទី សុធី ជំនួយការក្រសួងប្រៃសណីយ៍និងទូរគមនាគមន៍ និងអតីតនិស្សិតនៃសាកលវិទ្យាល័យ FHSU លោក ង៉ោ ឡុងវៃ ដែលបានចែករំលែកបទពិសោធន៍រឿងរ៉ាវលើកទឹកចិត្ត ព្រមទាំងទស្សនៈវិស័យដ៏មានតម្លៃលើការច្នៃប្រឌិតឌីជីថល ភាពជាអ្នកដឹកនាំ និងការផ្លាស់ប្តូរនៃការអប់រំអន្តរជាតិ។

នៅពេលរសៀល កម្មវិធី AUPP Campus Connect: Open House បានទទួលស្វាគមន៍សិស្សានុសិស្ស និងក្រុមគ្រួសារប្រមាណជាង ៣០០នាក់។ ពួកគេបានស្វែងយល់អំពីបរិក្ខារក្នុងបរិវេណសាលា ការចូលរួមទំនាក់ទំនងយ៉ាងជិតស្និទ្ធជាមួយនិស្សិតក្នុងសាលា និងអ្នកផលិតមាតិការល្បីៗដែលបានកំពុងសិក្សានៅសាកលវិទ្យាល័យ AUPP ដូចជា លោក ទិត ហាវហ៊ាង និង កញ្ញា សុឹង សុម៉ាណែត ព្រមទាំងការស្វែងយល់អំពីឱកាសអាហារូបករណ៍នៅសាកលវិទ្យាល័យ AUPP ផងដែរ ។ កម្មវិធីនេះប្រកបទៅដោយបរិយាកាសសប្បាយរីករាយ រស់រវើក និងជំរុញទឹកចិត្តអ្នកចូលរួមឱ្យបោះជំហានបន្ទាប់ឆ្ពោះទៅរកគោលដៅរបស់ពួកគេ។

កម្មវិធីទាំងពីរនេះបានបង្ហាញពីការយកចិត្តទុកដាក់របស់សាកលវិទ្យាល័យ AUPP ក្នុងការផ្តល់នូវការអប់រំដែលមានគុណភាពខ្ពស់ ស្ដង់ដារអន្តរជាតិ និងបង្កើតវេទិកាសម្រាប់សិស្សានុសិស្ស ចូលរួមប្រកបដោយអត្ថន័យ និងភាពជោគជ័យនាពេលអនាគត។ សាកលវិទ្យាល័យ AUPP សូមអរគុណអ្នកគ្រប់គ្នាដែលបានចូលរួម។

អំពី AUPP
សាកលវិទ្យាល័យអាមេរិកាំងភ្នំពេញ (AUPP) គឺជាសាកលវិទ្យាល័យតែមួយគត់ក្នុងប្រទេសកម្ពុជាដែលផ្តល់ជូននូវកម្មវិធីសិក្សាស្តង់ដារបែបអាមេរិក និងកម្មវិធីសញ្ញាបត្រពីរដែលទទួលស្គាល់ដោយសហរដ្ឋអាមេរិក។ សិស្សនិស្សិតមានឱកាសជ្រើសរើសីមុខជំនាញ១៣មុខផ្សេងៗគ្នានៅក្នុងមហាវិទ្យាល័យធុរកិច្ច បច្ចេកវិទ្យាឌីជីថល នីតិសាស្ត្រ និងវិទ្យាសាស្ត្រសង្គម។ នៅ AUPP មហាវិទ្យាល័យជំនាញរបស់យើងបាននាំមកនូវចំណេះដឹង និងបទពិសោធន៍ក្នុងសង្គមពិតជាច្រើនដល់ថ្នាក់រៀន ដោយផ្តល់ឱ្យសិស្សនិស្សិតនូវការយល់ដឹង និងការណែនាំដែលមិនអាចកាត់ថ្លៃបាន នៅពេលពួកគេចាប់ផ្តើមដំណើរការសិក្សាជាមួយ AUPP។

វគ្គសិក្សាថ្មី ២០២៥ កំពុងបើកទទួលពាក្យចូលរៀន ដាក់ពាក្យឥឡូវនេះ៖ https://bit.ly/BachelorsApplication

ស្វែងយល់បន្ថែម៖
www.aupp.edu.kh
www.facebook.com/AUPPkh