ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យអាមេរិកាំងភ្នំពេញ (AUPP) មានសេចក្តីសោមនស្សរីករាយក្នុងការប្រកាសពីការចុះហត្ថលេខាលើអនុស្សរណៈនៃការយោគយល់គ្នា (MoU) សម្រាប់កិច្ចសហប្រតិបត្តិការជាមួយសាកលវិទ្យាល័យ Kookmin ដែលជាគ្រឹះស្ថានឧត្តមសិក្សាឈានមុខគេមួយរបស់ប្រទេសកូរ៉េខាងត្បូង។
សាកលវិទ្យាល័យ Kookmin បង្កើតឡើងក្នុងឆ្នាំ១៩៤៦ នៅទីក្រុងសេអ៊ូល ប្រទេសកូរ៉េខាងត្បូង ជាសាកលវិទ្យាល័យឯកជនដំបូងគេដែលបានបង្កើតឡើងបន្ទាប់ពីការរំដោះប្រទេសកូរ៉េដោយរដ្ឋាភិបាលបណ្តោះអាសន្ននៃសាធារណរដ្ឋកូរ៉េ។ សព្វថ្ងៃនេះ សាកលវិទ្យាល័យ Kookmin មានមហាវិទ្យាល័យចំនួន១៥ និងសាលាក្រោយឧត្តមសិក្សាចំនួន១៥ ដោយទទួលបានកេរ្តិ៍ឈ្មោះជាអ្នកដឹកនាំក្នុងការអប់រំ និងការស្រាវជ្រាវប្រកបដោយភាពច្នៃប្រឌិត។
ភាពជាដៃគូនេះកត់សម្គាល់នូវកិច្ចសហការជាសាធារណៈរបស់ AUPP ជាមួយស្ថាប័នកូរ៉េ ដោយគូសបញ្ជាក់ពីការប្តេជ្ញាចិត្ត ក្នុងការពង្រីកសម្ព័ន្ធភាពអប់រំជាសាកល។ ក្រោម MoU នេះ សាកលវិទ្យាល័យទាំងពីរនឹងសហការគ្នាលើការលើកកម្ពស់គុណភាពសិក្សាតាមរយៈសកម្មភាពជាច្រើន រួមមានការផ្លាស់ប្តូរធនធានសិក្សា សម្របសម្រួលការផ្លាស់ប្តូរបទពិសោធន៍នៃការបង្រៀនរបស់សាស្ត្រាចារ្យ និងនិស្សិតនៅកម្រិតថ្នាក់បរិញ្ញាបត្រ និងថ្នាក់អនុបណ្ឌិត/ថ្នាក់ឧត្តមសិក្សា ព្រមទាំងការធ្វើគម្រោងសិក្សាស្រាវជ្រាវ និងសិក្ខាសាលារួមគ្នា។
ជាផ្នែកមួយនៃកិច្ចសហប្រតិបត្តិការនេះ សាកលវិទ្យាល័យ AUPP និងសាកលវិទ្យាល័យ Kookmin នឹងចូលរួមនៅក្នុងគំនិតផ្តួចផ្តើមស្រាវជ្រាវ និងរៀបចំសិក្ខាសាលារួមគ្នា ផ្តល់វេទិកាសម្រាប់សាស្រ្តាចារ្យ និងនិស្សិតដើម្បីស្វែងរកចំណាប់អារម្មណ៍ និងការដោះស្រាយបញ្ហាប្រឈមជាសកល។ កិច្ចខិតខំប្រឹងប្រែងសហប្រតិបត្តិការនេះត្រូវបានរំពឹងថានឹងអាចពង្រឹងបទពិសោធន៍នៃការសិក្សារបស់និស្សិត និងមហាវិទ្យាល័យ ដោយត្រួសត្រាយផ្លូវសម្រាប់ការស្រាវជ្រាវថ្មីៗប្រកបដោយភាពច្នៃប្រឌិត និងការចែករំលែកផ្លាស់ប្តូរវប្បធម៌គ្នាទៅវិញទៅមក។
ការចុះហត្ថលេខាលើអនុស្សរណៈ នៃការយោគយល់គ្នានេះមានសារៈសំខាន់សម្រាប់ការជួយជុំរុញសិស្សនិស្សិតឱ្យរីកចម្រើនក្នុងផ្សាភ្ជាប់ទំនាក់ទំនងគ្នាទៅវិញទៅមក ដែលឆ្លុះបញ្ចាំងពីទស្សនវិជ្ជារបស់ សាកលវិទ្យាល័យ AUPP គឺ “Study Locally, Live Globally”។ តាមរយៈការពង្រឹងការផ្លាស់ប្តូរផ្នែកអប់រំ និងការខិតខំប្រឹងប្រែងស្រាវជ្រាវដោយសហការរវាងសាកលវិទ្យាល័យ AUPP និងសាកលវិទ្យាល័យ Kookmin មានគោលបំណងពង្រឹងបទពិសោធន៍សិក្សារបស់សហគមន៍សិក្សារបស់ពួកគេ។
អំពី AUPP
សាកលវិទ្យាល័យអាមេរិកាំងភ្នំពេញ (AUPP) គឺជាសាកលវិទ្យាល័យតែមួយគត់ក្នុងប្រទេសកម្ពុជាដែលផ្តល់ជូននូវកម្មវិធីសិក្សាស្តង់ដារបែបអាមេរិក និងកម្មវិធីសញ្ញាបត្រពីរដែលទទួលស្គាល់ដោយសហរដ្ឋអាមេរិក។ សិស្សនិស្សិតមានឱកាសជ្រើសរើសពីមុខជំនាញ១៣មុខផ្សេងៗគ្នានៅក្នុងសាលាធុរកិច្ច បច្ចេកវិទ្យាឌីជីថល ច្បាប់ និងវិទ្យាសាស្ត្រសង្គម។ នៅ AUPP មហាវិទ្យាល័យជំនាញរបស់យើងបាននាំមកនូវចំណេះដឹង និងបទពិសោធន៍ក្នុងពិភពពិតជាច្រើនដល់ថ្នាក់រៀន ដោយផ្តល់ឱ្យសិស្សនូវការយល់ដឹង និងការណែនាំដែលមិនអាចកាត់ថ្លៃបាន នៅពេលពួកគេចាប់ផ្តើមដំណើរការសិក្សារបស់ពួកគេ។
វគ្គសិក្សាថ្មី ២០២៥ កំពុងបើកទទួលពាក្យចូលរៀន ដាក់ពាក្យឥឡូវនេះ៖ https://bit.ly/BachelorsApplication
ស្វែងយល់បន្ថែម៖
www.aupp.edu.kh
www.facebook.com/AUPPkh
