៥ចំណុចជំរុញការចូលរួមរបស់ស្ត្រីក្នុង វិស័យបច្ចេកវិទ្យា

ភ្នំពេញ- បច្ចុប្បន្ននេះស្ទើរគ្រប់វិស័យទាំងអស់សុទ្ធតែត្រូវការប្រើប្រាស់បច្ចេកវិទ្យា ដែលធ្វើឱ្យមានតម្រូវការអ្នកជំនាញក្នុងផ្នែកនេះកាន់តែខ្លាំងឡើង។ ក្នុងបរិការណ៍នេះ ស្ត្រីបានដើរតួនាទីយ៉ាងសំខាន់ក្នុងការចូលរួមដោះស្រាយនូវកង្វះធនធានមនុស្សផ្នែកបច្ចេកវិទ្យានៅក្នុងប្រទេស ព្រមទាំងជួយដល់កំណើនផលិតភាព និងប្រសិទ្ធិភាពការងារ ប៉ុន្តែការចូលរួមរបស់ស្ត្រីក្នុងវិស័យបច្ចេកវិទ្យានៅតែមានចំនួនតិចនៅឡើយ។ ទន្ទឹមគ្នានេះ ការលើកទឹកចិត្តក្មេងស្រីក្នុងការសិក្សាមុខវិជ្ជា STEM ការលើកកម្ពស់ការយល់ដឹងផ្នែកបច្ចេកវិទ្យា ការលើកទឹកចិត្តពីគ្រួសារ ការលើកទឹកចិត្តដល់ស្ត្រី និងការបង្កើនគំរូជាស្ត្រីក្នុងវិស័យបច្ចេកវិទ្យា ជាកត្តាសំខាន់ជំរុញដល់ការចូលរួមរបស់ស្ត្រីក្នុងវិស័យបច្ចេកវិទ្យា។ នេះបើយើតាមការចេញផ្សាយល់គេហទំព័រហ្វេសប៊ុករបស់មជ្ឈមណ្ឌលកម្ពុជា៤.០ ។

ទី១. ការលើកទឹកចិត្តក្មេងស្រីក្នុងការសិក្សាមុខវិជ្ជា STEM៖ ការអប់រំទាក់ទងនឹងមុខវិជ្ជាវិទ្យាសាស្រ្ត បច្ចេកវិទ្យា វិស្វកម្ម និងគណិតវិទ្យា (STEM) តាំងពីវ័យកុមារ គេចាត់ទុកជាកត្តាសំខាន់មួយក្នុងការបណ្តុះស្មារតីស្រលាញ់ និងចូលចិត្តការងារក្នុងវិស័យបច្ចេកវិទ្យា ។ ទន្ទឹមគ្នានេះ មានក្មេងស្រីភាគតិចណាស់ដែលចាប់អារម្មណ៍នឹងការសិក្សាមុខវិជ្ជា STEM នេះ ដោយមានការគិតតែមួយជ្រុងថា មុខវិជ្ជា STEM ជាមុខវិជ្ជាសម្រាប់ក្មេងប្រុស ឬក្មេងប្រុសរៀនមុខវិជ្ជា STEM ពូកែជាងក្មេងស្រី ។ ដូច្នេះ គ្រឹះស្ថានអប់រំគួរបញ្ចូលមុខវិជ្ជា STEM តាំងពីថ្នាក់បឋម ព្រោះថាការរៀនមុខវិជ្ជា STEM តាំងពីវ័យកុមារអាចជួយឱ្យក្មេងស្រីមានឱកាសច្រើនក្នុងការបណ្តុះស្មារតីស្រលាញ់ និងមានទំនុកចិត្តច្រើនជាងមុនក្នុងការសិក្សាមុខវិជ្ជានេះ។

ទី២. ការលើកកម្ពស់ការយល់ដឹងផ្នែកបច្ចេកវិទ្យា៖ ការលើកកម្ពស់ការយល់ដឹងផ្នែកបច្ចេកវិទ្យាដល់ក្មេងស្រី ជាកត្តាសំខាន់មួយអាចជួយឱ្យក្មេងស្រីយល់ដឹងពីឱកាសដែលពួកគេមានក្នុងវិស័យនេះ ព្រមទាំងជួយឱ្យមានទំនុកចិត្តកាន់តែខ្លាំងចូលរួមក្នុងវិស័យបច្ចេកវិទ្យានេះ។ ដូច្នេះ គ្រឹះស្ថានអប់រំអាចលើកទឹកចិត្តឱ្យក្មេងស្រីបានចូលរួមក្នុងកម្មវិធី ឬក្រៅកម្មវិធីសិក្សាមួយចំនួន ដូចជា សិក្ខាសាលា ការតាំងពិព័រណ៍ និងកម្មវិធីណែនាំ (Mentorship Program)ជាដើម ដើម្បីបង្កើនការយល់ដឹងផ្នែកបច្ចេកវិទ្យា និងទទួលបានបទពិសោធន៍ល្អៗត្រៀមខ្លួនសម្រាប់ចាប់យកអាជីពក្នុងវិស័យនេះនាពេលអនាគត។

ទី៣. ការលើកទឹកចិត្តពីគ្រួសារ៖ ការអប់រំរបស់ឪពុកម្តាយក៏ជាកត្តាសំខាន់មួយក្នុងការលើកទឹកចិត្តឱ្យក្មេងស្រីចាប់អារម្មណ៍វិស័យបច្ចេកវិទ្យាផងដែរ។ ម៉្យាងវិញទៀត ក្មេងប្រុសមានឱកាសច្រើនជាងក្មេងស្រីក្នុងការបណ្តុះស្មារតី ស្រលាញ់មុខវិជ្ជា STEM នេះ។ ដូច្នេះ ឪពុកម្តាយអាចណែនាំឱ្យក្មេងស្រីលេងប្រដាប់ក្មេងលេងដែលទាក់ទងនឹង STEM ដើម្បីបណ្តុះស្មារតីស្រលាញ់បច្ចេកវិទ្យាវិទ្យាសាស្ត្រ តាំងពីវ័យកុមារ ព្រមទាំងអាចជួយង្កើនសមត្ថភាពដោះស្រាយបញ្ហា និងការគិតត្រិះរិះពិចារណា។ ជាពិសេស ឪពុកម្តាយគួរផ្តល់ការគាំទ្រនិងលើកទឹកចិត្តបន្ថែម ក្នុងករណីក្មេងស្រីស្រឡាញ់ការសិក្សាផ្នែកបច្ចេកវិទ្យាដើម្បីចូលរួមលើកកម្ពស់ការចូលរួមរបស់ស្ត្រីក្នុងវិស័យនេះ។

ទី៤. ការលើកទឹកចិត្តដល់ស្ត្រី៖ យោងតាមគេហទំព័រ Techopedia និយោជកមួយចំនួនមានទំនោរលំអៀងទៅរកអ្នកដែលមានចរិកលក្ខណៈដូចគ្នា(Affinity bias) ហើយដោយសារនិយោជកក្នុងក្រុមហ៊ុនបច្ចេកវិទ្យាភាគច្រើនជាបុរស ដូច្នេះបុរសតែងត្រូវបានគេចាប់អារម្មណ៍ច្រើនជាងស្ត្រីក្នុងអំឡុងពេលដាក់ពាក្យស្នើសុំបម្រើការងារ។ ក្នុងន័យនេះ ដើម្បីលើកទឹកចិត្តឱ្យស្ត្រីចូលរួមក្នុងវិស័យបច្ចេកវិទ្យាកាន់តែច្រើន ក្រុមហ៊ុនបច្ចេកវិទ្យាគួរប្រើសេចក្តីប្រកាសជ្រើសរើសបុគ្គលិកប្រកបដោយបរិយាបន្ន ដោយចៀសវាងការប្រើប្រាស់ខ្លឹមសារដែលមានការរើសអើងភេទស្រី ឬមានភាពលំអៀងទៅខាងបុរស។ មិនតែប៉ុណ្ណោះ ក្រុមហ៊ុនបច្ចេកវិទ្យាគួរផ្តល់នូវបរិយាកាសការងារល្អដល់ស្ត្រី ដើម្បីទាក់ទាញធនធានល្អៗមកក្នុងក្រុមហ៊ុនកាន់តែច្រើនតាមរយៈការផ្តល់ប្រាក់ខែសមស្របតាមជំនាញ និងសមត្ថភាព ព្រមទាំងការលើកទឹកចិត្តមួយចំនួន ដូចជា ការអនុញ្ញាតឱ្យឈប់សម្រាកពេលស្ត្រីមានសម្រាលកូន និងប្រាក់ធានារ៉ាប់រងជាដើម។

ទី៥. ការបង្កើនគំរូជាស្ត្រីក្នុងវិស័យបច្ចេកវិទ្យា៖ យោងតាមរបាយការណ៍របស់គេហទំព័រ Kaspersky នៅឆ្នាំ២០២១ កង្វះគំរូស្ត្រីក្នុងវិស័យបច្ចេកវិទ្យាជាកត្តាសំខាន់មួយដែលធ្វើឱ្យស្ត្រីស្ទាក់ស្ទើរក្នុងការចាប់អាជីពក្នុងវិស័យនេះ។ កាលពីឆ្នាំ ២០២១ ស្ត្រីដែលជាថ្នាក់ដឹកនាំក្នុងផ្នែកបច្ចេកវិទ្យានៅក្នុងក្រុមហ៊ុនធំៗនៅសហរដ្ឋអាមេរិក មានត្រឹមតែប្រមាណ ២២% ប៉ុណ្ណោះនេះបើយោងតាមគេហទំព័រ Overproof។ ដូច្នេះ ក្រុមហ៊ុនគួរផ្តល់ឱកាសឱ្យស្ត្រីដែលមានសមត្ថភាពអាចកាន់តំណែងជាថ្នាក់ដឹកនាំផ្នែកបច្ចេកវិទ្យាឱ្យបានកាន់តែច្រើន ព្រោះថាវាអាចជួយលុបបំបាត់គំនិតដែលលើកឡើងថាស្ត្រីមិនអាចជោគជ័យក្នុងវិស័យបច្ចេកវិទ្យាដូចបុរស និងអាចផ្តល់ជាភាពជាគំរូ (Role Model) សំដៅបង្កើនទំនុកចិត្តដល់ក្មេងស្រីឱ្យចាប់យកជំនាញសិក្សាផ្នែកបច្ចេកវិទ្យានាពេលអនាគត៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ឱកាសអាហារូបករណ៍សម្រាប់យុវជនដែលមកពីគ្រួសារក្រីក្រ និងងាយរងហានិភ័យនៅក្នុងខេត្តសៀមរាប នៅវិទ្យាស្ថាន NPIA

ព័ត៌មានអាហារូបករណ៍, ព្រឹត្តិការណ៍

• 31/07/2026

វិទ្យាស្ថានជាតិពហុបច្ចេកទេសអង្គរ (NPIA) នៃក្រសួងការងារ និងបណ្ដុះបណ្ដាលជំនាញវិជ្ជាជីវៈ ផ្ដល់ជូនអាហារូបករណ៍សម្រាប់យុវជន និងពលរដ្ឋនៅក្នុងខេត្តសៀមរាបសរុបជាង១ពាន់នាក់ ផ្ដោតលើជំនាញចំនួន...

វិទ្យាស្ថានជាតិពហុបច្ចេកទេសអង្គរ ផ្ដល់ការសិក្សាជំនាញ TVET ២៤០០កន្លែង

ព័ត៌មានអាហារូបករណ៍, ព្រឹត្តិការណ៍

• 03/06/2025

ឱកាសរៀនជំនាញវិជ្ជាជីវៈ (TVET) សម្រាប់សិស្សានុសិស្ស និងសាធារណៈជន ដោយឥតគិតថ្លៃចំនួន២៤០០កន្លែង នៅវិទ្យាស្ថានពហុបច្ចេកទេសអង្គរសម្រាប់វគ្គសិក្សាថ្មី។ អាហារូបករណ៍ផ្ដល់ឱ្យសិក្សាពេញលេញ ពីរាជរដ្ឋាភិបាល...

អាហារូបករណ៍សិក្សាថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី CGTI ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 11/08/2023

វិទ្យាស្ថានបណ្តុះបណ្តាលសម្លៀកបំពាក់កម្ពុជា(CGTI) ប្រកាស់ប្រលងជ្រើសរើសសិស្សសិក្សាអាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែង។ សិស្សជាប់ ឬធ្លាក់...

ក្រសួងអប់រំប្រឡងជ្រើសរើសគ្រូបង្រៀនទៅសិក្សាអាហារូបករណ៍ Teacher Training Students នៅប្រទេសជប៉ុនឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 22/01/2024

ក្រសួងអប់រំ យុវជន និងកីឡា ប្រកាសប្រឡងជ្រើសរើសគ្រូបង្រៀនដែលកំពុងបង្រៀននៅតាមសាលាបឋមសិក្សា មធ្យមសិក្សា និងសាលាគរុកោសល្យទៅសិក្សាអាហារូបករណ៍នៃកម្មវិធី Teacher...

អាហារូបករណ៍ជំនាញវិជ្ជាជីវៈ៣៥០កន្លែងពីអង្គការ ប៉េ អេស អឺ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 19/07/2023

វិទ្យាស្ថានប៉េ អេស អឺ នៃអង្គការដើម្បីភាពញញឹម នៃកុមារប្រកាសជ្រើសរើសសិស្សក្រីក្រដើម្បីសិក្សាជំនាញវិជ្ជាជីវៈចំនួន៣៥០នាក់សម្រាប់ឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូននិស្សិតដែលមិនមានលទ្ធភាពបន្តការសិក្សា...

ឱកាសសិក្សាជំនាញបច្ចេកទេសជាន់ខ្ពស់ឥតបង់ថ្លៃ នៅវិទ្យាស្ថានជាតិពហុបច្ចេកទេសតេជោសែន

ព័ត៌មានអាហារូបករណ៍, ព្រឹត្តិការណ៍

• 06/10/2023

វិទ្យាស្ថានជាតិពហុបច្ចេកទេសតេជោ បានប្រកាសជ្រើសរើសសិស្សចូលសិក្សាសញ្ញាបត្រជាន់ខ្ពស់បច្ចេកទេសដោយឥតបង់ថ្លៃលើគ្រប់ជំនាញ។

ឱកាសសិក្សាអាហារូបករណ៍ថ្នាក់ឧត្ដមសិក្សា ពីសាកលវិទ្យាល័យ Yale នៅសហរដ្ឋអាមេរិក ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 20/10/2023

ឱកាសសិក្សាអាហារូករណ៍ថ្នាក់ឧត្ដមសិក្សានៅវិទ្យាស្ថានផ្សេងៗក្នុងសាកលវិទ្យាល័យ Yale សម្រាប់និស្សិតអន្តរជាតិទូទាំងពិភពលោកសិក្សានៅសហរដ្ឋអាមេរិក។ អាហារូបករណ៍ផ្ដល់ជូនការសិក្សាថ្នាក់បរិញ្ញបត្រ ....