ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បច្ចេកវិទ្យា Blockchain កំពុងទទួលបានការចាប់អារម្មណ៍ខ្លាំង នៅតាមបណ្ដាសាកលវិទ្យាល័យល្បីៗរបស់ពិភពលោក ។ បច្ចេកវិទ្យានេះ គឺជាយន្តការមូលដ្ឋានទិន្នន័យកម្រិតខ្ពស់ ដែលអាចឱ្យមានការចែករំលែកព័ត៌មានប្រកបដោយតម្លាភាពនៅក្នុងបណ្តាញ។
ការទទួលយកបច្ចេកវិទ្យា Blockchain ដោយស្ថាប័នសិក្សាកំពុងតែកើនឡើង ព្រោះតែភាពជឿនលឿននៃបច្ចេកវិទ្យានេះ ដែលបានបង្កើនប្រសិទ្ធភាព និងសុវត្ថិភាព រក្សាទុកទិន្នន័យសម្រាប់ការស្រាវជ្រាវធំៗ ដែលផ្ដល់នូវភាពជឿជាក់សម្រាប់អ្នកស្រាវជ្រាវក្នុងវិស័យអប់រំកម្រិតខ្ពស់។ តាមរយៈការសម្រួលដំណើរការទាំងនេះ សាកលវិទ្យាល័យអាចបែងចែកធនធានឱ្យកាន់តែមានប្រសិទ្ធភាព អាចកាត់បន្ថយថ្លៃដើមរដ្ឋបាល និងធ្វើឱ្យការអប់រំកាន់តែមានតម្លៃសមរម្យសម្រាប់សិស្ស។
សាកលវិទ្យាល័យ Utah’s Scientific Computing and Imaging Institute (SCI) របស់សហរដ្ឋអាមេរិក កំពុងត្រួសត្រាយលើការប្រើប្រាស់ Blockchain ក្នុងវិស័យអប់រំ តាមរយៈការចូលរួមក្នុងគំនិតផ្តួចផ្តើមរបស់ National Science Data Fabric (NSDF) និង National Data Platform (NDP) ដើម្បីកែលម្អការចូលប្រើប្រាស់ជាសកល និងសមភាពចំពោះទិន្នន័យវិទ្យាសាស្ត្រដ៏ធំ។ សំណុំទិន្នន័យរួមទាំង petabytes នៃទិន្នន័យអាកាសធាតុរបស់ NASA ផងដែរ។
ខណៈសាកលវិទ្យាល័យឈានមុខមួយទៀត ដែលប្រើប្រាស់បច្ចេកវិទ្យា Blockchain ក្នុងវិស័យសិក្សាអប់រំ វិទ្យាស្ថានបច្ចេកវិទ្យា Massachusetts (MIT)។ ជាមួយគ្នានេះ MIT ក៏បានបង្កើតវគ្គសិក្សា Open Courseware ដែលជាវគ្គសិក្សាតាមអនឡាញ ឥតគិតថ្លៃ បង្រៀនអំពីបច្ចេកវិទ្យា Blockchain ។
សម្រាប់សាកលវិទ្យាល័យ ការអនុម័តឱ្យប្រើប្រាស់បច្ចេកវិទ្យា Blockchain ត្រូវបានជំរុញ ដោយសារតម្រូវការនៃការពង្រឹងសុវត្ថិភាព ធ្វើឱ្យប្រសើរឡើងនូវភាពត្រឹមត្រូវនៃទិន្នន័យ សម្រួលការចែករំលែក និងផ្ដល់នូវភាពងាយស្រួលសម្រាប់ការសហការរវាងស្ថាប័ន និងស្ថាប័ន៕
