WE Forum បានបង្ហាញថា នៅក្នុងយុគសម័យ នៃសង្គមមានការផ្លាស់ប្ដូរ វិសមភាពសេដ្ឋកិច្ច និងវិបត្តិអាកាសធាតុកំពុងកើនឡើង, ការអប់រំបណ្ដុះគំនិតច្នៃប្រតិដ្ឋសម្រាប់សង្គម (Social innovation education) អាចជាដំណោះស្រាយ ។ នេះគឺជាវិធីសាស្ត្រអប់រំមួយ ដើម្បីបណ្តុះគំនិតឱ្យមនុស្សផ្ដោតលើការដោះស្រាយបញ្ហារួម និងជំរុញឱ្យមានការចូលរួមពីប្រជាពលរដ្ឋ និងមនុស្សមកពីគ្រប់មជ្ឈដ្ឋានក្នុងការដោះស្រាយបញ្ហាប្រឈមរបស់សង្គម និងពិភពលោក។

គំនិតច្នៃប្រតិដ្ឋសម្រាប់សង្គម (Social innovation) មិនត្រឹមតែមានសារៈសម្រាប់ការធ្វើអាជីវកម្មប៉ុណ្ណោះទេ ប៉ុន្តែនេះគឺជាគោលគំនិតដែលនិយាយអំពី កិច្ចសហការរវាងមនុស្ស ដែលមានទស្សនៈចម្រុះ ដើម្បីដោះស្រាយបញ្ហា ដែលហួសពីព្រំដែន សមត្ថភាពរបស់មនុស្ស។ គំនិតនេះគឺលើសពីការបង្កើតផលិតផល និងសេវាកម្ម ប៉ុន្តែវាជាការលើកឡើងអំពីការបង្កើតគម្រូអាជីវកម្ម និងគោលនយោបាយថ្មីៗ ដើម្បីប្រឈមមុខនឹងបញ្ហាក្នុងសង្គម បញ្ហាសេដ្ឋកិច្ច និងបរិស្ថាន។

បើយោងតាមលោកស្រី Vanina Farber សាស្ត្រាចារ្យ និងនិង​ជា​ប្រធាន​ផ្នែក​នវានុវត្តន៍​សង្គម​នៅ​សាលា IMD Business School បានលើកឡើងថា «គំនិតច្នៃប្រតិស្ឋសម្រាប់សង្គម (Social innovation) បានជំរុញឱ្យមានគោលបំណង ភាពជាដៃគូ និងការទទួលខុសត្រូវ ដើម្បីបង្កើតដំណោះស្រាយ ដែលអាចឱ្យមនុស្សចូលរួមក្នុងការជំរុញសេដ្ឋកិច្ច។»

យ៉ាងណាក៏ដោយ ការអប់រំបណ្ដុះគំនិតច្នៃប្រតិដ្ឋសម្រាប់សង្គម (Social innovation education) គ្រាន់តែជាគំនិតថ្មីថ្មោងនៅឡើយ ប៉ុន្តែនេះជាទ្រឹស្តី ដែលផ្អែកលើការឌីហ្សាញ ការច្នៃប្រឌិត និងការអប់រំ ដែលកំពុងស្ថិតក្នុងការអភិវឌ្ឍជាបន្តបន្ទាប់។

គោលបំណងនៃទ្រឹស្តីអប់រំនេះ គឺត្រូវបានបង្កើតឡើង ដើម្បីបង្កើតបរិយាកាសអប់រំ ដែលលើទឹកចិត្តមនុស្សឱ្យគិត និងសិក្សាអំពីគំនិតច្នៃប្រតិដ្ឋសម្រាប់សង្គម (Social innovation) ព្រមទាំងអនុវត្តគំនិតទាំងនោះ។ គំរូនៃការអប់រំ នឹងជួយឱ្យអ្នកសិក្សា អាចត្រៀមខ្លួនបានល្អ ដើម្បីចេញទៅប្រឡូកក្នុងសង្គម និងអាចបង្កើតដំណោះស្រាយសម្រាប់សង្គម ប្រកបដោយភាពច្នៃប្រតិដ្ឋ៕