ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡាប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ផ្នែកវិធីសាស្ត្របង្រៀនភាសាបារាំងជំនាន់ទី៥ឆ្នាំសិក្សា២០២៣-២០២៤ ។ ការប្រលងជ្រើសរើសផ្ដល់ជូនអាហារូបករណ៍ចំនួន១០កន្លែង និងបង់ថ្លៃសិក្សាចំនួន២០កន្លែងរយៈពេល២ឆ្នាំ។
បេក្ខជនដែលមានចំណាប់អារម្មណ៍ក្នុងការដាក់ពាក្យអាចទាញយកពាក្យតាមតំណភ្ជាប់ https://shorturl.at/aeuRS និងបង់សិទ្ធប្រឡងចំនួន២០០០រៀលនៅការិយាល័យគណនេយ្យនៃវិទ្យាស្ថានជាតិអប់រំ និងដាក់ពាក្យនៅការិយាល័យសិក្សានៃវិទ្យាស្ថានជាតិអប់រំរៀងរាល់ម៉ោងធ្វើការ ។
ជាមួយគ្នានេះ បេក្ខជនត្រូវភ្ជាប់ជាមួយឯកសារចាំបាច់មួយចំនួនដូចជា ពាក្យសុំចុះឈ្មោះប្រឡង(មានគំរូភ្ជាប់)១ច្បាប់ សញ្ញាបត្របរិញ្ញាបត្រ ឬសញ្ញាបត្រសមមូល(ច្បាប់ចម្លងបញ្ជាក់ពីអាជ្ញាធរដែនដី)១ច្បាប់ ប្រវត្តិរូបសង្ខេបមានបិទរូបថតថ្មី (៤x៦)១ច្បាប់ សលាកបត្រឯកត្តជនមានបិទរូបថត(៤x៦)២ច្បាប់ វិញ្ញាបនបត្ររដ្ឋបាលរបស់ប្រធានអង្គការមានគំរូភ្ជាប់(សម្រាប់ថ្នាក់អាហារូបករណ៍)១ច្បាប់ និងរូបថតថតពីមុខ គ្មានពាក់មួក គ្មានវែនតាទំហំ(៤x៦)ចំនួន០២សន្លឹក ។
លក្ខខណ្ឌក្នុងការជ្រើសរើសសម្រាប់ថ្នាក់អាហារូបករណ៍ បេក្ខជនទាំង២ភេទជាបុគ្គលិកអប់រំក្របខណ្ឌក្រសួងអប់រំ យុវជន និងកីឡា មានបទពិសោធការងារចាប់ពីការតាំងស៊ុបក្នុងក្របខណ្ឌរដ្ឋ មានវិញ្ញាបនបត្ររដ្ឋបាលចេញដោយប្រធានអង្គភាព មានបរិញ្ញាបត្រភាសាបារាំង ឬសញ្ញាបត្រសមមូល ឬមានបរិញ្ញាបត្រមុខជំនាញផ្សេងទៀតតែមានសញ្ញាបត្រភាសាបារាំងចាប់ពីកម្រិត DELF B2 ។ លើសពីនេះជាគ្រូបង្រៀនភាសាបារាំង ឬគ្រូទទួលបន្ទុកបង្រៀនភាសាបារាំងដែលមានបរិញ្ញាបត្រផ្សេងទៀត ហើយមានសញ្ញាបត្រភាសាបារាំងចាប់ពីកម្រិត DELF B1 ។
សម្រាប់ថ្នាក់បង់ថ្លៃសេវាសិក្សាជាបេក្ខជនទូទៅ មានសញ្ញាបត្របរិញ្ញាបត្រភាសាបារាំង ឬសញ្ញាបត្រសមមូល ឬសញ្ញាបត្របណ្ដោះអាសន្នថ្នាក់បរិញ្ញាបត្រ លើសពីនេះបរិញ្ញាបត្រមុខជំនាញផ្សេងទៀតត្រូវមានសញ្ញាបត្រភាសាបារាំងចាប់ពីកម្រិត DELF B2 ជាគ្រូបង្រៀនភាសាបារាំង ឬគ្រូបន្ទុកបង្រៀនភាសាបារាំងដែលមានបរិញ្ញាបត្រផ្សេងទៀតហើយមានសញ្ញាបត្រភាសាបារាំងចាប់ពីកម្រិត DELF B1 ។
សម័យប្រឡងជ្រើសរើសនៅថ្ងៃទី២៦ ខែកញ្ញា ឆ្នាំ២០២៣ ដែលមានវិញ្ញាសាប្រឡងចំនួន៣គឺ វិញ្ញាសាភាសាបារាំង និងវិធីសាស្ត្របង្រៀន រយៈពេល៣ម៉ោង(មេគុណ២) វិញ្ញាសាវប្បធម៌ទូទៅ រយៈពេល១ម៉ោង៣០នាទី(មេគុណ១) នៅវិទ្យាស្ថានជាតិអប់រំ ។
សម្រាប់ព័ត៌មានលម្អិត បេក្ខជនអាចទាក់ទងទៅកាន់ការិយាល័យសិក្សានៃវិទ្យាស្ថានជាតិអប់រំ ឬតាមរយៈលេខទូរស័ព្ទលេខ ០៨៨ ៩៨៩៩ ១៦២/ ០៨៩ ៩៣៨ ៣៤៩/ ០១៦ ៩៥៩ ៦២៤ ។ តាមរយៈតេលេក្រាម https://t.me/meafranchpro5 និងគេហទំព័រវិទ្យាស្ថានជាតិអប់រំ http://www.nie.edu.kh ។
អាហារូបករណ៍នឹងទទួលពាក្យចាប់ពីថ្ងៃផ្សាយដំណឹងរហូតដល់ថ្ងៃទី១៦ ខែកញ្ញា ឆ្នាំ២០២៣ ម៉ោង៥:០០ល្ងាច ៕
