ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មូលហេតុពិតប្រាកដនៃសុភមង្គលត្រូវបានកំណត់ ទៅតាមរូបភាពខុសៗគ្នា ស្របតាមការគិតរបស់មនុស្សរៀងៗខ្លួន បុគ្គលម្នាក់ៗទទួលបានអារម្មណ៍នៃសុភមង្គល តាមរយៈការធ្វើរឿងប្លែកៗពីគ្នា។ អ្នកខ្លះបានរកឃើញសុភមង្គល តាមរយៈការបំពេញការងារ អ្នកខ្លះតាមរយៈការធ្វើរឿងដែលគេចូលចិត្ត និងអ្នកខ្លះទៀត តាមរយៈការបង្កើតទំនាក់ទំនងជាមួយមនុស្សជុំវិញខ្លួនជាដើម។
យោងតាមការស្ទង់មតិ ដែលធ្វើឡើងជាសកលដោយ Statista Consumer Insight នៅឆ្នាំ២០២២ បានរកឃើញថា ប្រជាជនកូរ៉េ គឺជាជនជាតិដែលឱ្យតម្លៃសេចក្ដីសុខសុភមង្គលខ្លាំងជាងគេ ដោយក្នុងចំណោមជនជាតិកូរ៉េដែលបានស្ទង់មតិមាន ៦៧ភាគរយ បានចាត់ទុកថា សេចក្ដីសុខសុភមង្គល និងការរស់នៅដោយភាពពេញចិត្ត គឺជាធាតុសំខាន់បំផុតមួយសម្រាប់ការរស់នៅក្នុងជីវិតប្រចាំថ្ងៃ។ ក្នុងចំណោមប្រជាជន ដែលបានចូលរួមស្ទង់មតិនោះ ប្រជាជន តាមបណ្ដាប្រទេសនីមួយៗ មកពីជុំវិញពិភពលោក មានភាគរយនៃការឱ្យតម្លៃ ការរស់នៅប្រកបដោយសេចក្ដីសុខសុភមង្គលខុសៗគ្នា។
ក្នុងនោះ ប្រទេសកូរ៉េមាន ៦៧ភាគរយ, បារាំងមាន ៤៥ភាគរយ, អាល្លឺម៉ង់មាន ៣៥ភាគរយ, អង់គ្លេសមាន ៣៥ភាគរយ, ចិនមាន ៣០ភាគរយ, អាមេរិកមាន ២៨ភាគរយ, អេស្ប៉ាញមាន ២៧ភាគរយ, ឥណ្ឌាមាន ២៤ភាគរយ, ប្រេស៊ីលមាន ២៣ភាគរយ និងម៉ិកស៊ិកមាន ១៣ភាគរយ៕
