ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ប៊ែលហ្ស៊ិកកំពុងរកឃើញថា ព្រៃឈើ ដែលពោរពេញដោយរុក្ខជាតិពណ៌បៃតង អាចជាថ្នាំប៉ូវកម្លាំងដ៏ល្អ សម្រាប់សុខភាពផ្លូវចិត្ត និងសុខុមាលភាពរបស់មនុស្ស។
ប្រជាជន បានលើកឡើងថា នៅក្នុងគ្រាដែលពិភពលោក ពោរពេញដោយភាពតានតឹង ការថប់បារម្ភដោយសារបញ្ហាសង្គ្រាម ការគំរាមកំហែងផ្នែកសេដ្ឋកិច្ច និងភាពតានតឹងជាច្រើនទៀត បានធ្វើឱ្យមនុស្សរកឃើញថា ភាពស្ងប់ស្ងាត់ជាអ្វីដែលពួកគេចង់បាន។
ស្របនឹងនិន្នាការនេះ ដើមឈើ Hallerbos ដែលជារុក្ខជាតិ មានភាពស្រងូតស្រងាត់ ត្រូវបានគេឱ្យឈ្មោះថាជា «ឱសថមានជីវិតសម្រាប់ផ្លូវចិត្ត» ខណៈក្នុងការស្រាវជ្រាវ អ្នកជំនាញបានរកឃើញជាយូរមកហើយថា ការចំណាយពេលនៅក្នុងធម្មជាតិ អំឡុងពេលមានបញ្ហា ធ្វើឱ្យផ្លូវចិត្តរបស់អ្នកស្ងប់។
សមាគមអ្នកចិត្តសាស្ត្រអាមេរិក បានចេញផ្សាយនៅក្នុងឆ្នាំ២០២០ថា សកម្មភាពនេះមានទំនាក់ទំនាក់ទៅនឹងការកាត់បន្ថយភាពតានតឹង ធ្វើឱ្យអារម្មណ៍ប្រសើរឡើង ពង្រឹងសមត្ថភាពផ្ដោតអារម្មណ៍ និងការថយចុះនូវហានិភ័យនៃជំងឺវិកលចរិត និងអត្ថប្រយោជន៍ជាច្រើនទៀត។
លោក Ignace Glorieux សាស្ត្រាចារ្យសង្គមវិទ្យានៅសាកលវិទ្យាល័យ Brussels បាននិយាយថា នេះគឺជាពេលវេលាដ៏អស្ចារ្យ ជាមួយនឹងភាពមិនប្រាកដប្រជាអន្តរជាតិជាច្រើន បានធ្វើឱ្យមនុស្សវ័យក្រោម ៣០ឆ្នាំ កំពុងស្ថិតនៅក្រោមសម្ពាធ ជាពិសេសបន្ទាប់ពីជំងឺរាតត្បាត កូវីដ-១៩។
លោក Mark Demesmaeker អតីតសមាជិកសភាអឺរ៉ុប អ្នកចូលចិត្តថែសួន និងជាក្រុមប្រឹក្សាក្រុងនៅទីក្រុង Halle ជាកន្លែងដែលគាត់បានដើរព្រៃអស់ជាច្រើនទសវត្សរ៍បាននិយាយថា វាជាពេលវេលាដ៏លំបាកមួយ សម្រាប់មនុស្សគ្រប់គ្នា។ ប៉ុន្តែឥឡូវនេះ យ៉ាងហោចណាស់ ធម្មជាតិដ៏ស្រស់ស្អាតនេះ អាចស្វាគមន៍ អ្នកដែលកំពុងមានចិត្តអន្ទះសារ៕
