ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មនុស្សយន្តរាងដូចមនុស្ស ផលិតនៅប្រទេសចិន បានបំបែកកំណត់ត្រាពិភពលោក Guinness បន្ទាប់ពីបានបញ្ចប់ការដើរចម្ងាយ ១០៦,២៨៦ គីឡូម៉ែត្រ ដោយបានធ្វើដំណើរពីទីក្រុង SuZhou នៅយប់ថ្ងៃទី១០ ខែវិច្ឆិកា ទៅដល់ទីក្រុងសៀងហៃនៅព្រឹកថ្ងៃទី១៣ ខែវិច្ឆិកា។
បើតាមកាសែត China Daily បានឱ្យដឹងថា មនុស្សយន្តនេះ មានឈ្មោះថា A2 និងបានអភិវឌ្ឍដោយក្រុមហ៊ុន Agibot ដែលមានមូលដ្ឋាននៅទីក្រុងសៀងហៃ។ ការធ្វើដំណើរក្នុងរយៈចម្ងាយឆ្ងាយ ដោយមិនអស់ថ្មបែបនេះ ព្រោះមនុស្សយន្ត A2 ត្រូវបានបំពាក់បច្ចេកវិទ្យា hot-swap ល្បឿនលឿនរបស់ Agibot A2 ។
នៅក្នុងកិច្ចសម្ភាសន៍ជាមួយកាសែតចិន Xinhua លោក Wang Chuang អនុប្រធានជាន់ខ្ពស់របស់ Agibot បានលើកឡើងថា លទ្ធផលនេះបង្ហាញពីភាពចាស់ទុំ ផ្នែកគ្រឿងបង្គុំមនុស្សយន្ត ក្បួនដោះស្រាយតុល្យភាពខួរក្បាល និងភាពធន់ ដែលបានចាក់គ្រឹះរឹងមាំ សម្រាប់ការដាក់ពង្រាយពាណិជ្ជកម្មទ្រង់ទ្រាយធំ។
ជាមួយនឹងការបំពាក់ម៉ូឌុល GPS ចំនួន ២, LiDAR និងឧបករណ៍ចាប់សញ្ញាជម្រៅអ៊ីនហ្វ្រារ៉េដ, មនុស្សយន្ត A2 មានសមត្ថភាពកំណត់ និងស្គាល់ពីស្ថានភាពស្មុគស្មាញ ដូចជា ភ្លើងស្តុប ផ្លូវតូចចង្អៀត និងចិញ្ចើមផ្លូវ ដែលមានមនុស្សច្រើន ហើយមានសមត្ថភាពស្វែងយល់ពីស្ថានភាពនេះ ទាំងយប់ ទាំងថ្ងៃ។
មនុស្សយន្តនេះ បានដើរឆ្លងកាត់ផ្លូវកៅស៊ូ ផ្លូវក្រាលឥតការ៉ូ ស្ពាន និងផ្លូវជម្រាល ព្រមទាំងបានគោរពច្បាប់ចរាចរណ៍យ៉ាងខ្ជាប់ខ្ជួន។
គួរបញ្ជាក់ថា កាលពីខែមេសា មនុស្សយន្តចិន ក៏បានបំបែកកំណត់ត្រាមួយផងដែរ ដោយមនុស្សយន្តឈ្មោះ Tien Kung Ultra បង្កើតឡើងដោយ មជ្ឈមណ្ឌលនវានុវត្តន៍មនុស្សយន្តទីក្រុងប៉េកាំង បានចូលរួមក្នុងកម្មវិធីរត់ពាក់កណ្ដាលម៉ារ៉ាតុង ក្នុងរយៈចម្ងាយ ២១គីឡូម៉ែត្រ ដោយប្រើថេរវេលា ២ម៉ោង ៤០នាទី៕
