ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសិក្សាថ្មីមួយបង្ហាញថា ប្រសិនបើរដ្ឋាភិបាលចំណាយថវិកាកាន់តែច្រើនទៅលើការអប់រំ ហើយបង្កើនការគាំទ្រដល់គ្រួសារដែលងាយរងគ្រោះ អាចធ្វើឱ្យអត្រាបញ្ចប់ការសិក្សានឹងកើនឡើង។
អ្នកស្រាវជ្រាវនៃសាកកវិទ្យាល័យ Michigan State នៅសហរដ្ឋអាមេរិកបានវិភាគ ពីអត្រាបញ្ចប់ការសិក្សានៅវិទ្យាល័យក្នុងរយៈពេល ៧ឆ្នាំ ដើម្បីស្វែងយល់អំពីឥទ្ធិពលនៃការចំណាយថវិកាសាធារណៈមកលើអត្រាបញ្ចប់ការសិក្សា។
ក្រុមអ្នកស្រាវជ្រាវបានរកឃើញថា ការចំណាយបន្ថែមចំនួន ៤៣៧ ដុល្លារ សម្រាប់កុមារម្នាក់ លើកម្មវិធីសង្គម សម្រាប់គ្រួសារដែលមានចំណូលទាប ឬ ចំណាយ ៧២០ ដុល្លារ លើការអប់រំ បានបង្កើនអត្រាបញ្ចប់ការសិក្សានៅវិទ្យាល័យមួយភាគរយ ក្នុងរយៈពេល ៧ឆ្នាំ។
ការអប់រំ និងមូលនិធិសង្គម ពិតជាមានសារៈសំខាន់ខ្លាំង
អ្នកស្រាវជ្រាវបានលើកឡើងថា លទ្ធផលនៃការស្រាវជ្រាវ ដែលបានបោះពុម្ពផ្សាយនៅក្នុង Journal of Adolescent Health បានបង្ហាញពីសារៈសំខាន់នៃការផ្ដល់មូលនិធិក្នុងប្រព័ន្ធអប់រំ និងកម្មវិធីបណ្ដាញសុវត្ថិភាពសង្គម។
ធនាគារពិភពលោកពន្យល់ថា កម្មវិធីសុវត្ថិភាពសង្គមដើរតួនាទីយ៉ាងសំខាន់ ក្នុងការប្រយុទ្ធប្រឆាំងនឹងភាពក្រីក្រ ដោយមានការរួមបញ្ចូលនូវ ថវិកា កម្មវិធីអាហារនៅសាលា និងប្រាក់សោធន។ ខណៈការស្រាវជ្រាវផ្សេងៗទៀតជាច្រើនក៏ គាំទ្រទំនាក់ទំនងរវាងការចំណាយលើការអប់រំ និងអត្រាបញ្ចប់ការសិក្សាផងដែរ។
ឯកសារពីវិទ្យាស្ថានស្រាវជ្រាវគោលនយោបាយ ដែលជាមជ្ឈមណ្ឌលស្រាវជ្រាវគោលនយោបាយសាធារណៈនៅសាកលវិទ្យាល័យ Northwestern ក្នុងរដ្ឋ Illinois សហរដ្ឋអាមេរិក បានរកឃើញថា ការកើនឡើង ១០ភាគរយ នៃការចំណាយក្នុងរយៈពេល ១២ ឆ្នាំនៅសាលារដ្ឋនាំឱ្យអត្រាបញ្ចប់ការសិក្សាកើនឡើង ៧ភាគរយ។ លើសពីនេះ និស្សិតបញ្ចប់ការសិក្សាបានកើនឡើង ១៣ភាគរយបន្ថែមទៀត។
ការវិនិយោគលើការអប់រំមានអត្ថប្រយោជន៍ជាច្រើនផ្សេងទៀត
ធនាគារពិភពលោកបានលើកឡើងថា ការវិនិយោគលើវិស័យអប់រំផ្តល់នូវកំណើនសេដ្ឋកិច្ច និងអត្ថប្រយោជន៍ផ្សេងៗទៀត ដែលជួយប្រទេសកំពុងអភិវឌ្ឍន៍ឱ្យសម្រេចបាននូវកំណើនសេដ្ឋកិច្ចប្រកបដោយចីរភាព។ លើសពីនេះ ការជំរុញឱ្យកុមារឱ្យបានសិក្សាចប់ចុងចប់ដើម នៅក្នុងប្រទេសដែលមានចំណូលកម្រិតទាប គឺជាការវិនិយោគសកលដ៏បំផុតមួយ ដែលប្រទេសទាំងអស់អាចធ្វើបាន។ ក្រៅពីនេះការអប់រំបានជួយឱ្យសង្គមមួយ មានអត្រាឧក្រិដ្ឋកម្មទាប ភាពក្រីក្រតិច និងសុខុមាលភាពប្រជាជនកាន់តែប្រសើរ។
ការកើនឡើងនូវអត្រាមានការងារធ្វើ ការច្នៃប្រឌិតកាន់តែច្រើន ហើយបុគ្គលដែលមានចំណូលខ្ពស់បង់ពន្ធកាន់តែច្រើន គឺជាអត្ថប្រយោជន៍ដ៏ធំសម្រាប់សេដ្ឋកិច្ច និងជាតម្លៃដ៏សំខាន់នៃការអប់រំ។
ការគិតឡើងវិញអំពីប្រព័ន្ធអប់រំ
នៅក្នុងរបាយការណ៍ Catalysing Education 4.0, វេទិកាសេដ្ឋកិច្ចពិភពលោកបានព្រមានថា កុមាររាប់លាននាក់នៅទូទាំងពិភពលោកគឺនៅក្រៅសាលា ហើយសូម្បីតែអ្នកនៅក្នុងសាលាក៏មិនបានរៀនជំនាញដែលពួកគេត្រូវការ ដើម្បីទទួលបានជោគជ័យក្នុងយុគសម័យនៃភាពជឿនលឿន ផ្នែកបច្ចេកវិទ្យាយ៉ាងឆាប់រហ័ស ដែលគេស្គាល់ថាជាឧស្សាហកម្មទីបួននោះដែរ។
វេទិកានេះអំពាវនាវឱ្យមានការវិនិយោគជាសកលទៅលើ « ប្រព័ន្ធអប់រំដែលមានគុណភាព ប្រកបដោយភាពច្នៃប្រឌិត និងមាននិរន្តរភាពសម្រាប់អនាគត»។ ទាំងនេះគួរតែផ្ដោតលើការអភិវឌ្ឍជំនាញសម្រាប់បំពេញការងារនាពេលអនាគត ដូចជា កិច្ចសហការគ្នា ដើម្បីដោះស្រាយបញ្ហា និងការធ្វើការជាក្រុម ដើម្បីដោះស្រាយបញ្ហា។ លើសពីនេះ គេបានប៉ាន់ប្រមាណថា ការធ្វើឱ្យប្រសើរឡើងនូវជំនាញទាំងនេះសម្រាប់សិស្ស អាចបន្ថែម ២,៥៤ ពាន់លានដុល្លារបន្ថែមទៀត ក្នុងការបង្កើនផលិតភាពដល់សេដ្ឋកិច្ចពិភពលោក៕
