ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – នៅព្រឹកថ្ងៃពុធនេះ សាលារៀនចំនួន ២៦៣ ស្ថិតក្នុងខេត្តចំនួន៤ រួមមាន ព្រៃវែង ខេត្តត្បូងឃ្មុំ បន្ទាយមានជ័យ និងខេត្តកំពង់ស្ពឺ បានទទួលសៀវភៅអំណានសម្រាប់កុមារពីអង្គការអង្គការរូមធូរីដ ចំនួន ១លាន៤សែនក្បាល ។ ពិធីប្រគល់សៀវភៅអំណានបន្ថែមសម្រាប់កុមាររៀនអាននៅផ្ទះ រៀបចំឡើងដោយអង្គការរូមធូរីដ បំណងផ្តល់សៀវភៅអានឱ្យដល់ដៃសិស្ស ដើម្បីឱ្យពួកគេអាចបង្កើតកូនបណ្ណាល័យតូចមួយនៅផ្ទះតាមរយៈ គម្រោងផ្តល់សៀវភៅអំណានបន្ថែមដល់កុមាររៀនតាមផ្ទះ ។ កម្មវិធីនេះ អញ្ជើញចូលរួមក្រោមអធិបតីភាព ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា លោក ជា វ៉ាន់ថា នាយកប្រចាំប្រទេសនៃអង្គការរូមធូរីដកម្ពុជា ព្រមទាំងថ្នាក់ដឹកនាំជាតិ និងអន្តរជាតិ លោកគ្រូ អ្នកគ្រូ និងសិស្សានុសិស្ស តាមប្រព័ន្ធអនឡាញ Zoom ។
លោក ជា វ៉ាន់ថា នាយកប្រចាំប្រទេសនៃអង្គការរូមធូរីដកម្ពុជា មានប្រសាសន៍ថា សៀវភៅទាំងអស់បានដឹកជញ្ជូលទៅដល់ដៃកុមារនៅតាមតំបន់គោលដៅរួចរាល់ហើយកាលពីដើមខែកញ្ញាកន្លងមក ដោយសិស្សម្នាក់ៗទទួលបានសៀវភៅ ១៥ចំណងជើង ឬ សៀវភៅ១៥ក្បាល និងបែងចែកទៅតាមកម្រិតថ្នាក់នីមួយៗ ។ ទន្ទឹមគ្នានេះ កុមារកម្ពុជាជាង ៩ម៉ឺននាក់ទទួលបានសៀវភៅអំណានខាងលើ ។
“ខ្ញុំមានចិត្តរំភើប និងមានកិត្តិយសជាក្រៃលែង នេះជាលើកទីមួយដែលអង្គការរូមធូរីដបានផ្ដល់សៀវភៅអំណានសម្រាប់កុមារអាននៅផ្ទះ ជាខេមរភាសាក្នុងទ្រង់ទ្រាយធំមួយដែលមិនធ្លាប់មានពីមុនមក”
ប្រសាសន៍ លោក ជា វ៉ាន់ថា នាយកប្រចាំប្រទេសនៃអង្គការរូមធូរីដកម្ពុជា
នាយកប្រចាំប្រទេសនៃអង្គការរូមធូរីដកម្ពុជា បន្ថែមថា គម្រោងនេះបង្កើតឡើងក្នុងគោលបំណងបង្កើនបំណិន និងទម្លាប់អានក្រៅសាលា ជាពិសេសក្នុងអំឡុងពេលបិទសាលាដោយរោគរាតត្បាតកូវីដ-១៩ ។ លើសពីនេះ ផ្តល់ឱ្យកុមារពីថ្នាក់ទី១ដល់ទី៦ក្នុងខេត្តគោលដៅ មានកូនបណ្ណាល័យតូចមួយនៅតាមផ្ទះ ដើម្បីជួយបំពេញបន្ថែមឱ្យពួកគេរៀនអាននៅផ្ទះ ជាពិសេសកុមារមិនមានលទ្ធភាពទាញយកឯកសារឌីជីថល ។ ម៉្យាងវិញទៀត ចូលរួមចំណែកជួយពង្រឹងបំណិនអានរបស់កុមារដែលជួយបង្កើនលទ្ធផលសិក្សារបស់សិស្សឱ្យបានឡើងថ្នាក់ពេញលេញ ។
ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ថា អង្គការរូបធូរីដបានធ្វើការសាកល្បងលើកកម្ពស់កម្មវិធីអំណាន រៀបចំជាវិធីសាស្រ្តអំណាន សៀវភៅអំណានបន្ថែម និងហ្វឹកហាត់បណ្ដុះបណ្ដាលដល់លោកគ្រូ អ្នកគ្រូនូវវិធីសាស្រ្តអំណាន ។ ឯកឧត្តមបណ្ឌិត បន្តថា អង្គការរូមធូរីដបានសហការជាមួយក្រសួងអប់រំជួយគាំទ្រការសាងសង់បណ្ណាល័យ ផ្ដល់ជាសៀវភៅសិក្សា ជាពិសេសការបណ្ដុះបណ្ដាលគ្រូឱ្យនេះបង្ហាត់អំណាន ជួយឱ្យគ្រូអាចបង្រៀនសិស្សឆាប់ចេះអាន ជួយគ្រប់គ្រងថ្នាក់រៀនបានល្អប្រសើរ និងកាត់បន្ថយការបោះបង់ការសិក្សារបស់សិស្សានុសិស្ស ។
ឯកឧត្តមបណ្ឌិតសភាចារ្យ ហង់ជួន ណារ៉ុន បន្ថែមថា កម្មវិធីអំណាននេះជួយឱ្យសិស្សចេះអាន ចេះប្រកបអក្សរ ចេះប្រើពាក្យតែល្បៈ និងពង្រឹងអំណាន ។ ទន្ទឹមនឹងនេះ អំណាននៅក្នុងបណ្ណាល័យជួយឱ្យសិស្សចេះវិភាគតួអង្គ វិភាគសាច់រឿង និងលើកទឹកចិត្តឱ្យសិស្សរៀនតែងល្បៈដោយខ្លួនឯង ដើម្បីបង្ហាញការផ្ដាច់ជ្ញាចិត្តក្នុងការសិក្សា ។
“ខ្ញុំជឿជាក់ថាបន្ទាប់ពីអនុវត្តនូវវិធីសាស្រ្តអំណានដំបូង សិស្សចេះអានច្បាស់ ដើម្បីរៀនចប់ថ្នាក់មធ្យមសិក្សា និងអាចបន្តរៀនថ្នាក់ឧត្តមសិក្សាបន្ថែមទៀត”
ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា
ស្របគ្នានេះ នាយកប្រតិបត្តិនៃអង្គការរូមធូរីដកម្ពុជា បានបញ្ជាក់បន្ថែមថា អង្គការរូមធូរីដ បានផ្ដល់ជាសន្លឹកកិច្ចការជួយមាតា បិតា ឬអាណាព្យាបាលរបស់សិស្សឱ្យបន្តជួយកូនរៀនតាមផ្ទះ និងវិធីចូលរួមជួយកូនរៀននៅផ្ទះឱ្យកាន់តែប្រសើរ ។ ក្នុងនោះបុគ្គលិកអង្គការរូមធូរីដ លោកគ្រូ អ្នកគ្រូបានចូលរួមបន្ថែមទៀតតាមរយៈទូរសព្ទទៅចូលរួមទៅពុកម្ដាយ អាណាព្យាបាលបន្ថែមទៀត និងជួយជំរុញឱ្យកុមាររៀនតាមបណ្ដុំតូចៗ ។
គួរបញ្ជាក់ថា ដោយសាលារៀនបានចាប់ផ្តើមបើកទ្វារវិញជាបណ្តើរៗ ក្រុមការងារបានបញ្ចូលកិច្ចការផ្ទះបន្ថែមដល់សិស្សឱ្យអានសៀវភៅទាំងនេះនៅផ្ទះ បន្ថែមពីលើការរៀននៅតាមសាលារៀន ។ ក្រុមការងារស្រាវជ្រាវរបស់រូមធូរីដ បាននិងកំពុងចងក្រងសំណួរ ដើម្បីសាកសួរមាតាបិតាអំពីការប្រើប្រាស់សៀវភៅនេះ ដើម្បីកំណត់យុទ្ធសាស្រ្តថ្មីៗបន្ថែមទៀត នៅពេលដ៏ខ្លីខាងមុខនេះ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសផ្លាស់ប្តូរការសិក្សាសម្រាប់សិស្សវិទ្យាល័យរយៈពេលមួយសប្តាហ៍នៅប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 03/06/2025
កម្មវិធី EACAT Homestay Program 2025 កំពុងប្រកាសឱ្យសិស្សានុសិស្សថ្នាក់វិទ្យាល័យដាក់ពាក្យ ដើម្បីផ្លាស់ប្ដូរការសិក្សារយៈពេល១សប្ដាហ៍ នៅប្រទេសជប៉ុន។ កម្មវិធីផ្ដល់ឱកាសដល់សិស្សានុសិស្ស...
អាហារូបករណ៍រដ្ឋាភិបាលសហព័ន្ធរុស្ស៊ីចំនួន៤០កន្លែង សម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 11/12/2024
សម្រាប់ឆ្នាំសិក្សា២០២៥-២០២៦ រដ្ឋាភិបាល នៃសហព័ន្ធរុស្ស៊ី ផ្តល់អាហារូបករណ៍ចំនួន ៤០កន្លែង ដល់សិស្ស និស្សិត និងមន្រ្តីរាជការកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ បណ្ឌិត និងថ្នាក់ឯកទេស (Specialist) នៅសហព័ន្ធរុស្ស៊ី។
អាហារូបករណ៍សិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ធំ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 18/09/2023
វិទ្យាស្ថានពហុបច្ចេកទេសខេត្តកំពង់ធំ (PIKT) ប្រកាសជ្រើសរើសសិស្ស-និស្សិតថ្នាក់អាហារូបករណ៍ សិក្សាជំនាញវិជ្ជាជីវៈ ចាប់ពីកម្រិតសញ្ញាបត្របច្ចេកទេស រហូតដល់កម្រិតសញ្ញាបត្រជាន់ខ្ពស់បច្ចេកទេស...
អាហារូបករណ៍ជំនាញសំណង់ស៊ីវិល តាមរយៈកម្មវិធីអាហារូបករណ៍ផ្លូវមួយខ្សែក្រវ៉ាត់មួយ
ព័ត៌មានអាហារូបករណ៍, ព្រឹត្តិការណ៍
• 22/01/2025
តាមរយៈកិច្ចសហការរវាងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន និងសាកលវិទ្យាល័យមួយចំនួននៅរដ្ឋធានីប៉េកាំង សាធារណរដ្ឋប្រជាមានិតចិន បានសម្រេចផ្តល់អាហារូបករណ៍ផ្លូវមួយខ្សែក្រវ៉ាត់មួយ សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...
ក្រសួងអប់រំ ប្រកាសប្រឡងជ្រើសរើសនិស្សិតសិក្សាអាហារូបករណ៍កម្មវិធី ACYLS នៅប្រទេសចិន ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 15/02/2024
ក្រសួងអប់រំ យុវជន និងកីឡាប្រកាសប្រឡងជ្រើសរើសសិស្ស-និស្សិតសិក្សាអាហារូបករណ៍ពីកម្មវិធី ASEAN-CHINA YOUNG LEADERS ...
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់៧០កន្លែងពីកម្មវិធីអាហារូបករណ៍ CP ALL ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 25/04/2023
កម្មវីធីអាហារូបករណ៍ CP ALL បើកផ្ដល់អាហារូបករណ៍ដល់និស្សិតកម្ពុជា និងឡាវ សម្រាប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃឆ្នាំសិក្សា២០២៣ ។...
ឱកាសសិក្សាអាហារូបករណ៍ថ្នាក់បរិញ្ញាបត្ររងនៅសាកលវិទ្យាល័យ អាយអាយស៊ី នៃបច្ចេកវិទ្យាឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 18/12/2024
អាហារូបករណ៍ថ្នាក់បរិញ្ញាបត្ររងចំនួន៥០កន្លែង កំពុងរង់ចាំសិស្សដែលមិនបានជាប់ថ្នាក់ទី១២ ដើម្បីសិក្សាជំនាញវិជ្ជាជីវៈ នៅសាកលវិទ្យាល័យ អាយអាយស៊ី នៃបច្ចេកវិទ្យា ដែលគាំទ្រដោយ គណៈកម្មាធិការអាហារូបករណ៍សិស្ស-និស្សិតក្រីក្រ...
ឱកាសទទួលបានអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ China Three Gorges
ព័ត៌មានអាហារូបករណ៍, ព្រឹត្តិការណ៍
• 07/04/2023
សាកលវិទ្យាល័យ China Three Gorges នៃប្រទេសចិន បានប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ចំនួន០៥...
វគ្គបណ្តុះបណ្តាលខ្លីតាមប្រព័ន្ធអនឡាញ “Good Governance” របស់ប្រទេសនូវែលសេឡង់ ដល់មន្រ្តីកម្ពុជា ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 22/12/2025
រដ្ឋាភិបាលនូវែលសេឡង់ នឹងរៀបចំវគ្គបណ្តុះបណ្តាលរយៈពេលខ្លី ក្រោមប្រធានបទ "Good Governance" តាមប្រព័ន្ធអនឡាញ រយៈពេលសិក្សាចាប់ពីថ្ងៃទី១ ដល់ថ្ងៃទី៣០ ខែមេសា ឆ្នាំ២០២៦ ដល់មន្រ្តីរាជការកម្ពុជា។
កម្មវិធីពិសេសរបស់ AMS EDUCATION
ព័ត៌មានសង្ខេប
