ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ស្ថានភាពជំងឺកូវីដ-១៩ កំពុងរីករាលដាលនៅក្នុងសហគមន៍ បណ្តាលឱ្យមនុស្សជាច្រើនព្រួយបារម្ភខ្លាំងពីសុវត្ថិភាពសុខភាពផ្ទាល់ខ្លួន និងសមជិកក្រុមគ្រួសារ។ គ្រប់គ្នារស់នៅដោយប្រុងប្រយ័ត្នជានិច្ច ចេះរក្សាគម្លាតសុវត្ថិភាព កាត់បន្ថយការជួបជុំគ្នា ទម្លាប់ពាក់ម៉ាស់ និងលាងសម្អាតដៃជាប្រចាំ។ ទោះបីឥទ្ធិពលជំងឺកូវីដនេះនៅបន្តអូសបន្លាយយ៉ាងណាក្តី ប៉ុន្តែវាបានបង្រៀនមនុស្សឱ្យទទួលយករបៀបរស់នៅថ្មីៗដើម្បីកាត់បន្ថយហានិភ័យនៃការឆ្លងរីករាលដាល។
លោក សុខ ទូច ជាបុគ្គលិកធនាគារឯកជនមួយ មានអាយុម្ភៃបួនឆ្នាំ បាននិយាយថា៖
“ខ្ញុំពុំសូវចេញដើរដូចមុនទេ ដើម្បីសុវត្ថិភាព និងអភិវឌ្ឍន៍ខ្លួនឯង ខ្ញុំនៅផ្ទះរៀនធ្វើអ្វីថ្មី ដូចជាគូរគំនូរ អានសៀវភៅ មើលភាពយន្ត ហាត់ប្រាណ និងដាំបន្ថែផ្សេងៗនៅផ្ទះ ! វាបានផ្លាស់ប្តូររបៀបរស់នៅរបស់ខ្ញុំ”
លោក សុខ ទូច
ជុំវិញការរស់នៅក្នុងសភាពធម្មតាតាមបែបគន្លងថ្មីនេះ លោក សុខ ទូច ក៏បានបន្ថែមផងថា លោកកាត់បន្ថយការជួបជុំសប្បាយអ៊ូអរ ចាប់ផ្តើមទម្លាប់ខ្លួនរៀននិងការងារពីចម្ងាយ ព្រមទាំងមានពេលវេលាច្រើនស្វែងយល់អំពីខ្លួនឯង និងធ្វើអ្វីថ្មីជាជំនួយដល់បំណិនជីវិត។
ទន្ទឹមនឹងគ្នានោះដែរ លោក សាន កុសល ជាមន្រ្តីរាជការមួយរូប បាននិយាយមកកាន់ AMS ថា៖
“សម្រាប់ខ្ញុំវាជារបៀបរស់នៅថ្មីមួយដែលត្រូវប្រុងប្រុយ័ត្នខ្ពស់ចំពោះសុខភាព ជាពិសេសនៅពេលដែលមានជំងឺឆ្លងបែបនេះ ខ្ញុំមានឱកាសជាច្រើននៅជាមួយក្រុមគ្រួសារ ហើយបង្កើតឱ្យមានបរិយាកាសល្អ ដូចជារៀបចំអាហារជុំគ្នា និងរៀនយល់ពីគ្នាបានច្រើននៅក្នុងក្រុមគ្រួសារ ដោយសារតែការពីមុនម្នាក់ៗមានការងាររៀងៗខ្លួន”
លោក សាន កុសល
លោក សាន កុសល និយាយបន្ថែមទាំងទឹកមុខរីករាយថា ពេលវេលានេះគ្រប់យ៉ាងត្រូវប្រែប្រួលដោយឥតព្រៀងទុក ប៉ុន្តែលោកតែងតែបន់ស្រន់ និងជឿជាក់ថាឱ្យជំងឺដ៏កាចសាហាវមួយនេះនឹងរលាយផុតពីពិភពលោក។
គ្រូបង្រៀននៅសាលាវិទ្យាល័យជម្ពូវ័ន្ត ស្ថិតនៅទីក្រុងភ្នំពេញ អ្នកស្រី លី សានិត ក៏បានបង្ហើបពីបទពិសោធន៍ការងារក្នុងស្ថានភាពនេះដែរថា៖
“កាលពីមុនខ្ញុំធ្លាប់បង្រៀនផ្ទាល់នៅក្នុងសាលា តែពេលនេះខ្ញុំត្រូវបង្រៀនសិស្សតាមប្រព័ន្ធអនឡាញទំនើបវិញ នេះជាឱកាសរៀនប្រើប្រាស់បច្ចេកវិទ្យាថ្មីៗសម្រាប់ខ្ញុំ ដែលពីមុនខ្ញុំមិនដែលបានដឹងទូលំទូលាយ”
អ្នកស្រី លី សានិត
អ្នកស្រី លី សានីត វ័យ ៤៥ឆ្នាំរូបនេះបានបន្តថា នៅក្នុងដំណាក់កាលជំងឺកូវីដ-១៩ កំពុងតែឆ្លងបែបនេះ ការរស់នៅត្រូវចេះបត់បែនតាមស្ថានភាពជាក់ស្តែងព្រមទាំងចូលរួមប្រយុទ្ធប្រឆាំងជំងឺកូវីដ-១៩ ដើម្បីសុខសុវត្ថិភាពប្រជាពលរដ្ឋទាំងអស់គ្នា។
គួរបញ្ជាក់ថា នៅក្នុងដំណាក់កាលជំងឺកូវីដ-១៩ រីករាលដាលនៅក្នុងសហគមន៍ រាជរដ្ឋាភិបាល ថ្នាក់ដឹកនាំគ្រប់ជាន់ថ្នាក់ និងជាពិសេសក្រសួងសុខាភិបាល បានសហការណ៍ជាមួយក្រសួងពាក់ព័ន្ធ អាជ្ញាធរមូលដ្ឋាន បំពេញតួនាទីរបស់ខ្លួនយ៉ាងសកម្ម ដើម្បីជួយព្យាបាល ព្រមទាំងចាក់វ៉ាក់សាំងការពារជូនប្រជាពលរដ្ឋ ក្នុងន័យចូលរួមទប់ស្កាត់ និងបញ្ជៀសពីការឆ្លងនិងចម្លងជំងឺកូវីដ-១៩នៅក្នុងសហគមន៍៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
លោកស្រី តាន់ សុដានី ៖ សេចក្ដីក្លាហាន និងចង់ចេះចង់ដឹង ជាលក្ខណៈពិសេសធ្វើឱ្យស្រ្តីក្លាយជាអ្នកបង្កើតបច្ចេកវិទ្យា
គម្រោងបច្ចេកវិទ្យារបស់សិស្សកម្ពុជា ៥៧គម្រោង ត្រៀមប្រកួតក្នុងកម្មវិធីថ្នាក់ជាតិ ឆ្នាំ២០២៦
កម្មវិធី “អ្នកដឹកនាំយុវជនអាស៊ី ២០២៦” នៅប្រទេសជប៉ុន បើកទទួលពាក្យ
អាហារ ៧យ៉ាង ដែលគួរចៀសវាងមុនពេលចូលគេង
ក្រសួងប្រៃសណីយ៍ និងទូរគមនាគមន៍ ជ្រើសរើសនិស្សិត ២៥នាក់ ទៅសិក្សាថ្នាក់បរិញ្ញាបត្រជាន់ខ្ពស់ជំនាញផ្កាយរណប និងលំហអាកាស
អ្នកជំនាញ ៖ ការប្រើទូរស័ព្ទរបស់សិស្សក្នុងសម័យឌីជីថល គួរមានការគ្រប់គ្រងតាមអាយុ និងការណែនាំពីមាតាបិតា
យុគសម័យ AI លោកស្រី សំណាង វិធាវី លើកទឹកចិត្តក្មេងស្រីឱ្យចាប់យកជំនាញបច្ចេកវិទ្យា
សិស្សជាង២ពាន់នាក់នៅកំពង់ធំទទួលអត្ថប្រយោជន៍ពីគម្រោងកែលម្អគុណភាពអប់រំបឋមសិក្សា
វេសឡាញគ្រុបរៀបចំព្រឹត្តិការណ៍៤ ដើម្បីបង្ហាញផលជះវិជ្ជមាន និងបរិវត្តកម្មក្នុងវិស័យអប់រំរយៈពេល១៨ឆ្នាំ និងសម្ពោធដំណើរការកម្មវិធីសិក្សាអន្តជាតិ Pearson Edexcel មកពីចក្រភពអង់គ្លេស
វិធីជួយកូនតូចៗឱ្យបាត់មួម៉ៅ និងមានអារម្មណ៍ស្ងប់ស្ងាត់ឡើងវិញ
កម្មវិធីពិសេសរបស់ AMS EDUCATION
ព័ត៌មានសង្ខេប
