រដ្ឋបាលខេត្តកោះកុង និងខេត្តកំពង់ស្ពឺ ប្រកាសផ្ដល់កន្លែងស្នាក់នៅជូនបេក្ខជនប្រឡងបាក់ឌុបដែលខ្វះខាតដោយឥតគិតថ្លៃ

ដើម្បីជាការសម្រួលទៅ​ដល់បេក្ខជនក្នុងមកប្រឡងសញ្ញាបត្រមធ្យមសិក្សា​ទុតិយភូមិ ឬបាក់ឌុប នៅ​ថ្ងៃទី៦ ខែវិច្ឆិកា ឆ្នាំ២០២៣ខាងមុខនេះ រដ្ឋបាលខេត្តកោះកុង ក៏ដូចជារដ្ឋបាលខេត្តកំពង់ស្ពឺ បានប្រកាស​ដូចគ្នាក្នុងការផ្តល់កន្លែងស្នាក់នៅ​ដល់ប្អូនៗសិស្សានុសិស្ស មាតាបិតា អាណាព្យាបាល ដែលមានការខ្វះខាត​ដោយ​ឥតគិតថ្លៃ។

យោងតាមសេចក្ដីជូនដំណឹងរបស់រដ្ឋបាលខេត្តកោះកុង សម្រាប់ប្អូនៗសិស្សានុសិស្ស មាតាបិតា អាណាព្យាបាលដែលអញ្ជើញ​មក​ពីបណ្តាស្រុកនានាក្នុងខេត្ត ដើម្បីត្រៀមមកប្រឡងបាក់ឌុប គឺអាចទៅស្នាក់នៅដោយឥតគិតថ្លៃ នៅទីតាំងសាខាកាកបាទក្រហមកម្ពុជា ខេត្តកោះកុង ស្ថិត​នៅ​ភូមិ១ សង្កាត់ស្មាច់មានជ័យក្រុងខេមរភូមិន្ទ ខេត្តកោះកុង ដោយអាចទំនាក់ទំនងតាមរយៈលេខទូរស័ព្ទ ០១៦ ៣២ ៨៧ ៨៧, ០៩៧ ៨២ ៧១ ០៩៤។

ស្របទៅនឹងការប្រកាសផ្តល់កន្លែងស្នាក់នៅដោយ​ឥតគិតថ្លៃនេះដែរ លោកជំទាវ មិថុនា ភូថង អភិបាលខេត្តកោះកុង ក៏បានលើកទឹកចិត្តដល់ប្អូនៗ និងក្មួយៗសិស្សានុសិស្សទាំងអស់ឱ្យខិតខំប្រឹងប្រែងយកចិត្តទុកដាក់ខ្ពស់ក្នុងការប្រឡងដោយយកចំណេះដឹង សមត្ថភាពផ្ទាល់ខ្លួនជាមូលដ្ឋាន។ ជាមួយគ្នាអាជ្ញាធរខេត្តកោះកុង ក៏បានប្រកាសផ្តល់ថវិកាលើកទឹកចិត្តដល់ប្អូនៗនិងក្មួយៗសិស្សានុសិស្សណាដែលប្រឡងជាប់និទ្ទេស A ក្នុងម្នាក់ៗចំនួនបួនលានរៀលផងដែរ។

ជាមួយគ្នានេះ សម្រាប់រដ្ឋបាលខេត្តកំពង់ស្ពឺវិញ ក៏បានប្រកាសពីការផ្តល់កន្លែងស្នាក់នៅ ដល់បេក្ខជនដែលមកពីក្រុងស្រុកទាំង៩ នៃខេត្តកំពង់ស្ពឺ ដែលពុំមានលទ្ធភាពគ្រប់គ្រាន់ក្នុងការដោះស្រាយទីកន្លែងស្នាក់នៅផងដែរ។ ក្នុងនោះរដ្ឋបាលខេត្តកំពង់ស្ពឺ​បានរៀបចំទីតាំងរហូតដល់ទៅ១៨សម្រាប់បេក្ខជនស្នាក់នៅ រួមមាន ទី១. មន្ទីរអប់រំ យុវជន និងកីឡា (អគារធនធាន) ទី២​. សាលាគរុកោសល្យ និងវិក្រិតការ ៣. មន្ទីរធម្មការ និងសាសនា ៤. មន្ទីរសេដ្ឋកិច្ច និងហិរញ្ញវត្ថុ ៥. មន្ទីរសាធារណៈការ និងដឹកជញ្ជូន ៦. មន្ទីរធនធានទឹក និងឧតុនិយម ៧. មន្ទីរវប្បធម៌ និងវិចិត្រសិល្បៈ ៨. វត្តសាឡូងពោធិមង្គល ៩. វត្តចំបក់ (ធម្មយុត្តិ) ១០. វត្តចំបក់ពោធ៍ពាន់ ១១. វត្តភ្នំសុពណ៌ទេព ១២. វត្តសាមគ្គីរាជវរារាម (វត្តថ្មី) ១៣. វត្តនទីសោភ័ណ (រំលិចសំបួរ) ១៤. វត្តមុនីរង្សីរតនារាម (ម្រុំខាងជើង) ១៥. វត្តអម្ពរសុវណ្ណរាម (ម្រុំខាងត្បូង) ១៦. វត្តចំណារាម ១៧. វត្តកណ្ដោលដុំ ១៨. វត្តព្រះពុទ្ធអណ្ដែត (ក្ដីល្វា)។

លោក ឆាំ យីន អ្នកទទួលខុសត្រូវទីកន្លែងស្នាក់នៅនៃមន្ទីរអប់រំ ​យុវជន និងកីឡា (អគារធនធាន) មានប្រសាសន៍ថា ការជួយរៀបចំទីកន្លែងស្នាក់នៅ និងផ្ញើ កង់ ម៉ូតូ ដោយឥតគិតថ្លៃ សម្រាប់បេក្ខជនប្រឡងសញ្ញាបត្រមធ្យសិក្សាទុតិយភូមិ ឬបាក់ឌុបខាងមុខនេះ គឺដើម្បីជាការជួយសម្រួលបន្ទុកចំណាយមួយចំនួនធំរបស់មាតា បិតា ឬអាណាព្យាបាលសិស្សដែលនៅឆ្ងាយពីមណ្ឌលប្រឡង ដូច្នេះសម្រាប់អាណាព្យាបាល ឬបេក្ខជនដែលចង់ទទួលបានកន្លែងស្នាក់នៅពេលប្រឡងបាក់ឌុប អាចទាក់ទងតាមរយៈលេខទូរស័ព្ទដែលមាននៅក្នុងសេចក្ដីជូនដំណឹងរបស់រដ្ឋបាលខេត្តបាន។

គួរជម្រាបជូនថា ការប្រឡង​សញ្ញាបត្រមធ្យមសិក្សា​ទុតិយភូមិ ឬបាក់ឌុប គ្រោងនឹងប្រព្រឹត្តទៅនៅថ្ងៃទី៦ និងថ្ងៃទី៧ ខែវិច្ឆិកា ខាងមុខ ដោយមានបេក្ខជនចុះឈ្មោះប្រឡងទូទាំងប្រទេស​ជាង ១៣ម៉ឺននាក់ ក្នុងនោះបេក្ខជនថ្នាក់វិទ្យាសាស្រ្តមានចំនួន ៤១៣៧៩នាក់ និងបេក្ខជនថ្នាក់វិទ្យាសាស្រ្តសង្គមមានចំនួន ៩៦០៣៣នាក់​៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រចំនួន៤០កន្លែងពីអង្គការសម្រេចសុបិនកុមារ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 20/07/2023

ឱកាសសិក្សាអាហារូបករណ៍ថ្នាក់បរិញ្ញាបត្រសម្រាប់សិស្សនិស្សិតចំនួន៤០កន្លែង ពីអង្គការសម្រេចសុបិនកុមារក្នុងឆ្នាំសិក្សា២០២៣-២០២៤ ។ អាហារូបករណ៍ឧបត្ថម្ភការសិក្សារបស់បេក្ខឱ្យសិក្សានៅតាមសាកលវិទ្យាល័យ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Murdoch ប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 17/07/2025

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Murdoch ប្រទេសអូស្ត្រាលី ពីកម្មវិធីអាហារូបករណ៍ Murdoch University RTP Scholarship 2025 សម្រាប់ឆ្នាំសិក្សា២០២៥។

ឱកាសអាហារូបករណ៍ថ្នាក់ភាសាចិនរយៈពេល ១ ឆ្នាំ នៅសាកលវិទ្យាល័យ YUNNAN NORMAL UNIVERSITY ចំនួន ៣០ កន្លែង

ព័ត៌មានអាហារូបករណ៍, ព្រឹត្តិការណ៍

• 28/02/2025

ជាឱកាស​សម្រាប់សិស្ស​និស្សិត ជាពិសេស​គ្រូបង្រៀនភាសាចិន ពេលនេះ​តាមរយៈ​សមាគម​និស្សិត​កម្ពុជា​ប្រចាំ​សាធាំរណរដ្ឋប្រជាមានិតចិន បានប្រកាស​ពីការផ្តល់អាហារូបករណ៍​ថ្នាក់ភាសាចិន​រយៈពេល​១ឆ្នាំ...

តំបន់ស្វយ័តជនជាតិជាំងក្វាងស៊ី ប្រទេសចិន ផ្តល់អាហារូបករណ៍ថ្នាក់​ឧត្តមសិក្សា​៨កន្លែង សម្រាប់និស្សិតកម្ពុជា

ព័ត៌មានអាហារូបករណ៍, ព្រឹត្តិការណ៍

• 21/03/2023

មន្ទីរអប់រំនៃតំបន់ស្វយ័តជនជាតិជាំងក្វាងស៊ី នៃសាធារណរដ្ឋប្រជាមានិតចិន ប្រកាស​ផ្ដល់អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន៨កន្លែង ...

តួកគី ផ្តល់អាហារូបករណ៍លើការ​បណ្តុះបណ្តាល ភាសា-វប្បធម៌ ដល់មន្ត្រីរាជការ និងបញ្ញវន្តកម្ពុជា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/05/2026

សម្រាប់ឆ្នាំសិក្សា២០២៦-២០២៧ នេះ សាធារណៈរដ្ឋ​តួកគីយ៉េ ​បាន​ប្រកាស​ផ្តល់​អាហារូបករណ៍​ដល់​មន្ត្រីរាជការ និង​បញ្ញវន្ត​កម្ពុជា សិក្សា​រយៈ​ពេល ៨ ខែ​ពេញ​ លើ​ការ​បណ្ដុះបណ្ដាល​ភាសា​ និង​វប្បធម៌​តួកគីយ៉េ សិក្សា​នៅ​សាធារណរដ្ឋ​តួកគីយ៉េ។

ឱកាសសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា ចំនួន២០នាក់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 08/01/2025

ក្រសួងអប់រំ យុវជន និងកីឡា និង អង្គការយូណេស្កូ ប្រកាសជ្រើសរើសបុគ្គលិកអប់រំ ចូលសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា នៅវិទ្យាស្ថានគរុកោសល្យរាជធានីភ្នំពេញ ក្រោមកម្មពីធីពង្រឹងការអប់រំគ្រូបង្រៀននៅកម្ពុជា...

ឱកាសសិក្សាអាហារូបករណ៍ចំនួន២១០កន្លែងនៅវិទ្យាស្ថានបច្ចេកវិទ្យាកម្ពុជា មណ្ឌលតេជោ ហ៊ុន សែន ចំការដូងខេត្តកែប

ព័ត៌មានអាហារូបករណ៍, ព្រឹត្តិការណ៍

• 11/10/2024

វិទ្យាស្ថានបច្ចេកវិទ្យាកម្ពុជា ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ និងកម្រិតបរិញ្ញាបត្ររងវិស្វកម្ម នៅមណ្ឌល តេជោ ហ៊ុន សែន ចំការដូង (ខេត្តកែប) ជាច្រើននាក់។ ក្នុងនោះវិទ្យាស្ថាននឹងផ្ដល់ឱកាសសិក្សាអាហារូបករណ៍ចំនួន២១០កន្លែង។

ស.ស.យ.ក រាជធានីភ្នំពេញផ្ដល់អាហារូបករណ៍ ១០០% ចំនួន៥៩កន្លែង នៅសាកលវិទ្យាល័យចំនួនប្រាំ

ព័ត៌មានអាហារូបករណ៍, ព្រឹត្តិការណ៍

• 26/08/2025

ដើម្បីចូលរួមចំណែកលើកកម្ពស់វិស័យអប់រំ និងបណ្ដុះបណ្ដាលធនធានមនុស្ស ឆ្នាំសិក្សា២០២៥-២០២៦ សហភាពសហព័ន្ធយុវជនកម្ពុជារាជធានីភ្នំពេញ បាន​ប្រកាសផ្ដល់អាហារូបករណ៍​១០០%ចំនួន៥៩កន្លែង និងអាហារូបករណ៍៥០% មិនកំណត់ចំនួន...

ឱកាសសិក្សាជំនាញវិជ្ជាជីវៈឥតគិតថ្លៃនៅវិទ្យាស្ថានជាតិសហគ្រិន និងនវានុវត្តន៍

ព័ត៌មានអាហារូបករណ៍, ព្រឹត្តិការណ៍

• 22/06/2023

វិទ្យាស្ថានជាតិសហគ្រិន និងនវានុវត្តន៍ប្រកាសជ្រើសរើសបេក្ខជនសិក្សាជំនាញបច្ចេកទេស និងវិជ្ជាជីវៈរយៈពេលខ្លីសម្រាប់ឆ្នាំសិក្សា២០២៣។...