ភ្នំពេញ – មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។

លក្ខខណ្ឌនៃការជ្រើសរើសបេក្ខជនសម្រាប់ការសិក្សាវគ្គបណ្ដុះបណ្ដាលនេះ បេក្ខជនជាគ្រូបង្រៀនឯកទេសភាសាអង់គ្លេសនៅតាមគ្រឹះស្ថានឧត្ដមសិក្សា និងមធ្យមសិក្សាចំណេះទូទៅរដ្ឋ ។ លើសពីនេះត្រូវមានលិខិតបញ្ជាក់ពីប្រធានអង្គភាពដែលអនុញ្ញាតឱ្យបេក្ខជនចូលរួមវគ្គបណ្ដុះបណ្ដាលនេះ ។

ជំនាញដែលអាហារូបករណ៍ផ្ដល់ជូនរួមមាន វគ្គC111:Advanced Specialist in Teaching Listening and Speaking (០៩ មករា ២០២៤ – ២៦ មករា ២០២៤) វគ្គC112: Advanced Specialist Certificate in Teaching and Writing (០៩ មករា ២០២៤ – ២៦ មករា ២០២៤) វគ្គMTESOL: Master of Teaching English to Speakers of Other Languages (២៦ កុម្ភៈ ២០២៤ – ១៤ កុម្ភៈ ២០២៥) វគ្គ C113: Advanced Specialist Certificate in Language Assessment (០២ មេសា ២០២៤ – ១៩មេសា២០២៤) ។ វគ្គC419: Specialist Certificate in the Professional Development of Teacher Leaders/Supervisors (៣០ មេសា ២០២៤-១៧ ឧសភា ២០២៤) វគ្គC103: Postgraduate Diploma in Applied Linguistics (០២ កក្កដា ២០២៤-១៣ ធ្នូ ២០២៤) វគ្គC423: Specialist Certificate in Technology-Enabled Language Teaching (០៣ កញ្ញា ២០២៤-០៨ កញ្ញា ២០២៤) និងវគ្គC325: Specialist Certificate in TESOL with Cambridge Teaching Knowledge(Foundation) (២៤ កញ្ញា ២០២៤-១៨តុលា ២០២៤) ។

គួរបញ្ជាក់ដែរថា បេក្ខជនដែលចាប់អារម្មណ៍ក្នុងការដាក់ពាក្យស្នើសុំអាហារូបករណ៍សូមផ្ញើសំណុំឯកសារទៅកាន់ការិយាល័យស៊ីមេអូ នាយកដ្ឋានព័ត៌មាននិងកិច្ចការអាស៊ានដែលមានអាសយដ្ឋានស្ថិតនៅសាលាមធ្យមសិក្សាគរុកោសល្យមត្តេយ្យមជ្ឈឹម ។ សម្រាប់បេក្ខជនស្នើពាក្យសិក្សាវគ្គ C11, C112, MTESOL, C113 និង C419 ត្រូវស្នើពាក្យឱ្យបានមុនថ្ងៃ១៦ ខែតុលា ឆ្នាំ២០២៣ សម្រាប់វគ្គ C103, C423, និង C325 ត្រូវស្នើពាក្យឱ្យបានមុនថ្ងៃទី០៥ កុម្ភៈ ឆ្នាំ២០២៤ ។

ជាមួយគ្នានេះការជ្រើសរើសបេក្ខជនមាន៣ដំណាក់កាលដូចជា ដំណាក់កាលទី១នាយកដ្ឋានព័ត៌មាន និងកិច្ចការអាស៊ាននឹងពិនិត្យពាក្យស្នើសុំអាហារូបករណ៍ព្រមទាំងឯកសារពាក់ព័ន្ធផ្សេងៗរបស់បេក្ខជនដើម្បីវិនិច្ឆ័យជ្រើសរើសបេក្ខជនដែលមានសមត្ថភាព និងត្រឹមត្រូវតាមលក្ខខណ្ឌមុននឹងបញ្ជូនឈ្មោះទៅមជ្ឈមណ្ឌល SEAMEO RELC ប្រទេសសឹង្ហបុរី ។ ដំណាក់កាលទី២ មន្ត្រីជំនាញនៃមជ្ឈមណ្ឌល SEAMEO RELC នឹងពិនិត្យពាក្យស្នើសុំអាហារូបករណ៍ និងឯកសារពាក់ព័ន្ធផ្សេងៗរបស់បេក្ខជន ដើម្បីវិនិច្ឆ័យជ្រើសរើសបេក្ខជនដែលមានសមត្ថភាព និងត្រឹមត្រូវតាមលក្ខខណ្ឌឱ្យចូលរួមប្រឡងតេស្តភាសាអង់គ្លេស(Online English Test) ។ ដំណាក់កាលទី៣ មជ្ឈមណ្ឌល SEAMEO RELC នឹងជូនដំណឹងទៅកាន់បេក្ខជនពីលទ្ធផលតេស្តភាសាអង់គ្លេស និងលទ្ធផលអាហារូបករណ៍តាមរយៈ Email របស់បេក្ខជនផ្ទាល់ ។

សម្រាប់ព័ត៌មានបន្ថែមសូមទំនាក់ទំនងទៅកាន់មន្ត្រីជំនាញការិយាល័យស៊ីមេអូនៃនាយកដ្ឋានព័ត៌មាន និងកិច្ចសាអាស៊ានតាមរយៈ Email: saravotey.moeys@gmail.com ឬចូលទៅកាន់តំណភ្ជាប់ https://www.relc.org.sg/welcome ៕