តើយុវជនកម្ពុជាទទួលបានចំណេះដឹងអ្វីខ្លះ ពីព្រឹត្តិការណ៍ស៊ីហ្គេមលើកទី៣២?

ភ្នំពេញ – ព្រឹត្តិការណ៍ នៃការ​ប្រកួត​កីឡាអាស៊ីអាគ្នេយ៍​លើកទី៣២ ដែលប្រទេសកម្ពុជា​ធ្វើជា​ម្ចាស់ផ្ទះ​ទើប​តែបានបិទបញ្ចប់​ទៅ​កាលពេលថ្មីៗនេះ ប្រកបដោយ​ថាមពល និង​ជោគជ័យ ។ ការ​រៀបចំព្រឹត្តិការណ៍កីឡាជា​ប្រវត្តិសាស្រ្តរបស់ប្រទេសកម្ពុជានេះ តើយុវជនយើងទទួលបានចំណេះដឹងអ្វីខ្លះ?

យុវតី អ៊ុង ស្រីពេជ្រ ជាម្ចាស់ជ័យលាភីមេដាយមាស ក្នុងកម្មវិធីជជែកដេញដោល ពានរង្វាន់ជើងឯកតស៊ូមតិ និងវោហារកោសល្យជាសាធារណៈ បាននិយាយថា បន្ទាប់ពីកម្ពុជាបានធ្វើជាម្ចាស់ផ្ទះរៀបចំប្រកួតកីឡាស៊ីហ្គម នាងបាន​យល់ដឹងកាន់តែច្រើនអំពីប្រភេទកីឡាផ្សេងៗដែលកម្ពុជាមាន ។ ស្រីពេជ្រ បន្តថា រូបនាងបានចំណេះដឹងមួយចំនួន រួមមាន ទី១. យល់ដឹងបន្ថែមអំពីប្រភេទកីឡាផ្សេងៗដែលមាននៅក្នុងប្រទេសកម្ពុជា និងក្រៅប្រទេសកម្ពុជា ទី២. យល់ដឹងអំពីសិល្បៈផ្សេងៗ និងបានឃើញការសម្ដែងរបស់សិល្បៈករ សិល្បការិនីកម្ពុជា ទី៣. យល់ដឹងពីប្រវត្តិសាស្រ្តនៃស៊ីហ្គេម មូលហេតុអ្វីបានជាគេបង្កើតកីឡាស៊ីហ្គេមឡើង ទី៤. យល់ដឹងបន្ថែមពីប្រភេទកីឡាស៊ីហ្គេមបន្ថែមទៀត។

យុវតី អ៊ុង ស្រីពេជ្រ

“នៅមុនពេលកម្ពុជាមិនទាន់ធ្វើជាម្ចាស់ផ្ទះប្រកួតកីឡាស៊ីហ្គេម ខ្ញុំមិនសូវចាប់អារម្មណ៍កីឡាស៊ីហ្គេមនោះទេ បន្ទាប់មកខ្ញុំក៏យល់ដឹងបានច្រើនអំពីកីឡានៅពេលកម្ពុជាធ្វើជាម្ចាស់ផ្ទះរៀបចំការប្រកួតកីឡាស៊ីហ្គេមនេះ”

យុវតី អ៊ុង ស្រីពេជ្រ ក៏បានសម្ដែងនូវអារម្មណ៍រីករាយ និងចង់ឃើញប្រទេសកម្ពុជារួមដៃគ្នាដើម្បីស្វាគមន៍ ឬរាក់ទាក់ជាមួយនិងកីឡាករ និងកីឡាការិនីស៊ីហ្គេមបន្ថែមទៀត ហើយក៏បន្តអភិវឌ្ឍជាតិ និងបន្តរក្សាសន្តិភាព ដោយសារចំណុចទាំងអស់នេះហើយដែលជួយឱ្យការរៀបចំប្រកួតកីឡាស៊ីហ្គេមនៅកម្ពុជាប្រព្រឹត្តិទៅដោយរលូន។

យុវតី អៀម មុន្នីរង្សី ជានិស្សិតឆ្នាំទី១ និងជាអ្នកស្ម័គ្រចិត្តក្នុងព្រឹត្តិការណ៍ស៊ីហ្គេមផ្នែកស្នាក់នៅ និងដឹកជញ្ជូន បាននិយាយថា រូបគេរៀនបានច្រើនពីព្រឹត្តិការណ៍ស៊ីហ្គេម តាមរយៈការស្គាល់មនុស្សជាច្រើនដែលមិនធ្លាប់ជួបពីមុនមក ដោយចាប់ផ្ដើមក្លាហានជាងមុន អាចស្គាល់ជនបរទេស និងមានការទំនាក់ទំនងគ្នាល្អ។ មុន្នីរង្សី បន្តថា រូបគេបានផ្លាស់ប្ដូរពីមនុស្សស្ងៀមស្ងាត់មិនហ៊ានចេញទៅខាងក្រៅនិយាយជាមួយមនុស្សដទៃ ហើយបែរមកចាប់ផ្ដើមក្លាហានហ៊ានទំនាក់ទំនងជាមួយ​មនុស្សនៅជុំវិញខ្លួនប្រសើរជាងពីមុនចាប់តាំងពីមានព្រឹត្តិការណ៍ស៊ីហ្គេមនេះមក។

យុវតីអ្នកស្ម័គ្រចិត្តក្នុងព្រឹត្តិការណ៍ស៊ីហ្គេម រូបនេះ បន្តថា រូបគេទទួលបានឱកាសយល់ដឹងបន្ថែមដូចជា ទី១. មានឱកាសចេញទៅទំនាក់ទំនងនៅខាងក្រៅជាមួយមនុស្សថ្មីៗ ស្គាល់ពីកីឡាផ្សេងៗដែលមិនធ្លាប់ស្គាល់ពីមុនមក ទី២. រៀនពីឧបសគ្គដែលបានជួប និងអាចដោះស្រាយឧបសគ្គបាន ឧទាហរណ៍៖ រៀបចំចាត់ចែងទិញ និងដឹកជញ្ជូនអាហារដល់កីឡាករ ពេលខ្លះលើស ឬខ្វះ និងមានបញ្ហាមួយចំនួន។ ទី៣. រៀនបានពីការរក្សាចំណងទំនាក់ទំនង គឺទាំងកីឡាករ កីឡាការិនីខ្មែរ និងបរទេស គឺរួសរាយរាក់ទាក់ និងស្វាគមន៍គ្នាបានល្អ មានភាពស្និទ្ធស្នាលដូចជាបងប្អូន និងទី៤. អាចពង្រឹងសមត្ថភាពភាសាអង់គ្លេស ដោយសារគ្រប់កីឡាករ មកពីបណ្ដាប្រទេសផ្សេងៗនិយាយជាភាសាអង់គ្លេស។

យុវតី អៀម មុន្នីរង្សី អ្នកស្ម័គ្រចិត្តក្នុងព្រឹត្តិការណ៍ស៊ីហ្គេម

“ខ្ញុំមានអារម្មណ៍ថាអស្ចារ្យមែនទែន និងជាលើកទីមួយដែលកម្ពុជាបានធ្វើជាម្ចាស់ផ្ទះប្រកួតកីឡាស៊ីហ្គេម ហើយដំបូងឡើយមនុស្សមិនច្រើនទេដែលស្គាល់ស៊ីហ្គេម ប៉ុន្តែនៅពេលចាប់ផ្ដើមមានពិធីបើកប្រកួតកីឡាស៊ីហ្គេម ទើបចាប់ផ្ដើមមានមនុស្សស្គាល់ពីស៊ីហ្គេម ស្គាល់ពីប្រភេទកីឡាផ្សេងៗ និងមានអ្នកគាំទ្រច្រើន”

យុវជន នៀ ឧត្តម ជានិស្សិតកំពុងសិក្សា​ឆ្នាំទី២ ជំនាញសំណង់ស៊ីវិល នៃវិទ្យាស្ថានបច្ចេកវិទ្យាកម្ពុជា និយាយថា សម្រាប់ព្រឹត្តិការណ៍កីឡាស៊ីហ្គេម២០២៣ មិនត្រឹមតែបង្ហាញពីសក្កានុពលនៃប្រទេសកម្ពុជាដែលមានធនធានគ្រប់គ្រាន់ធ្វើជាម្ចាស់ផ្ទះកីឡាលំដាប់ថ្នាក់កំពូលនៅក្នុងអាស៊ានប៉ុណ្ណោះទេ ថែមទាំងជាឱកាសមួយឱ្យកម្ពុជាបង្ហាញនូវវប្បធម៌ អរិយធម៌ជនជាតិខ្មែរទៅកាន់អាស៊ាន ក៏ដូចជាពិភពលោកទាំងមូលផងដែរ។

នៀឧត្តម បន្ថែមថា តាមរយៈព្រឹត្តិការណ៍ស៊ីហ្គេមឆ្នាំ២០២៣ រូបគេអាចរៀនបានថា កម្ពុជាក៏មានកម្មវិធីមួយហៅថា Beyon The Game គឺមិនមែនធ្វើសម្រាប់តែកីឡាប្រកួតយកចាញ់ឈ្នះមួយមុខទេ ប៉ុន្តែចង់បង្ហាញថា កីឡាបង្កើតនូវមិត្តភាពក៏ដូចជាសាមគ្គីភាព និងការឱ្យតម្លៃគ្នាទៅវិញទៅមក ។ និស្សិតឆ្នាំទី២ បញ្ជាក់បន្ថែមថា ព្រឹត្តិការណ៍ប្រកួតកីឡាស៊ីហ្គេមឆ្នាំ២០២៣ ពិតជាជំរុញឱ្យយុវជនកម្ពុជា អាចចូលរួមចំណែកផ្សព្វផ្សាយ គាំទ្រទៅលើការប្រកួតរបស់កីឡាករខ្មែរ និងអាចចូលរួមផ្សព្វផ្សាយពីវប្បធម៌ អរិយធម៌របស់យើងទៅកាន់ជាតិសាសន៍ដ៏ទៃផងដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់បច្ចេកទេសជាន់ខ្ពស់ចំនួន២០០កន្លែងនៅសាលាបច្ចេកទេស ដុនបូស្កូខេត្តកែប

ព័ត៌មានអាហារូបករណ៍, ព្រឹត្តិការណ៍

• 04/10/2023

សាលាបច្ចេកទេស ដុនបូស្កូ ខេត្តកែប ប្រកាសជ្រើសរើសសិស្សចូលសិក្សាអាហារូបករណ៍ជំនាញថ្នាក់ជាន់ខ្ពស់បច្ចេកទេសចំនួន២០០កន្លែងសម្រាប់ឆ្នាំសិក្សា២០២៣-២០២៤។........

ឱកាស​សិក្សា​អាហារូបករណ៍​ចំនួន​២០កន្លែង​នៅ​សាកលវិទ្យាល័យ​ក្រចេះ​ឆ្នាំ​សិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/11/2024

ឱកាស​ទទួល​បានការសិក្សា​ថ្នាក់​បរិញ្ញាបត្រ​ចំនួន២០​កន្លែង​នៅ​សាកលវិទ្យាល័យ​ក្រចេះ សម្រាប់​ឆ្នាំសិក្សា​២០២៤-២០២៥។ អាហារូបករណ៍​ផ្ដល់​ជូន​ការ​សិក្សា​ពី​គម្រោង...

ACE​ ​ផ្តល់​អាហារូបករណ៍​ ​100​% ​ចំនួន​ ​៣៤​ ​កន្លែង​សម្រាប់​ការ​សិក្សា​ភាសា​អង់គ្លេស​រយៈពេល​មួយ​ឆ្នាំ

ព័ត៌មានអាហារូបករណ៍, ព្រឹត្តិការណ៍

• 27/07/2026

​មជ្ឈមណ្ឌល​អូស្ត្រាលី​សម្រាប់​ការ​បណ្តុះបណ្តាល ​(​ACE​) ​បាន​ប្រកាស​ផ្តល់​អាហារូបករណ៍​សិក្សា​ភាសា​អង់គ្លេស​ ​១០០​% ​ចំនួន​ ​៣៤​ ​រង្វាន់​ សម្រាប់​រយៈពេល​មួយ​ឆ្នាំ​ពេញ​ ​ជូន​ដល់​សិស្សានុសិស្ស​កម្ពុជា

អាហារូបករណ៍សាថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Monash ចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 02/08/2023

កម្មវិធីអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យMonash ប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិជាច្រើនកន្លែង ...

វិទ្យាស្ថានពហុបច្ចេកទេស​ខេត្តពោធិ៍សាត់ ផ្តល់ការ​សិក្សា​ជំនាញឥតគិតថ្លៃ ចំនួន៣០០កន្លែង

ព័ត៌មានអាហារូបករណ៍, ព្រឹត្តិការណ៍

• 09/09/2024

វិទ្យាស្ថាន​ពហុបច្ចេកទេស​ខេត្តពោធិ៍សាត់ ប្រកាស​ជ្រើសរើស​យុវជន យុវនារី ដែល​មក​ពី​គ្រួសារ​ក្រីក្រ និង​គ្រួសារ​ងាយរងហានិភ័យ​ឱ្យ​ចូលរៀន​ជំនាញវិជ្ជាជីវៈ និង​បច្ចេកទេស កម្រិតសញ្ញាបត្រ​បច្ចេកទេស និង​វិជ្ជាជីវៈ១ (C1) ចំនួន៣០០កន្លែង​ដោយ​ឥតគិតថ្លៃ។

ឱកាសអាហារូបករណ៍ ៥០% ពីសាកលវិទ្យាល័យ Adelaide អូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 24/11/2025

សាកលវិទ្យាល័យ Adelaide ប្រទេស​អូស្រ្តាលី បានប្រកាសបើកកម្មវិធីអាហារូបករណ៍ "Adelaide Launch Your Future: ASEAN Scholarship" សម្រាប់និស្សិតឆ្នើមមកពីប្រទេសសមាជិកអាស៊ាន រួមទាំងកម្ពុជាផងដែរ...

ឱកាសសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា ចំនួន២០នាក់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 08/01/2025

ក្រសួងអប់រំ យុវជន និងកីឡា និង អង្គការយូណេស្កូ ប្រកាសជ្រើសរើសបុគ្គលិកអប់រំ ចូលសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា នៅវិទ្យាស្ថានគរុកោសល្យរាជធានីភ្នំពេញ ក្រោមកម្មពីធីពង្រឹងការអប់រំគ្រូបង្រៀននៅកម្ពុជា...

ឱកាសសិក្សាវគ្គបំប៉នតាម Online សម្រាប់សិស្សថ្នាក់ទី១២ ដែលជាកូនវីរៈកងទ័ពជួរមុខ

ព័ត៌មានអាហារូបករណ៍, ព្រឹត្តិការណ៍

• 01/09/2025

ដើម្បីរួមចំណែកជាមួយរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងដើម្បីជួយ​សម្រាលបន្ទុកហិរញ្ញវត្ថុក្នុងគ្រួសារវីរៈកងទ័ពជួរមុខ សាលាបង្វឹកស្តាតអាប់ខមមីញ៉ូនីធី ប្រកាសផ្ដល់អាហារូបករណ៍១០០% ចំពោះកូនៗវីរៈកងទ័ពជួរមុខ សម្រាប់ការសិក្សាវគ្គបំប៉នតាម Online

អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Negeri Jakarta ប្រទេសឥណ្ឌូណេសុី

ព័ត៌មានអាហារូបករណ៍, ព្រឹត្តិការណ៍

• 24/03/2026

សាកលវិទ្យាល័យ Negeri Jakarta របស់ប្រទេសឥណ្ឌូនេស៊ី បានប្រកាស់ផ្តល់អាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៦