ភ្នំពេញ- យុវជន និងសិស្សនិស្សិតភាគច្រើន តែងជួបប្រទះបញ្ហាកង្វះអាហារូបត្ថម្ភ ព្រោះតែពួកគេគ្មានពេលវេលាគ្រប់គ្រាន់ក្នុងការចម្អិនអាហារសម្រាប់បរិភោគខ្លួនឯង ដោយសារតែភាពមរមារញឹកក្នុងការសិក្សា និងការងារ។ ស្របគ្នានេះ ដើម្បីទប់ស្កាត់កង្វះអាហារូបត្ថម្ភ និងបរិភោគអាហារមិនបានត្រឹមត្រូវ តាមបទពិសោធន៍របស់យុវជនជើងឯកអាហារូបត្ថម្ភ បង្ហាញថា យុវជន និងសិស្សនិស្សិតត្រូវផ្លាស់ប្ដូរទម្លាប់បរិភោគអាហារូបត្ថម្ភបន្តិចម្ដងៗ ដើម្បីជួយឱ្យរាងកាយមាំមួន និងសុខភាពល្អ។
យុវជន សូ លីហុង ជានិស្សិតឆ្នាំទី៤ ជំនាញកសិឧស្សាហកម្មនៃសាកលវិទ្យាល័យភូមិន្ទកសិកម្ម និងជាយុវជនជើងឯកអាហារូបត្ថម្ភ បាននិយាយថា អាហារូបត្ថម្ភ គឺចាំបាច់សម្រាប់ជីវិត និងភាវៈមានជីវិតទាំងអស់ សូម្បីតែរុក្ខជាតិ និងសត្វក៏ត្រូវការអាហារូបត្ថម្ភ។ ទន្ទឹមគ្នានេះ មនុស្សចាំបាច់ត្រូវការអាហារូបត្ថម្ភ សម្រាប់ទ្រទ្រង់រាងកាយ ។ ប្រសិនមនុស្សមិនបានទទួលទានអាហារល្អ នោះក៏មិនអាចទទួលបានអាហារូបត្ថម្ភ និងសារធាតុចិញ្ចឹមល្អដូចគ្នា។

និស្សិតឆ្នាំទី៤ រូបនេះ បន្តថា ទោះបីជាមានកិច្ចការមរមារញឹកចំពោះការសិក្សាយ៉ាងណាក្ដី ក៏រូបគេនៅតែគិតពីអាហារសុខភាព និងអនាម័យដោយឆ្លៀតពេលធ្វើម្ហូបបរិភោគដោយខ្លួនឯង ដើម្បីទទួលបានអាហាររូបត្ថម្ភគ្រប់គ្រាន់សម្រាប់រាងកាយ។ លីហុង បន្តថា យុវជនគួរចាប់ផ្ដើមផ្លាស់ប្ដូរទម្លាប់បន្តិចម្ដងៗ គឺចាំបាច់ត្រូវមានវិន័យផ្ទាល់ខ្លួន ដោយរៀបចំកាលវិភាគថា ថ្ងៃនេះចង់ញ៉ាំម្ហូបអ្វី? តើមានអាហារូបត្ថម្ភអ្វីដែលមាននៅក្នុងម្ហូបដែលយើងទទួលទាន? ដូច្នេះ យើងត្រូវចាប់ផ្ដើមផ្លាស់ប្ដូរទម្លាប់ធ្វើម្ហូប ដោយការកំណត់កាលវិភាគដោយខ្លួនឯង ដើម្បីត្រៀមខ្លួនទុកមុន ទោះមានការរវល់ក៏យើងនៅតែអាចអនុវត្តតាមកាលវិភាគដែលយើងបានកំណត់។
យុវជន សូ លីហុង
“សម្រាប់ខ្ញុំជានិស្សិតរៀនទាំងវេនព្រឹក និងវេនថ្ងៃ គឺខ្ញុំធ្វើម្ហូបយកទៅសាលាញ៉ាំជុំគ្នាជាមួយមិត្តភក្ដិ ហើយការញ៉ាំអាហារជុំគ្នាមានម្ហូបចម្រុះច្រើនមុខ អាចទទួលបានអាហារូបត្ថម្ភគ្រប់គ្រាន់តាមកាឡូរីដែលរាងកាយត្រូវការប្រចាំថ្ងៃ។ បើសិស្ស និងនិស្សិតមិនចេះធ្វើម្ហូបញ៉ាំដោយខ្លួនឯង ក៏អាចទិញម្ហូបស្រាប់ញ៉ាំ ប៉ុន្តែត្រូវគិតទៅលើអាហារដ្ឋានលក់ម្ហូបអាហារ មានអនាម័យដែរឬទេ? ការដាក់លក់យ៉ាងម៉េចដែរ? ហើយម្ហូបដែលទិញមានអាហារូបត្ថម្ភឬអត់?”
ដូចគ្នានេះដែរ យុវតី ពៅ ស្រីណង ជានិស្សិតឆ្នាំទី៤ ជំនាញកសិឧស្សាហកម្ម ផ្នែកគីមីចំណីអាហារ នៃសាកលវិទ្យាល័យភូមិន្ទកសិកម្ម បានលើកឡើងថា អាហារូបត្ថម្ភមានសារៈប្រយោជន៍យ៉ាងខ្លាំងមិនថា សម្រាប់កុមារ យុវជន ឬវ័យចាស់ គឺសុទ្ធតែត្រូវការអាហារូបត្ថម្ភ ព្រោះវាជាផ្នែកមួយជួយទ្រទ្រង់រាងកាយឱ្យមានសុខភាពល្អ គ្មានជំងឺ និងចៀសផុតពីជំងឺស្គមស្គាំង និងមានកម្លាំងគ្រប់គ្រាន់ក្នុងការបំពេញការងារ។

យុវតី ពៅ ស្រីណង បន្តថា ដើម្បីទទួលបានអាហារូបត្ថម្ភ មិនតម្រូវឱ្យចំណាយថវិកាច្រើននោះទេ ព្រោះនៅក្នុងប្រទេសកម្ពុជាសម្បូរបន្លែ និងគ្រឿងផ្សំដែលផ្ដល់នូវសារៈប្រយោជន៍ និងគុណប្រយោជន៍ជាច្រើន។ ជាក់ស្ដែង ក្នុងការចូលរួមកម្មវិធីបោះជុំរំយុវជនជើងឯកអាហារូបត្ថម្ភលើកទី៣ បានលើកយកមុខម្ហូបខ្មែរ គឺអាម៉ុក ដែលជាប្រភេទអាហារសម្បូរទៅដោយអាហារូបត្ថម្ភ ហើយគ្រឿងផ្សំសុទ្ធតែងាយរកនៅតាមតំបន់ភូមិ។
យុវតី ពៅ ស្រីណង
“ខ្ញុំចង់លើកទឹកចិត្តឱ្យយុវជនស្វែងយល់ពីអាហារូបត្ថម្ភ និងប្រភេទអាហារដែលយើងបរិភោគរៀងរាល់ថ្ងៃ ឬអាចចូលរួមកម្មវិធីបោះជុំរំយុវជនជើងឯកអាហារូបត្ថម្ភ ដើម្បីពួកគាត់អាចទទួលបានចំណេះដឹងអំពីអាហារូបត្ថម្ភ ដើម្បីចែករំលែកបទពិសោធន៍ និងចំណេះដឹងទៅដល់យុវជនជនផ្សេងទៀតដែលមិនទាន់បានយល់ដឹងពីសារៈសំខាន់នៃអាហារូបត្ថម្ភ”
លោក ហ៊ូ ក្រើន នាយកអង្គការហេឡែនខេលល័រអន្តរជាតិកម្ពុជា បានមានប្រសាសន៍ថា ដើម្បីធ្វើការបញ្រ្ជាបចំណេះដឹងអាហារូបត្ថម្ភទៅកាន់យុវជន គឺចាំបាច់ត្រូវផ្ដល់ជាសារគន្លឹះអប់រំតាមប្រព័ន្ធផ្សព្វផ្សាយ និងតាមរយៈសារព័ត៌មាន។ លើសពីនេះ ក៏ត្រូវពង្រឹងការអនុវត្តច្បាប់សុវត្ថិភាពម្ហូបអាហារដែលមានស្រាប់។ ម៉្យាងវិញទៀត គឺការផ្លាស់ប្ដូរឥរិយាបទរបស់បុគ្គល សង្គម និងសាធារណៈជន ។

លោក ហ៊ូ ក្រើន គួរ
“សារគន្លឹះសំខាន់ៗអំពីអាហារសុវត្ថិភាពអាចជួយធ្វើឱ្យប្រជាពលរដ្ឋងាយយល់ និងតាមដាន ត្រួតពិនិត្យលើការអនុវត្តប្រចាំថ្ងៃ ដើម្បីផ្លាស់ប្ដូរឥរិយាបទដែលជាទទួលខុសត្រូវរបស់ភាគីទាំងអស់ ទាំងរាជរដ្ឋាភិបាល និងអង្គការក្រៅរដ្ឋាភិបាល”
ជម្រាបជូនថា បើតាមយុទ្ធសាស្រ្តស្ដីពីសន្តិសុខស្បៀង និងអាហារូបត្ថម្ភ លើកទី២ ឆ្នាំ២០១៩-២០២៣ របបរអាហារដែលល្អសម្រាប់សុខភាព និងប្រព័ន្ធស្បៀង គឺជាកត្តាដែលជួយគាំទ្រដល់ការសម្រេចចំណុចដៅរបស់គោលដៅអភិវឌ្ឍប្រកបដោយចីរភាពកម្ពុជាពាក់ព័ន្ធនឹងសុខាភិបាល កសិកម្ម វិសមភាព ភាពក្រីក្រ អាហារូបត្ថម្ភ និងការប្រើប្រាស់ប្រកបដោយចីរភាពព្រមទាំងបញ្ហាប្រឈមក្នុងការអភិវឌ្ឍ ដូចជា ការសម្រេចបានលទ្ធផលនៃការអប់រំ ការអភិវឌ្ឍកាយសម្បទា និងផលិតភាពការងារ៕

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
ឱកាសអប់រំ បើកផ្លូវអនាគតសម្រាប់ក្មេងស្រីកម្ពុជាពីគ្រួសារខ្វះខាត ឈានទៅរកឱកាសការងារ
បទយកការណ៍, ព័ត៌មានជាតិ, ព័ត៌មានជាតិ, ព័ត៌មានជាតិ និងអន្តរជាតិ, ព័ត៌មានជាតិ និងអន្តរជាតិ, ព្រឹត្តិការណ៍
• 18/11/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន៥០០កន្លែងពីកម្មវិធីអាហារូបករណ៍ ANSO ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 07/02/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ ANSO ចំនួន៥០០កន្លែងសិក្សានៅសាកលវិទ្យាល្បីៗក្នុងប្រទេសចិនឆ្នាំសិក្សា២០២៤។...

ឱកាសសម្រាប់យុវជននៅខេត្តស្ទឹងត្រែង រៀនជំនាញចំនួន ៩ ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 23/07/2026
សម្រាប់យុវជន ក៏ដូចជាសាធារណជនទូទៅរស់នៅក្នុងខេត្តស្ទឹងត្រែង ដែលចង់ទទួលបានជំនាញប្រចាំជីវិត ពេលនេះ មជ្ឈមណ្ឌលបណ្តុះបណ្តាលវិជ្ជាជីវៈខេត្តស្ទឹងត្រែង

អាហារូបករណ៍ថ្នាក់បណ្ឌិតពីក្រុមហ៊ុន Meta ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 27/01/2026
ឱកាសសិក្សាអាហារូបករណ៍រយៈពេល២ឆ្នាំសម្រាប់ថ្នាក់បណ្ឌិតពីក្រុមហ៊ុន Meta ឆ្នាំ២០២៦ នៅសហរដ្ឋអាមេរិក។ អាហារូបករណ៍ផ្ដល់ឱ្យបេក្ខភាពបន្តការសិក្សា និងស្រាវជ្រាវក្នុងវិស័យស្នូលរបស់ Meta ដូចជា ឯកជនភាព...

អាហារូបករណ៍ ថ្នាក់វេជ្ជបណ្ឌិតវេជ្ជសាស្រ្ត សម្រាប់ឆ្នាំសិក្សា២០២៦-២០២៧ ទៅសិក្សានៅសាធារណរដ្ឋគុយបា
ព័ត៌មានអាហារូបករណ៍, ព្រឹត្តិការណ៍
• 26/12/2025
ក្នុងឆ្នាំ២០២៦ខាងមុខនេះ រដ្ឋាភិបាលនៃសាធារណរដ្ឋគុយបា បានផ្តល់អាហារូបករណ៍ចំនួន ១កន្លែង ដល់និស្សិតកម្ពុជា ដើម្បីទៅបន្តការសិក្សាថ្នាក់វេជ្ជបណ្ឌិតវេជ្ជសាស្រ្ត (Doctor of Medicine) នៅសាធារណរដ្ឋគុយបា សម្រាប់ឆ្នាំសិក្សា២០២៦-២០២៧។

អាហារូបករណ៍ ៧០% សិក្សាវគ្គខ្លីនៅ ADITI Academy
ព័ត៌មានអាហារូបករណ៍, ព្រឹត្តិការណ៍
• 21/08/2025
ឱកាសសិក្សាវគ្គខ្លីផ្នែកព័ត៌មានវិទ្យានៅ ADITI Academy សម្រាប់សិស្សានុសិស្សចូលសិក្សារយៈពេល៣ខែ ដោយភ្ជាប់ការសិក្សាទ្រឹស្ដី និងការអនុវត្តជាក់ស្ដែង។

វិទ្យាស្ថានបច្ចេកវិទ្យាកម្ពុជា (ITC) មណ្ឌលវិមានឈ្នះ-ឈ្នះ ផ្តល់អាហារូបករណ៍ ១០០% ចំនួន ៤០កន្លែង
ព័ត៌មានអាហារូបករណ៍, ព្រឹត្តិការណ៍
• 11/09/2026
វិទ្យាស្ថានបច្ចេកវិទ្យាកម្ពុជា (សាលាតិចណូ - ITC) នឹងប្រឡងជ្រើសរើសនិស្សិតកម្រិតវិស្វករ នៅ មណ្ឌលវិមានឈ្នះ-ឈ្នះ ដោយផ្តល់ជូននូវអាហារូបករណ៍ពេញ ១០០% ចំនួន ៤០កន្លែង។

អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 12/03/2025
សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។

ក្រសួងអប់រំប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា ទៅសិក្សានៅសាធារណរដ្ឋប្រជាមានិតចិន ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 05/03/2025
តាមរយៈក្រសួងអប់រំ យុវជន និងកីឡា និងក្រសួងការបរទេស និងសហប្រតិបត្តិការអន្តរជាតិ សហការជាមួយមន្ទីរអប់រំ នៃតំបន់ស្វយ័តជនជាតិជាំងក្វាងស៊ី នៃសាធារណរដ្ឋប្រជាមានិតចិន បានផ្ដល់អាហារូបករណ៍ចំនួន៨កន្លែង ដល់សិស្ស និស្សិត...

ក្រសួងអប់រំ ផ្តល់កន្លែងស្នាក់នៅដល់និស្សិតនារីក្រីក្រ ឆ្នាំទី១ ចំនួន៩០នាក់
ព័ត៌មានអាហារូបករណ៍, ព្រឹត្តិការណ៍
• 19/08/2026
ក្រសួងអប់រំ យុវជន និងកីឡា នឹងផ្តល់កន្លែងស្នាក់នៅបណ្តោះអាសន្នទៅដល់និស្សិតនារីក្រីក្រ ឆ្នាំទី១ ចំនួន ៩០ នាក់ ឱ្យស្នាក់នៅមជ្ឈមណ្ឌលអន្តេវាសិកនិស្សិតនារីរបស់ក្រសួង ដែលមានទីតាំង
កម្មវិធីពិសេសរបស់ AMS EDUCATION
ព័ត៌មានសង្ខេប































































