ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°ភ្នំពេញ – យ៉ាងយូរបំផុតនៅដំណាច់ឆ្នាំ២០២២ នេះ កម្ពុជានឹងដាក់ឱ្យអនុវត្តការបណ្តុះបណ្តាលជំនាញវិជ្ជាជីវៈបៃតង (TVET បៃតង) នៅក្នុងខេត្តចំនួន៥ រួមមានខេត្តក្រចេះ ស្ទឹងត្រែង ព្រះវិហារ រតនគិរី និងមណ្ឌលគិរី ។ នេះបើតាមការបញ្ជាក់របស់ឯកឧត្តម ទាង សាក់ ប្រធាននាយកដ្ឋានស្ដង់ដារ និងកម្មវិធីសិក្សានៃក្រសួងការងារ និងបណ្ដុះបណ្ដាលវិជ្ជាជីវៈ។
ឯកឧត្តម ទាង សាក់ បញ្ជាក់ថា បច្ចុប្បន្ននេះ ក្រសួងការងារ និងបណ្តុះបណ្តាលវិជ្ជាជីវៈ ដោយមានការគាំទ្រ និងកិច្ចសហការពីអង្គការស្វីសខន់ថាក់ និងអង្គការ ILO កំពុងតែរៀបចំកម្មវិធីសិក្សាបៃតង ទៅលើមុខរបរពាក់ព័ន្ធ។
បើតាមឯកឧត្តមប្រធាននាយកដ្ឋានស្ដង់ដារ និងកម្មវិធីសិក្សានៃក្រសួងការងារ និងបណ្ដុះបណ្ដាលវិជ្ជាជីវៈ ថា ជាគោលដៅ កម្ពុជាគ្រោងនឹងរៀបចំពង្រីក TVET បៃតង ឱ្យបានគ្រប់ខេត្តគោលដៅទាំងអស់ ក្រោយពីរៀបចំគោលការណ៍ណែនាំរួចរាល់។
– ឯកឧត្តម ទាង សាក់
“នៅពេលដែលយើងរៀបចំគោលការណ៍ណែនាំហើយ ហើយប្រសិនបើគោលការណ៍ណែនាំដែលយើងអនុវត្តនឹងវាបានជោគជ័យនៅក្នុងកម្រិតណាមួយដែលយើងគិតថា វាជាលទ្ធផលខ្ពស់ គឺយើងនឹងបន្តដាក់ឱ្យអនុវត្តតែម្តង។ មុនដំបូងយើងបង្រៀន បន្ទាប់មកទៀតយើងនឹងដាក់ឱ្យអនុវត្តជាផ្លូវការ អានេះជាគោលដៅរបស់អគ្គនាយកដ្ឋានរបស់យើង”
តើអ្វីទៅជា TVET បៃតង?
យោងតាមឯកសារ របស់អង្គការ ILO បានឱ្យដឹងថា ដោយសារគំនិតសេដ្ឋកិច្ចសង្គមថ្មី និងការអនុវត្តយុទ្ធសាស្ត្រអភិវឌ្ឍន៍សេដ្ឋកិច្ច ស្របជាមួយនឹងការការពារបរិស្ថាន វាបានផ្លាស់ប្តូរទៅរកការងារបៃតង និងជំនាញបៃតង។ ការងារបៃតងនេះ គឺពាក់ព័ន្ធទៅនឹងវិស័យសំខាន់ៗដូចជា កសិកម្ម ផលិតកម្ម សំណង់ ការដឹកជញ្ជូន ទេសចរណ៍ និងថាមពលកកើតឡើងវិញ។
សម្រាប់ ឯកឧត្តម ទាង សាក់ កាលណាបើនិយាយអំពី TVET បៃតង នៅក្នុងការបណ្តុះបណ្តាលជំនាញវិជ្ជាជីវៈវិញ គឺមានផ្នែកពាក់ព័ន្ធសំខាន់ចំនួន៥ រួមមាន ទី១ Green Campus (គោលនយោបាយ និងការគ្រប់គ្រង) , ទី២ Green Curriculum (ការអនុវត្តពណ៌បៃតងនៅក្នុងថ្នាក់រៀន និងមន្ទីរពិសោធន៍) , ទី៣ Green Community (កម្មវិធី និងគម្រោងច្នៃប្រឌិត) , ទី៤ Green Research (កម្មវិធីស្រាវជ្រាវ) និងទី៥ Green Culture (ការចូលរួម និងភាពច្នៃប្រឌិត)។
យ៉ាងណាក៏ដោយបច្ចុប្បន្ននេះ ក្រសួងការងារកំពុងតែធ្វើការផ្សព្វផ្សាយទៅដល់ភាគីពាក់ព័ន្ធ ក៏ដូចជាគ្រឹះស្ថានបណ្តុះបណ្តាលនានាឱ្យបានយល់ថា តើអ្វីទៅជាគោលបំណង Green Campus ?
– ឯកឧត្តម ទាង សាក់
“Green Campus ដែលយើងចង់និយាយហ្នឹង គឺពាក់ព័ន្ធទៅនឹងការសន្សំសំចៃថាមពលនៅក្នុងកន្លែងការងារ ពាក់ព័ន្ធទៅនឹងការគ្រប់គ្រងបែងចែក ដូចជាទឹកនៅក្នុងបន្ទប់កុំឱ្យខ្ជះខ្ជាយ, ការបែងចែកសំរាម ឧទាហរណ៍ថា សំរាមណាជាកាកសំណល់រឹង កាកសំណល់រាវ ហើយកាកសំណល់មួយហ្នឹងអាចយកទៅធ្វើអ្វីបាន”
សូមជម្រាបថា TVET បៃតង បានរៀបចំយុទ្ធនាការនៅខេត្តស្ទឹងត្រែងកាលពីពេលថ្មីៗ ក្រោមប្រធានបទ «ការអប់រំបណ្តុះបណ្តាលបច្ចេកទេស និងវិជ្ជាជីវៈ បៃតង ដើម្បីអនាគតប្រកបដោយនិរន្តរភាព» ។ ការអនុវត្តយុទ្ធនាការនេះ ស្របពេលដែលពិភពលោកកំពុងប្រឈមមុខនឹងបញ្ហាបរិស្ថានជាច្រើន ដូចជាការឡើងកំដៅផែនដី ការប្រែប្រួលអាកាសធាតុ ការបំពុល កាកសំណល់ ការប្រើប្រាស់ថាមពល និងអ្វីៗជាច្រើនទៀត។ ការបណ្តុះបណ្តាលវិជ្ជាជីវៈបៃតងបានផ្តល់ឱ្យយុវជន និងមនុស្សពេញវ័យនូវចំណេះដឹង និងជំនាញដែលត្រូវការនៅក្នុងពិភពលោកដែលមានការផ្លាស់ប្តូរយ៉ាងឆាប់រហ័ស និងតម្រូវការសម្រាប់សង្គមបៃតង៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ស.ស.យ.ក រាជធានីភ្នំពេញផ្ដល់អាហារូបករណ៍ ១០០% ចំនួន៥៩កន្លែង នៅសាកលវិទ្យាល័យចំនួនប្រាំ
ព័ត៌មានអាហារូបករណ៍, ព្រឹត្តិការណ៍
• 26/08/2025
ដើម្បីចូលរួមចំណែកលើកកម្ពស់វិស័យអប់រំ និងបណ្ដុះបណ្ដាលធនធានមនុស្ស ឆ្នាំសិក្សា២០២៥-២០២៦ សហភាពសហព័ន្ធយុវជនកម្ពុជារាជធានីភ្នំពេញ បានប្រកាសផ្ដល់អាហារូបករណ៍១០០%ចំនួន៥៩កន្លែង និងអាហារូបករណ៍៥០% មិនកំណត់ចំនួន...
អាហារូបករណ៍ថ្នាក់បរិញ្ញាបត្រ ផ្នែកវិស័យអាកាសចរណ៍ នៅសាកលវិទ្យាល័យ Qatar Airway 2025
ព័ត៌មានអាហារូបករណ៍, ព្រឹត្តិការណ៍
• 10/04/2025
កម្មវិធីអាហារូបករណ៍ Qatar Airway University Undergraduate Scholarship 2025 ប្រកាសផ្ដល់អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Qatar Airway សម្រាប់ឆ្នាំសិក្សា២០២៥។
សាកលវិទ្យាល័យអន្តរជាតិ ផារ៉ាហ្គន ផ្តល់អាហារូបករណ៍សាកលវិទ្យាធិការដល់សិស្សឆ្នើម និងមានស្នាដៃក្នុងសង្គម
ព័ត៌មានអាហារូបករណ៍, ព្រឹត្តិការណ៍
• 16/10/2025
នៅឆ្នាំ២០២៥នេះ សាកលវិទ្យាល័យអន្តរជាតិ ផារ៉ាហ្គន បន្តផ្តល់អាហារួបករណ៍សាកលវិទ្យាធិកា ជាចំណែកផ្តល់ឱកាសដល់សិស្សានុសិស្សដែលមានទេពកោស្យខ្ពស់ មានស្នាដៃឆ្នើម តាមរយៈការងារសង្គម និងការប្រកួតប្រជែងនានា ទទួលបានអាហារូបករណ៍...
ឱកាសសិក្សាថ្នាក់បរិញ្ញាបត្រជាន់ខ្ពស់នៅចក្រភពអង់គ្លេសពីកម្មវិធីអាហារូបករណ៍ Chevening ២០២៤
ព័ត៌មានអាហារូបករណ៍, ព្រឹត្តិការណ៍
• 05/09/2023
ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍Chevening នៅចក្រភពអង់គ្លេសដល់សិស្សនិស្សិតអន្តរជាតិជាច្រើនរូបរួមទាំងនិស្សិតកម្ពុជា ។ អាហារូបករណ៍នឹងចាប់...
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែក STEM នៅសាកលវិទ្យាល័យ Manchester ប្រទេសអង់គ្លេស ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 27/03/2025
ឱកាសសិក្សាអាហារូបករណ៍ថ្នាក់បរិញ្ញាបត្រ នៅសាកលវិទ្យាល័យ Menchester ពីកម្មវិធី ASEAN-UK SAGE ដែលផ្ដល់ឱ្យការសិក្សានៅក្នុងវិស័យ STEM។ អាហារូបករណ៍ផ្តល់មូលនិធិសម្រាប់ស្ត្រីដើម្បីសិក្សាថ្នាក់អនុបណ្ឌិតរយៈពេលមួយឆ្នាំនៅចក្រភពអង់គ្លេស។
អាហារូបករណ៍តាមនិទ្ទេសនៅសាកលវិទ្យាល័យអន្តរជាតិ ផារ៉ាហ្គន សម្រាប់សិស្សទើបប្រឡងបាក់ឌុបរួច
ព័ត៌មានអាហារូបករណ៍, ព្រឹត្តិការណ៍
• 25/09/2025
សាកលវិទ្យាវិទ្យាល័យ ផារ៉ាហ្គន ប្រកាសផ្ដល់អាហារូបករណ៍ផ្អែកលើនិទ្ទេស សម្រាប់សិស្សានុសិស្សទាំងអស់ដែលបានប្រឡងជាប់សញ្ញាបត្រមធ្យមសិក្សាទុតិយភូមិឆ្នាំ២០២៥
អាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ជំនាញវេជ្ជសាស្ត្រ
ព័ត៌មានអាហារូបករណ៍, ព្រឹត្តិការណ៍
• 02/04/2026
ឱកាសទទួលបានអាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ប្រភេទ CSC Type B ទៅសិក្សាជំនាញវេជ្ជសាស្ត្រ ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា ២០២៦-២០២៧ នៅប្រទេសចិន
ជ្រើសរើសនិស្សិតសម្រាប់ស្នាក់នៅក្នុងអន្តេវាសិកដ្ឋានពីសហគមន៍សេចក្ដីអំណរអន្តរជាតិ
ព័ត៌មានអាហារូបករណ៍, ព្រឹត្តិការណ៍
• 02/11/2023
សហគមន៍សេចក្ដីអំណរអន្តរជាតិ ឬហៅកាត់ JIFA ប្រកាសជ្រើសរើសនិស្សិតសម្រាប់ស្នាក់នៅអន្តេវាសិកដ្ឋានជាច្រើនរូប។ ការជ្រើសរើសនិស្សិតស្នាក់នៅ...
អាហារូបករណ៍ថ្នាក់បរិញ្ញាបត្រពីកម្មវិធី អាហារូបករណ៍ស្ថាបនា ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 10/10/2025
ឱកាសទទួលបានអាហារូបករណ៍១០០% សិក្សាថ្នាក់បរិញ្ញាបត្ររយៈពេល៤ឆ្នាំពីកម្មវិធីអាហារូបករណ៍ស្ថាបនា ឆ្នាំសិក្សា២០២៦។ អាហារូបករណ៍ផ្ដល់ជូនសម្រាប់សិស្សានុសិស្សដែលទើបបញ្ចប់ថ្នាក់មធ្យមសិក្សាទុតិយភូមិឆ្នាំ២០២៥។
កម្មវិធីពិសេសរបស់ AMS EDUCATION
ព័ត៌មានសង្ខេប
