ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – អង្គការរូមធូរីដកម្ពុជាគ្រោងពង្រីកកម្មវិធីអំណានដល់សាលាបឋមសិក្សាថ្មីចំនួន ៧៥បន្ថែមទៅលើសាលាគោលដៅបច្ចុប្បន្នចំនួន២៤៤ សាលាទៀត រួមទាំងបង្កើតបណ្ណាល័យថ្មីៗផងដែរ ។ នេះបើតាមការលើកឡើងរបស់ លោក ជា វ៉ាន់ថា នាយកប្រចាំប្រទេសនៃអង្គការរូមធូរីដកម្ពុជា ក្នុងពីធីប្រគល់សៀវភៅអំណានសម្រាប់កុមាររៀនអាននៅផ្ទះ នាព្រឹកថ្ងៃ២២ ខែកញ្ញា ឆ្នាំ២០២១ តាមប្រព័ន្ធអានឡាញ Zoom ។
លោក ជា វ៉ាន់ថា នាយកប្រចាំប្រទេសនៃអង្គការរូមធូរីដកម្ពុជា មានប្រសាសន៍ថា នៅឆ្នាំ២០២១-២០២២ ខាងមុខនេះ អង្គការរូមធូរីដនឹងពង្រីកកម្មវិធីអំណានដល់សាលាបឋមសិក្សាថ្មីចំនួន ៧៥បន្ថែមទៅលើសាលាគោលដៅបច្ចុប្បន្នចំនួន២៤៤ សាលាទៀត រួមទាំងការបង្កើតបណ្ណាល័យថ្មីៗនៅក្នុងសាលាថ្មីទាំង ៧៥ផងដែរ ។
នាយកប្រចាំប្រទេសនៃអង្គការរូមធូរីដកម្ពុជា បន្ថែមថា គម្រោងនេះជាការរួមចំណែកអនុវត្តកម្មវិធីកុមាររៀនកុមារចេះរបស់ក្រសួងអប់រំ និងកម្មវិធីពង្រីកបណ្ណាល័យបឋមសិក្សានៅក្នុងខេត្តបច្ចុប្បន្នទាំង៤ រួមមាន ត្បូងឃ្មុំ ព្រៃវែង ឧត្តរមានជ័យ និងកំពង់ស្ពឺ និងឈានទៅពង្រីកខេត្តថ្មីមួយទៀត គឺខេត្តបាត់ដំបង ។
“បច្ចុប្បន្ននេះ កំពុងពិភាក្សាគ្នាជាមួយនាយកដ្ឋានបឋមសិក្សាទាក់ទងនឹងការកំណត់យកខេត្តបាត់ដំបងជាខេត្តគោលដៅថ្មីរបស់អង្គការរូមធូរីដផងដែរ”
លោក ជា វ៉ាន់ថា នាយកប្រចាំប្រទេសនៃអង្គការរូមធូរីដកម្ពុជា ។
លោក ជា វ៉ាន់ថា បន្តថា អង្គការរូមធូរីដនឹងសហការជាមួយក្រសួងអប់រំដើម្បីបង្កើតសៀវភៅមានចំណងជើងថ្មីៗបន្ថែមទៀត និងបន្តបោះពុម្ភសៀវភៅអំណានកម្រិតបឋមសិក្សានៅក្នុងបណ្ណាល័យសម្រាប់សិស្សអានឱ្យបានច្រើន។ ចំណែកកម្មវិធីអប់រំកុមារី និងសមភាពយេនឌ័រ មានអនុកម្មវិធីបំណិនជីវិត និងអាហារូបករណ៍ ។ ទន្ទឹមនឹងនេះ អង្គការរូមធូរីដនឹងបន្តជួយដល់កុមារគោលដៅនៅអនុវិទ្យាល័យ និងវិទ្យាល័យចំនួនប្រហែល ៧ពាន់នាក់ និងឈានទៅដល់ពង្រីកកម្មវិធីអំណាននៅខេត្តកំពុងស្ពឺ ដែលជាខេត្តគោលដៅថ្មីនៅក្នុងឆ្នាំសិក្សា២០២២-២០២៣ខាងមុខនេះផងដែរ ។
លោក ជា វ៉ាន់ថា បញ្ចាក់បន្តថា សមិទ្ធិផលទាំងនេះកើតបានដោយសារការសហការ និងការជួយគាំទ្រយ៉ាងពេញទំហឹងពីការិយាល័យបឋមសិក្សា ក្រុមការងារបច្ចេកទេសរបស់ក្រសួងអប់រំ អង្គការរូមធូរីដកម្ពុជានិងសកល មន្ទីរអប់រំ ការរិយាល័យអប់រំស្រុក និងសាលាគោលដៅ លោកគ្រូ អ្នកគ្រូ និងបុគ្គលិកទាំងអស់របស់អង្គការផងដែរ ។ លោកបន្តថា បើគ្មានការចូលរួមពីភាគីទាំងអស់ក្នុងគ្រាដ៏លំបាកនេះ កុមារក៏មិនអាចមានសៀវភៅអានខាងក្រៅសាលារៀនបានដែរ ។ គួរបញ្ជាក់ថា ពិធីប្រគល់សៀវភៅអំណានបន្ថែមសម្រាប់កុមាររៀនអាននៅផ្ទះ រៀបចំឡើងដោយអង្គការរូមធូរីដ បំណងផ្តល់សៀវភៅអានឱ្យដល់ដៃសិស្ស ដើម្បីឱ្យពួកគេអាចបង្កើតកូនបណ្ណាល័យតូចមួយនៅផ្ទះតាមរយៈ គម្រោងផ្តល់សៀវភៅអំណានបន្ថែមដល់កុមាររៀនតាមផ្ទះ ។ ទន្ទឹមនឹងនេះ សាលារៀនចំនួន ២៦៣ ស្ថិតក្នុងខេត្តចំនួន៤ រួមមាន ព្រៃវែង ខេត្តត្បូងឃ្មុំ បន្ទាយមានជ័យ និងខេត្តកំពង់ស្ពឺ កុមារកម្ពុជាជាង ៩ម៉ឺននាក់ បានទទួលសៀវភៅអំណានសម្រាប់កុមារសរុបជាង ១លាន៤សែនក្បាល ពីអង្គការរូមធូរីដ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ក្រសួងអប់រំជ្រើសរើសកុមារីចូលរួមប្រកួតកម្មវិធីតិចណូវេសិនកម្ពុជា ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 09/01/2025
ក្រសួងអប់រំ យុវជន និងកីឡា ប្រកាសជ្រើសរើសសិស្សនារីអាយុពី៨ ដល់១៨ឆ្នាំ ចូលរួមប្រកួតកម្មវិធីតិចណូវេសិន កម្ពុជា ឆ្នាំ២០២៥ ដើម្បីបង្កើនបរិមាណក្មេងស្រីបញ្ចប់ការសិក្សាលើជំនាញកុំព្យូទ័រ ។ កម្មវិធីនេះ ជំរុញលើកទឹកចិត្តកុមារីឱ្យក្លាយជាអ្នកអភិវឌ្ឍកម្មវិធី...
អាហារូបករណ៍ថ្នាក់ក្រោយឧត្ដមសិក្សាពីកម្មវិធីអាហារូបករណ៍ GIST ប្រទេសកូរ៉េខាងត្បូងឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 21/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងកម្មវិធី MS&PhDរួមបញ្ចូលគ្នា នៅវិទ្យាស្ថានវិទ្យាសាស្ត្រ និបច្ចេកវិទ្យាGwangju (GIST)សាធារណកូរ៉េពីកម្មវិធីអាហា.....
អាហារូបករណ៍ថ្នាក់បរិញ្ញាបត្រចក្ខុគិលានុបដ្ឋាក នៅសាកលវិទ្យាល័យវិទ្យាសាស្ត្រសុខាភិបាល ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 19/02/2025
សាកលលវិទ្យាល័យវិទ្យាសាស្ត្រសុខាភិបាល នឹងធ្វើការជ្រើសរើសនិស្សិតចូលសិក្សាថ្នាក់បរិញ្ញាបត្រចក្ខុគិលានុបដ្ឋាក ជំនាន់ទី៩ ចំនួន៥០នាក់ ដោយក្នុងនោះនឹងផ្ដល់អាហារូបករណ៍ចំនួន៥កន្លែងពីកម្មវិធីអាហារូបករណ៍ The Fred Hollows Foundation...
ឱកាសសិក្សាអាហារូបករណ៍ថ្នាក់វេជ្ជបណ្ឌិតវេជ្ជសាស្ត្រនៅសាធារណរដ្ឋគុយបាឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 16/05/2024
ក្រសួងអប់រំ យុវជន និងកីឡាប្រកាសប្រឡងជ្រើសរើសនិស្សិតចំនួន១នាក់ទៅសិក្សាអាហារូបករណ៍ថ្នាក់វេជ្ជបណ្ឌិតវេជ្ជសាស្ត្រ(Doctor of Medicine) នៅ...
ឱកាសសិក្សាជំនាញវិជ្ជាជីវៈឥតគិតថ្លៃនៅវិទ្យាស្ថានជាតិសហគ្រិន និងនវានុវត្តន៍
ព័ត៌មានអាហារូបករណ៍, ព្រឹត្តិការណ៍
• 22/06/2023
វិទ្យាស្ថានជាតិសហគ្រិន និងនវានុវត្តន៍ប្រកាសជ្រើសរើសបេក្ខជនសិក្សាជំនាញបច្ចេកទេស និងវិជ្ជាជីវៈរយៈពេលខ្លីសម្រាប់ឆ្នាំសិក្សា២០២៣។...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Chulalongkorn
ព័ត៌មានអាហារូបករណ៍, ព្រឹត្តិការណ៍
• 23/04/2025
កម្មវិធីអាហារូបករណ៍ Chulalongkorn University’s Graduate Scholarship Program ប្រកាសជ្រើសរើស និស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ អាហារូបករណ៍ផ្ដល់ជូនសម្រាប់បេក្ខជនដែលជាពលរដ្ឋមកពីប្រទេស....
ឱកាសអាហារូបករណ៍ទៅសិក្សានៅប្រទេសចិន តាមរយៈអាហារូបករណ៍រដ្ឋាភិបាលចិនឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 17/12/2024
តាមរយៈស្ថានទូតចិនប្រចាំព្រះរាជាណាចក្រកម្ពុជា សហការជាមួយសហភាពសហព័ន្ធយុវជនកម្ពុជា នឹងផ្តល់អាហារូបករណ៍ដល់យុវជនកម្ពុជាដើម្បីបន្តការសិក្សាថ្នាក់ឧត្តមសិក្សានៅប្រទេសចិនសម្រាប់ឆ្នាំសិក្សា២០២៥។
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Debrecen ប្រទេសហុងគ្រី ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 02/05/2025
កម្មវិធីអាហារូបករណ៍ University of Debrecen Scholarship ប្រកាសផ្ដល់អាហារូបករណ៍ដល់និស្សិតអន្តរជាតិ ស្នើពាក្យដើម្បីសិក្សាថ្នាក់ឧត្ដមសិក្សា នៅសាកលវិទ្យាល័យ Debrecen នៃទីក្រុង Debrecen ប្រទេសហុងគ្រី...
កម្មវិធីពិសេសរបស់ AMS EDUCATION
ព័ត៌មានសង្ខេប
ព័ត៌មានផ្សេងៗទៀត
បណ្ណាល័យប៉ាម៉ានី ផ្ដល់ពន្លឺអប់រំ និងក្ដីសង្ឃឹមថ្មីដល់កុមារនៅជំរំជនភៀសសឹក
រដ្ឋមន្រ្តីអប់រំ ៖ បណ្ណាល័យសម្តេចព្រះសង្ឃរាជ ជួន ណាត នឹងក្លាយទៅជាបណ្ណាល័យឯកទេសអប់រំសតវត្សទី២១ ដំបូងគេនៅកម្ពុជា
