ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សិរីបីប្រការរបស់មនុស្សមាននៅនឹងមុខ នៅនឹងទ្រូង និងនៅនឹងចុងជើង ជាបញ្ញត្តិអប់រំឥរិយាបថវិជ្ជមានផ្ទាល់ខ្លួនក្នុងដំណើរជីវិតប្រចាំថ្ងៃសម្រាប់ពុទ្ធសាសនិកគ្រប់រូប។ អត្ថន័យពិតនៃសិរីទាំងបីប្រការនេះ អាចញ៉ាំងឱ្យមនុស្សប្រព្រឹត្តិអំពើល្អ លើកតម្លៃខ្លួនឯង និងរស់នៅផ្តល់តម្លៃដល់មនុស្សនៅជុំវិញខ្លួន។ សិរីមានន័យថា សេចក្តីល្អគួរឱ្យស្រឡាញ់ សេចក្ដីចម្រើន និងសេចក្ដីសុខ។
អត្ថន័យសិរីនៅនឹងមុខមានន័យថា ពេលព្រឹកមនុស្សត្រូវលុបលាងឱ្យបានស្អាតល្អ។ ការលាងសម្អាតមុខនេះ បានដល់វចីសុចរិតបួនយ៉ាង មិននិយាយកុហក មិននិយាយញុះញង់ចាក់ដោត មិននិយាយទ្រគោះបោះបោក និងមិននិយាយរោយរាយឥតប្រយោជន៍។ កាលបើបុគ្គលប្រកាន់ឥរិយាបថខាងលើបានល្អ នោះនឹងសាងសុភមង្គលរហូតពេញមួយថ្ងៃ។ ស្របគ្នានេះក៏អាចនិយាយបានថា ពេលព្រឹកយកទឹកមកលុបមុខឱ្យស្អាតសំដៅដល់បឋមវ័យមនុស្សដែលត្រូវខិតខំរៀនសូត្រឱ្យអស់អវិជ្ជាទើបមានសិរីប្រាកដសម្រាប់ជីវិត។
ចំណែកអត្ថន័យសិរីនៅនឹងទ្រូង ប្រការសំដៅពេលវេលាថ្ងៃត្រង់ មនុស្សសិរីមាននៅដើមទ្រូងបានដល់មនោសុចរិតទាំងបីយ៉ាង រួមមាន ការមិនសម្លឹងរំពៃទ្រព្យអ្នកដទៃ មិនព្យាបាទអ្នកដទៃ និងប្រកាន់ខ្លួនធ្វើអំពើល្អជានិច្ច។ ពេលថ្ងៃត្រង់មនុស្សយកទឹកមកលាបទ្រូងឱ្យត្រជាក់ បានដល់បុគ្គលស្ថិតក្នុងមជ្ឈិមវ័យត្រូវមានចំណេះវិជ្ជាច្រើនលើសពីបឋមវ័យ ចេះគិតពិចារណា យកចំណេះទៅប្រកបរកស៊ីដោយសុចរិត នោះនឹងមានសិរីសួស្តីនៅក្នុងគ្រួសារ។
ដោយឡែកអត្ថន័យសិរីនៅចុងជើង សំដៅការប្រព្រឹត្តត្រឹមត្រូវដោយកាយសុចរិត មិនសម្លាប់សត្វ មិនលួចទ្រព្យគេ និងមិនប្រព្រឹត្តខុសក្នុងកាម។ ពេលល្ងាចមនុស្សយកទឹកមកលាងជើងមុនចូលដេក។ សិរីពេលនេះអាចសំដៅដល់មនុស្សស្ថិតក្នុងបច្ឆិមវ័យ ដែលពីដើមមកបានដើរជាន់លាមក ឬវត្ថុសៅហ្មងផ្សេងៗតំណាងឱ្យអំពើបាប ប៉ុន្តែត្រូវតែលាងជម្រះឱ្យស្អាតជាមុនសិនទើបចូលដេក បានន័យថា អំពើបាបកម្មកន្លងមកត្រូវតែលាងជម្រះឱ្យបានស្អាតដោយអំពើល្អ ដោយការដាក់ទាន ការរក្សាសីល និងការចម្រើនភាវនាទើបមានសិរីសួស្តីក្នុងជីវិត។ គួរបញ្ជាក់ផងថា ការរក្សាបាននូវវចីសុចរិត មនោសុចរិត និងកាយសុចរិតទាំងបីយ៉ាងខាងលើនេះ បុគ្គលមានឈ្មោះថា អ្នករក្សាសិរីបីប្រការ ឬទទួលបានសិរីសួស្តីបីប្រការ។ សិរីបីប្រការជាគ្រឿងលម្អជីវិតចាំបាច់សម្រាប់មនុស្សគ្រប់រូបគួរយល់ដឹង និងអនុត្តន៍ប្រចាំថ្ងៃដើម្បីទទួលបានសិរីមង្គលពិតប្រាកដក្នុងដំណើរជីវិត៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសទទួលបានការឧបត្ថម្ភថ្លៃសិក្សាចំនួន២០កន្លែងនៅវិទ្យាស្ថានបច្ចេកវិទ្យាគិរីរម្យ ឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 01/06/2023
វិទ្យាស្ថានបច្ចេកវិទ្យាគិរីរម្យ បានប្រកាសពីការផ្ដល់ការឧបត្ថម្ភថ្លៃសិក្សាថ្នាក់បរិញ្ញាបត្រដល់សិស្សានុសិស្សដែលកំពុងសិក្សានៅថ្នាក់វិទ្យាល័យ...
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Deakin ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 05/07/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យDeakin នៃប្រទេសអូស្ត្រាលី។ អាហារូបរកណ៍...
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីរដ្ឋាភិបាលសាធារណៈរដ្ឋឆែក
ព័ត៌មានអាហារូបករណ៍, ព្រឹត្តិការណ៍
• 23/07/2024
ឱកាសសិក្សាថ្នាក់បរិញ្ញាបត្រជាន់ខ្ពស់ និងបណ្ឌិតនៅសាធារណៈឆែកពីកម្មវិធីអាហារូបករណ៍រដ្ឋាភិបាលសាធារណរដ្ឋឆែកសម្រាប់ឆ្នាំសិក្សា២០២៥-២០២៦។ ...
វិទ្យាស្ថានបច្ចេកទេស ហ្ស៊ឺ វ៉េ សេ ជ្រើសរើសសិស្សចូលរៀនជំនាញបច្ចេកទេសរថយន្តឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 13/02/2025
ឱកាសសិក្សាជំនាញបច្ចេកទេស នៅវិទ្យាស្ថានបច្ចេកទេស ហ្ស៊ឺ វ៉េ សេ ជាច្រើនកន្លែងសម្រាប់ឆ្នាំសិក្សាថ្មី ដល់សិស្សានុសិស្ស ក្នុងការបណ្ដុះបណ្ដាលជំនាញបច្ចេកទេសរថយន្ត។ ការសិក្សាផ្ដល់ជូនក្រោមកម្មវិធី ១លាន៥សែននាក់ សម្រាប់សាធារណជន...
អាហារូបករណ៍ទេពកោសល្យឌីជីថលតេជោ ប្រកាសផ្តល់អាហារូបករណ៍ថ្នាក់បរិញ្ញាបត្រ ចំនួន៥០០កន្លែង សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 11/08/2025
ក្នុងឆ្នាំសិក្សា២០២៥-២០២៦ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួងប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្តល់អាហារូបករណ៍ចំនួន ៥០០ កន្លែង សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល...
មូលនិធិអាហារូបករណ៍ Mabuchi International ផ្តល់អាហារូបករណ៍សម្រាប់និស្សិតកម្ពុជាចេះភាសាជប៉ុន ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 17/11/2025
មូលនិធិអាហារូបករណ៍អន្តរជាតិម៉ាប៊ូឈិ (Mabuchi International Scholarship Foundation) ប្រកាសផ្តល់អាហារូបករណ៍សម្រាប់និស្សិតកម្ពុជាដែលចេះភាសាជប៉ុន សម្រាប់ឆ្នាំសិក្សា២០២៦។
ឆ្នាំសិក្សា២០២៥-២០២៦ វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍១០០% ថ្នាក់បរិញ្ញាបត្ររង ១២០កន្លែង និងថ្នាក់សញ្ញាបត្របច្ចេកទេស ១៤០០កន្លែង
ព័ត៌មានអាហារូបករណ៍, ព្រឹត្តិការណ៍
• 10/09/2025
សម្រាប់ឆ្នាំសិក្សាថ្មី ២០២៥-២០២៦ វិទ្យាស្ថានជាតិវិជ្ជាជីវៈបាត់ដំបង បានប្រកាសជ្រើសរើសសិស្សនិស្សិតឱ្យចូលសិក្សា ដោយផ្តល់អាហារូបករណ៍ ១០០% សម្រាប់ថ្នាក់សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររងចំនួន១២០នាក់ ខណៈថ្នាក់សញ្ញាបត្របច្ចេកទេស...
អាហារូបករណ៍បច្ចេកវិទ្យាឌីជីថល នៅមជ្ឈមណ្ឌលអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ចំនួន៦០កន្លែង
ព័ត៌មានអាហារូបករណ៍, ព្រឹត្តិការណ៍
• 03/09/2024
ឱកាសសិក្សាអាហារូបករណ៍រយៈពេល២ខែផ្នែកបច្ចេកវិទ្យានៅមជ្ឈមណ្ឌលអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ចំនួន៦០កន្លែង នៃកម្មវិធីអាហារូបករណ៍ព័ត៌មានវិទ្យា Pre University ជំនាន់ទី២។
កម្មវិធីពិសេសរបស់ AMS EDUCATION
ព័ត៌មានសង្ខេប
