បាក់ឌុប​ឆ្នាំ​២០២៦​ចាប់ផ្ដើម​ ក្រសួង​បន្ត​រឹតបន្តឹង​ការ​ត្រួតពិនិត្យ​ ​និង​ដំណើរការ​ប្រឡង ​ដើម្បី​ធានា​យុត្តិធម៌​

​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ ​ឬ​បាក់ឌុប​ឆ្នាំ​២០២៦​ ​បាន​ចាប់ផ្ដើម​នៅ​ព្រឹក​ថ្ងៃទី​១០​ ​ខែសីហា ​ដោយ​រដ្ឋមន្ត្រី​ក្រសួង​អប់រំ ​យុវជន​ និង​កីឡា​ ​និង​មន្ត្រី​ ​នៃ​អង្គភាព​ប្រឆាំង​អំពើពុករលួយ​ ​(​ACU​) ​បាន​បញ្ជាក់​ថា​ ​ដំណើរការ​ប្រឡង​ត្រូវបាន​រៀបចំ​យ៉ាង​ម៉ត់ចត់​ ​ដើម្បី​ធានា​យុត្តិធម៌​ ​និង​តម្លាភាព ​ខណៈ​ភ្លៀង​ធ្លាក់​បន្តិចបន្តួច​នៅ​រាជធានី​ភ្នំពេញ​ ​និង​ខេត្ត​មួយចំនួន​ ​មិន​បាន​ប៉ះពាល់​ដល់​ដំណើរការ​ប្រឡង​ឡើយ​។​

​ថ្លែង​នៅក្នុង​ពិធី​បើក​ការ​ប្រឡង​នៅ​រាជធានី​ភ្នំពេញ​ នា​ព្រឹក​ថ្ងៃទី​១០​ ​ខែសីហា ​ឯកឧត្តម​ ហង់ ​ជួន​ ណារ៉ុន ​រដ្ឋមន្ត្រី​ក្រសួង​អប់រំ ​យុវជន​ និង​កីឡា​ ​បាន​ឱ្យដឹង​ថា​ ​ស្ថានភាព​ការ​ប្រឡង​ឆ្នាំ​នេះ​មាន​ភាព​ល្អ​ប្រសើរ​ជាង​ឆ្នាំ​មុន​បន្តិច ​ខណៈ​ក្រសួង​បាន​ត្រៀម​ផែនការ​ទប់ទល់​នឹង​បញ្ហា​អាកាសធាតុ​ ​និង​ហានិភ័យ​ផ្សេង​ៗ​ដែល​អាច​កើតឡើង​។​

​ឯកឧត្តម​ ហង់ ​ជួន​ ណារ៉ុន ​មានប្រសាសន៍​ថា​ ក្រសួង​បាន​តាមដាន​ស្ថានភាព​អាកាសធាតុ​ជាប្រចាំ​ ​ហើយ​ប្រសិនបើ​មាន​តំបន់​ណាមួយ​ប្រឈម​នឹង​ទឹក​ជំនន់​ ​ឬ​ទឹក​លិច​ដែល​អាច​ប៉ះពាល់​ដល់​ការ​ប្រឡង​ ក្រសួង​នឹង​ផ្លាស់ប្ដូរ​ទីតាំង​ប្រឡង​ភ្លាម​ៗ​។ ​តាម​ខេត្ត​នីមួយ​ៗ​ ​ក៏​មាន​ផែនការ​រួច​ជាស្រេច​សម្រាប់​ដោះស្រាយ​ស្ថានភាព​បែប​នេះ​ផងដែរ​។​

​ឯកឧត្តម​បន្ត​ថា​ ​ក្រសួង​ក៏​បាន​រឹតបន្តឹង​ការ​ត្រួតពិនិត្យ​សម្ភារៈ​ ​និង​ឯកសារ​ដែល​បេក្ខជន​អាច​យក​ចូល​មណ្ឌល​ប្រឡង ​ដើម្បី​ទប់ស្កាត់​ការ​នាំយក​សំណៅ​ឯកសារ​មិន​អនុញ្ញាត​ចូលក្នុង​បន្ទប់​ប្រឡង​។​

ដំណាក់កាល​សំណេរ ​យើង​ហាមឃាត់​មិន​ឱ្យ​យក​ប្រធាន​វិញ្ញាសា​ចេញ​ពី​បន្ទប់​ប្រឡង​ ​មិន​ឱ្យ​ថត​ ​និង​មិន​ឱ្យ​បង្ហោះ​ ​ដើម្បី​ធានា​ការ​ជឿទុកចិត្ត​ ​និង​ទប់ស្កាត់​ភាព​រញ៉េរញ៉ៃ​។ ​ទី​មួយ​ ​គឺ​ពង្រឹង​សណ្តាប់ធ្នាប់​ និង​វិន័យ​ ​ហើយ​ទី​ពីរ ​យើង​នឹង​អនុវត្ត​យ៉ាង​ម៉ឺងម៉ាត់​បំផុត​ចំពោះ​ករណី​ណា​ដែល​រំលោភ​បទបញ្ជា​

​ឯកឧត្តម​បន្ត​ថា​ ​នៅ​ដំណាក់កាល​កំណែ ​ក្រសួង​នឹង​បន្ត​ពង្រឹង​ការ​កែវិញ្ញាសា​ឱ្យ​កាន់តែ​សុក្រឹត ​ខណៈ​ដំណាក់កាល​បញ្ចូល​ពិន្ទុ ​នឹង​មាន​ការ​ត្រួតពិនិត្យ​ឡើងវិញ​ជាបន្តបន្ទាប់ ​ដើម្បី​កាត់បន្ថយ​កំហុស​ឱ្យ​បាន​តិច​បំផុត​។​

​ឯកឧត្តម​ ហង់ ​ជួន​ ណារ៉ុន ​បាន​ប្រៀបធៀប​ថា​ ​ស្ថានភាព​ឆ្នាំ​នេះ​មាន​ភាព​ល្អ​ប្រសើរ​ជាង​ឆ្នាំ​មុន​។ ​កាលពី​ឆ្នាំ​២០២៥​ ​សិស្ស​មួយចំនួន​នៅ​តំបន់​រង​ផលប៉ះពាល់​ដោយ​អាកាសធាតុ​ ​និង​ទឹក​ជំនន់​ ក្នុង​ខេត្ត​ឧត្តរមានជ័យ ​ព្រះវិហារ​ និង​បន្ទាយមានជ័យ ​បាន​ជួប​ការ​លំបាក​ក្នុង​ការ​សិក្សា​ ​ដោយ​សិស្ស​ខ្លះ​ថែមទាំង​ត្រូវ​រៀន​នៅលើ​គោយន្ត​។​

​ជាមួយគ្នា​នេះ​ ​ឯកឧត្តម​រដ្ឋមន្ត្រី​បាន​បញ្ជាក់​ថា​ ​ដើម្បី​ធានា​ភាព​យុត្តិធម៌​ ​និង​តម្លាភាព​នៃ​ការ​ប្រឡង​ឆ្នាំ​នេះ​ ក្រសួង​បាន​អញ្ជើញ​អង្គភាព​ពាក់ព័ន្ធ​ចូលរួម​ត្រួតពិនិត្យ​គ្រប់​ដំណាក់កាល​ ​ជាពិសេស​ដំណើរការ​រៀបចំ​ ថតចម្លង​ ​និង​គ្រប់គ្រង​វិញ្ញាសា ​ព្រមទាំង​មាន​វិធានការ​តឹងរឹង​ចំពោះ​អ្នក​ដែល​រំលោភ​បទបញ្ជា​ប្រឡង​។​

​ឯកឧត្តម​បាន​សង្កត់ធ្ងន់​ថា​ ​ភាព​យុត្តិធម៌​នៃ​ការ​ប្រឡង​ ​គឺជា​ចំណុច​សំខាន់​សម្រាប់​លើកទឹកចិត្ត​សិស្ស​ឱ្យ​ខិតខំ​រៀន​ ​និង​គ្រូ​ឱ្យ​ខិតខំ​បង្រៀន​។ ​ប្រសិនបើ​ការ​ប្រឡង​គ្មាន​យុត្តិធម៌​ ​សិស្ស​អាច​បាត់បង់​ទំនុកចិត្ត​ ​និង​ងាក​ទៅ​ពឹងផ្អែក​លើ​មធ្យោបាយ​ផ្សេង​ៗ​ ​ដូចជា​ទូរសព្ទ​ ​ដើម្បី​ចម្លង​ក្នុង​ពេល​ប្រឡង ​ដែល​អាច​ប៉ះពាល់​ដល់​គុណភាព​អប់រំ​ទាំងមូល​។​

​ឯកឧត្តម​ ឃាង​ ​សេង ​អនុ​ប្រធាន​អង្គភាព​ប្រឆាំង​អំពើពុករលួយ​ ​បាន​ឱ្យដឹង​ថា​ ​មន្ត្រី​ ​ACU​ ​ជាង​៤,០០០​នាក់​ ​បាន​ត្រៀម​ខ្លួន​សម្រាប់​ចូលរួម​ឃ្លាំមើល​ដំណើរការ​ប្រឡង​ឆ្នាំ​នេះ​។ ​ឯកឧត្តម​ថា​ ​ដូច​បណ្តា​ឆ្នាំ​កន្លងមក​ មន្ត្រី​ ​ACU​ ​នឹង​បន្ត​ឃ្លាំមើល​ដំណើរការ​ប្រឡង​យ៉ាង​តឹងរ៉ឹង ​ដើម្បី​ធានា​ឱ្យ​ការ​ប្រឡង​ប្រព្រឹត្តទៅ​ដោយ​យុត្តិធម៌​ ​និង​តម្លាភាព​។

​ដោយឡែក​ ​បេក្ខ​នារី ​ចាន់ ​ពេជ្រ​ការ៉ូនីន ​បាន​និយាយ​ថា​ ​នាង​មាន​អារម្មណ៍​រំភើប​ផង​ និង​ភ័យ​ផង​ចំពោះ​ការ​ប្រឡង​ឆ្នាំ​នេះ​ ​ប៉ុន្តែ​នាង​បាន​ត្រៀម​ខ្លួន​រួច​ជាស្រេច​ បន្ទាប់ពី​ខិតខំ​រៀន​តាំងពី​ដើម​ឆ្នាំ​។ ​នាង​ក៏​បាន​កត់សម្គាល់​ថា​ ​ការ​ត្រួតពិនិត្យ​សម្ភារៈ​ ​និង​ឯកសារ​នៅ​ច្រក​ចូល​មណ្ឌល​ប្រឡង​មាន​ភាព​តឹងរ៉ឹង​។​

​បេក្ខ​នារី​រូប​នោះ​និយាយ​ថា​ «​ខ្ញុំ​ភ័យ​បង​ ព្រោះ​ជា​ការ​ប្រឡង​ ​ប៉ុន្តែ​ត្រូវតែ​ប្រឹងប្រែង​។ ​ខ្ញុំ​សង្ឃឹម​ថា​នឹង​ជាប់​ ​ព្រោះ​បាន​ខិតខំ​រៀន​តាំងពី​ដើម​ឆ្នាំ​ ​ហើយ​ពេល​ដើរ​ចូល​មណ្ឌល​ប្រឡង​ ​ក៏​មាន​ការ​ត្រួតពិនិត្យ​សម្ភារៈ​ ​និង​ឯកសារ​យ៉ាង​តឹងរ៉ឹង​»​។​

​សូម​ជម្រាប​ថា​ ​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ ​ឬ​បាក់ឌុប​ឆ្នាំ​២០២៦​ ​នឹង​ប្រព្រឹត្តទៅ​រយៈពេល​២​ថ្ងៃ​ ​គឺ​ថ្ងៃទី​១០​ ​និង​ទី​១១​ ​ខែសីហា ​ឆ្នាំ​២០២៦​ ​ដោយ​មាន​បេក្ខជន​ចុះឈ្មោះ​ប្រឡង​សរុប​ ​១៥១,២៣៨​នាក់​។​ ក្រសួង​បាន​រៀបចំ​មណ្ឌល​ប្រឡង​សរុប​ ​២៤៤​មណ្ឌល​ ​ស្មើនឹង​ ​៦,២០៧​បន្ទប់​ប្រឡង​៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Muhammadiyah Surakarta ប្រទេសឥណ្ឌូនេស៊ីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 09/06/2023

កម្មវិធីអាហារូបករណ៍ UMS International Priority Scholarship (IPS) 2023 ផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសាកលវិទ្យាល័យ...

អាហារូបករណ៍សិក្សាថ្នាក់បរិញ្ញាបត្រ២០កន្លែង នៅ​សាលវិទ្យាល័យក្រចេះ

ព័ត៌មានអាហារូបករណ៍, ព្រឹត្តិការណ៍

• 23/10/2025

សម្រាប់សិស្សានុសិស្ស​ដែល​មាន​បំណងចង់បន្តការសិក្សា​ថ្នាក់បរិញ្ញាបត្រ ពេលនេះ សាកលវិទ្យាល័យក្រចេះ បានប្រកាស​ផ្តល់អាហារូបករណ៍ចំនួន២០កន្លែង សម្រាប់ឆ្នាំសិក្សា​២០២៥-២០២៦

អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី វិទ្យាស្ថានបណ្ដុះបណ្ដាលវិស័យកាត់ដេរ (CGTI) ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 14/11/2023

ឱកាសសិក្សាអាហារូបករណ៍ជំនាញបច្ចេកទេសពីវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ឬហៅថា CGTI ប្រកាស់ផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន៥៥កន្លែង...

ក្រសួងការងារ​ផ្តល់អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេស ជំនាញ Animation ទៅ​សិក្សា​នៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 03/04/2024

តាមរយៈ​កិច្ច​សហការ​រវាង​ក្រសួងការងារ និង​បណ្តុះបណ្តាល​វិជ្ជាជីវៈ និង CIIC International Education Technology (Beijing) (CIICIE) នៃសាធារណរដ្ឋប្រជាមានិតចិន, ក្នុងឆ្នាំ​សិក្សា​២០២៤-២០២៥...

បណ្ឌិត្យសភានគរបាល​កម្ពុជា ផ្តល់អាហារូបករណ៍សម្រាប់ការសិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត​វិទ្យាសាស្រ្តនគរបាល ចំនួន៤០កន្លែង

ព័ត៌មានអាហារូបករណ៍, ព្រឹត្តិការណ៍

• 06/01/2026

សម្រាប់មន្រ្តីនគរបាល​ ឬមន្រ្តីពន្ធនាគារ ដែលចង់បន្តការសិក្សាថ្នាក់បរិញ្ញាបត្រជាន់ខ្ពស់ និង​ថ្នាក់បណ្ឌិត ពេលនេះ បណ្ឌិត្យសភានគរបាលកម្ពុជា បានប្រកាសជ្រើសរើស​និស្សិត​អាហារូបករណ៍សរុបចំនួន៤០កន្លែង...

ឱកាសអាហារូបករណ៍ពេញលេញនៅសាកលវិទ្យាល័យ Monash ប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 23/05/2025

កម្មវិធីអាហារូបករណ៍ K.C Kuok Scholarship ប្រកាសផ្ដល់អាហារូបករណ៍ដល់និស្សិតអន្តរជាតិ សិក្សានៅសាកលវិទ្យាល័យ Monash នៃប្រទេសអូស្ត្រាលី។ អាហារូបករណ៍ផ្ដល់ជូនដោយអតីតនិស្សិតនៃសាកលវិទ្យាល័យ Monash

ឱកាស​អាហារូបករណ៍​៥៥កន្លែង​ទៅ​សិក្សា​នៅ​ប្រទេសថៃ ពី​គម្រោងអាហារូបករណ៍​ព្រះអង្គម្ចាស់​ក្សត្រី​ សិរិថន

ព័ត៌មានអាហារូបករណ៍, ព្រឹត្តិការណ៍

• 25/11/2024

ក្រសួងអប់រំ យុវជន និងកីឡា កាលពីពេលថ្មីៗនេះ​បាន​ប្រកាស​ដល់​សិស្ស និស្សិត និង​មន្រ្តីរាជការ​កម្ពុជា ដែល​មាន​បំណង​ចង់បន្ត​ការ​សិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ​​នៅ​ព្រះរាជាណាចក្រ​ថៃ ដោយ​ពេលនេះ គម្រោង​ព្រះ​រាជូបត្ថម្ភ​ដល់ព្រះរាជាណាចក្រ​កម្ពុជា...

ឱកាសហាត់ការជំនាញព័ត៌មានវិទ្យា ចំនួន២០នាក់ នៅអគ្គនាយកដ្ឋានបច្ចេកវិទ្យាឌីជីថល ក្រសួងមហាផ្ទៃ

ព័ត៌មានអាហារូបករណ៍, ព្រឹត្តិការណ៍

• 16/03/2026

ការងារអាហារូបករណ៍អភិសន្តិបណ្ឌិត ស សុខា សហការជាមួយអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ នឹងជ្រើសរើសនិស្សិតចូលបម្រើការជាមន្ត្រីហាត់ការ...

អាហារូបករណ៍ ១៥០កន្លែង ពីវិទ្យាស្ថានវីឌីស៊ី សម្រាប់ឆ្នាំសិក្សា ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 21/10/2025

វិទ្យាស្ថានវីឌីស៊ី បានប្រកាស​ផ្តល់អាហារូបករណ៍​ដល់​សិស្ស​និស្សិត​ចំនួន ១៥០កន្លែង សម្រាប់​ការ​សិក្សា​ថ្នាក់​បរិញ្ញាបត្រ​រង និង​ថ្នាក់បរិញ្ញាបត្រ តាមរយៈកម្មវិធីអាហារូបករណ៍​អភិសន្តិបណ្ឌិត