ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មជ្ឈមណ្ឌលសិក្សាចិន-អាស៊ាន (CASC) ដែលជាវេទិកាសំខាន់ ជំរុញការយល់ដឹងពីគ្នាទៅវិញទៅមក កិច្ចសហការបង្កើតដំណោះស្រាយគោលនយោបាយ និងពង្រឹងទំនាក់ទំនងរវាងប្រជាជន និងប្រជាជន ដើម្បីសន្តិភាព ស្ថេរភាព និងវិបុលភាពក្នុងតំបន់អាស៊ាន និងចិន បានដាក់សម្ពាធដាក់ឱ្យប្រើប្រាស់ជាផ្លូវការ កាលពីថ្ងៃទី ៧ ខែមេសា ឆ្នាំ២០២៥។
លោកសាស្ត្រាចារ្យបណ្ឌិត ឈាង វណ្ណារិទ្ធ អគ្គនាយកនៃមជ្ឈមណ្ឌលសិក្សាចិន-អាស៊ាន មានប្រសាស៍ថា មជ្ឃមណ្ឌលនេះ នឹងដើរតួរជាវេទិកាមួយ ដើម្បីឱ្យអ្នកប្រាជ្ញ អ្នកសិក្សាស្រាវជ្រាវ អ្នកតាក់តែងគោលនយោបាយ និងអ្នកយុទ្ធសាស្ត្រ ពិភាក្សាគ្នា ត្រង់ទៅត្រង់មក ដែលមានលក្ខណៈបើកចំហរ ដើម្បីពង្រឹងការយល់គ្នាទៅវិញទៅមក ជឿទុកចិត្តគ្នា ទៅវិញ ទៅមក រវាងអាស៊ានចិន ចិន និងកម្ពុជា។
“មជ្ឈមណ្ឌលនេះបង្កើតឡើងដើម្បីពង្រឹង និងពង្រីកចំណេះដឹង បង្កើនការយល់ដឹងពីគ្នាទៅវិញទៅមក និងទំនាក់ទំនងសេដ្ឋកិច្ច ប្រជាជន រវាងប្រទេសចិននិងអាស៊ាន ជាពិសេសរវាងចិន និងកម្ពុជា។ ដូច្នេះ យើងធ្វើការស្រាវជ្រាវទៅលើប្រធានបទដែលមានសារៈសំខាន់ដល់ចិន និងអាស៊ាន ដូចជា សមាហរណកម្មសេដ្ឋកិច្ច ភូមិសាស្ត្រនយោបាយ ព្រមទាំងបច្ចេកវិទ្យា និងនវានុវត្តន៍ជាដើម”
បើតាមលោកសាស្ត្រាចារ្យបណ្ឌិត ឈាង វណ្ណារិទ្ធ មជ្ឃមណ្ឌលនេះ មានមហិច្ឆតា ទី១ យកទីតាំងប្រទេសកម្ពុជានេះ ជាមជ្ឈមណ្ឌល ដើម្បីស្រាវជ្រាវ ឱ្យស៊ីជម្រៅរវាងចិន និងអាស៊ាន, ទី២ ជាវេទិកាមួយ ដើម្បីផ្លាស់ប្ដូរគំនិត និងការយល់គ្នាទៅវិញទៅមក ខណៈបរិបទពិភពលោកបច្ចុប្បន្ន មានការប្រកួតប្រជែងគ្នា ការមិនយល់គ្នា សង្គ្រាមពាណិជ្ជកម្ម សង្គ្រាមពន្ធគយដែលកំពុងតែឈានទៅរកភាពស្មុគស្មាញ។
លោកបណ្ឌិត ឃៀង សុធី សាកលវិទ្យាធិការ នៃសាកលវិទ្យាល័យខេមតិច មានប្រសាសន៍ថា នេះមិនមែនជាភាពចៃដន្យទេ ប៉ុន្តែនេះគឺជាឱកាសដែលចិន និងអាស៊ាននឹងធ្វើការចូលរួម និងដោះស្រាយរួមគ្នាលើបដិវត្តន៍ឌីជីថល និងការប្រឈមមុខនៃបរិស្ថាន។
គួរជម្រាបជូនថា ការដាក់សម្ពោធ មជ្ឍមណ្ឌលសិក្សាចិន-អាស៊ាន (CASC) នេះ បានប្រារព្ធធ្វើឡើង នៅសាកលវិទ្យាល័យខេមតិច ក្រោមអធិបតីភាព ឯកឧត្តម អ៊ុន ឃាង រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ, ឯកឧត្តម ប៉ែន សុវិជាតិ រដ្ឋលេខាធិការក្រសួងពាណិជ្ជកម្ម, លោកជំទាវ ខៀវ មាលី អនុប្រធានក្រុមប្រឹក្សាសភាជាតិ, លោក Wang Zhiquan ទីប្រឹក្សានៃឯកអគ្គរាជទូតសាធារណរដ្ឋប្រជាមានិតចិនប្រចាំប្រទេសកម្ពុជា៕
