ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដំណឹងល្អសម្រាប់សិស្ស-និស្សិតកម្ពុជាដែលមានបំណងចង់បន្តការសិក្សាថ្នាក់អនុបណ្ឌិត (Master’s Degree) នៅចក្រភពអង់គ្លេស, អាហារូបករណ៍ International Postgraduate Excellence Award កំពុងប្រកាសជ្រើសរើសនិស្សិតអន្តរជាតិឆ្នើមដែលមានលទ្ធផលសិក្សាល្អ និងមានឆន្ទៈខ្ពស់លើមុខជំនាញរបស់ខ្លួន សម្រាប់ការចូលរៀននៅឆ្នាំ២០២៧ ខាងមុខនេះ។
អត្ថប្រយោជន៍អាហារូបករណ៍
អាហារូបករណ៍នេះនឹងជួយកាត់បន្ថយថ្លៃសិក្សា (Tuition Fees) ដូចខាងក្រោម៖
- ៣,០០០ ផោន (ប្រមាណ ៤,០០០ ដុល្លារ)៖ សម្រាប់កម្មវិធីអនុបណ្ឌិតពេញម៉ោង រយៈពេល ១ ឆ្នាំ។
- ៥,០០០ ផោន (ប្រមាណ ៦,៦០០ ដុល្លារ)៖ សម្រាប់កម្មវិធីអនុបណ្ឌិតរយៈពេល ២ ឆ្នាំ ដែលមានភ្ជាប់កម្មវិធីចុះអនុវត្តការងារផ្ទាល់ (Integrated Professional Year Experience)។
លក្ខខណ្ឌជ្រើសរើស និងការដាក់ពាក្យ
ស្ថានភាពបេក្ខជន ៖ ជានិស្សិតអន្តរជាតិ (Overseas fee status) និងទទួលបានលិខិតផ្ដល់សិទ្ធិចូលរៀន (Offer) ក្នុងវគ្គសិក្សាពេញម៉ោង ចាប់ផ្ដើមនៅខែមករា ឆ្នាំ២០២៧។
កម្រិតសិក្សា ៖ បេក្ខជនត្រូវមានសញ្ញាបត្របរិញ្ញាបត្រដែលមានពិន្ទុស្មើនឹងកម្រិត Good 2.1 Honours Degree នៃប្រព័ន្ធអប់រំចក្រភពអង់គ្លេស (ជាទូទៅស្មើនឹង GPA ខ្ពស់ ឬកម្រិតកិត្តិយសល្អ)។ ការជ្រើសរើសផ្អែកលើឧត្តមភាពនៃការសិក្សាជាចម្បង។
លក្ខខណ្ឌដែលមិនអាចដាក់ពាក្យបាន
បេក្ខជន មិនមានសិទ្ធិ ដាក់ពាក្យស្នើសុំអាហារូបករណ៍នេះឡើយ ប្រសិនបើស្ថិតក្នុងករណីណាមួយដូចខាងក្រោម៖
- សិក្សាថ្នាក់បណ្ឌិត (Doctoral / PhD / MPhil)។
- សិក្សាវគ្គជំនាញវិជ្ជាជីវៈ (ដូចជា RIBA part III ជាដើម)។
- សិក្សាតាមប្រព័ន្ធអនឡាញ ឬការសិក្សាពីចម្ងាយ (Online / Distance learning)។
- សិក្សាវគ្គវិញ្ញាបនបត្រ ឬវគ្គឌីប្លូមាកម្រិតក្រោយបរិញ្ញាបត្រ (Postgraduate Certificate / Diploma)។
- ទទួលបានការបញ្ចុះតម្លៃសិក្សាផ្សេងទៀតរួចហើយ (ដូចជាការបញ្ចុះតម្លៃសម្រាប់អតីតនិស្សិត ឬដៃគូសហការ)។
កាលបរិច្ឆេទឈប់ទទួលពាក្យ
ថ្ងៃផុតកំណត់៖ ថ្ងៃទី៣០ ខែវិច្ឆិកា ឆ្នាំ២០២៦
ចំនួនអាហារូបករណ៍៖ ផ្ដល់ជូនតាមការកំណត់ជាក់ស្ដែង (Variable)
បេក្ខជនដែលមានចំណាប់អារម្មណ៍ សូមចូលទៅកាន់គេហទំព័រ www.westminster.ac.uk ដើម្បីពិនិត្យព័ត៌មានលម្អិត និងដាក់ពាក្យស្នើសុំ៕
