ជំនាញស្ថាបត្យកម្ម និងជំនាញរចនាខាងក្នុង លើសពីការគូសវាស និងរចនាអាគារ

ស្ថាបត្យកម្ម គឺជាសិល្បៈមួយដែលបម្លែងអគារធម្មតា ឱ្យទៅជាអ្វីមួយដែលលើសពីអគារ ។ វារួមបញ្ចូលទាំងការសិក្សាអំពីការសាងសង់ ធម្មជាតិ អរិយធម៌ និងវប្បធម៌ ហើយបង្កើតទីជម្រកមួយដែលផ្ដល់នូវគុណភាពសម្រាប់ការរស់នៅ ។ នេះជាការលើកឡើងរបស់លោក ណាត កាណានដា ជាស្ថាបត្យករ និងជាសាស្រ្តាចារ្យនៅសាកលវិទ្យាល័យខេមតិច។

ស្ថាបត្យកម្ម គឺជាសិល្បៈមួយដែលបំលែងអាគារធម្មតា ឱ្យទៅជាអ្វីមួយដែលលើសពីអាគារ។ វារួមបញ្ចូលទាំងការសិក្សាអំពី ការសាងសង់ ធម្មជាតិ អរិយធម៌ និងវប្បធម៌ ហើយបង្កើតទីជម្រកមួយ ដែលផ្ដល់គុណភាពសម្រាប់ការរស់នៅ។

បើតាមលោក ណាត កាណានដា ស​ម្រាប់ប្អូនៗដែលចង់រៀនជំនាញនេះ សូមកុំគិតថាខ្លួនឯងមិនមានសមត្ថភាពគ្រប់គ្រាន់ក្នុងការបង្កើតគំនិតច្នៃប្រឌិត ព្រោះនៅពេលចូលរៀនក្នុងសាលា ប្អូននឹងទទួលបានការបណ្ដុះបណ្ដាលបន្ថែមលើសមត្ថភាពនេះ ។ ខណៈជំនាញស្ថាបត្យកម្ម និងជំនាញរចនាខាងក្នុង មិនផ្ដោតលើតែភាពច្នៃប្រឌិតតែមួយមុខនោះទេ ក្រៅពីគំនិតច្នៃប្រឌិត ស្ថាបត្យករក៏ត្រូវការជំនាញក្នុងការដោះស្រាយបញ្ហា, ជំនាញគ្រប់គ្រងគម្រោង និងជំនាញចរចាផងដែរ។

ចំពោះសិស្សានុសិស្សដែលកំពុងសិក្សានៅថ្នាក់វិទ្យាល័យ ដែលមានគំនិតចង់បន្តការសិក្សាលើជំនាញស្ថាបត្យកម្ម និងរចនាខាងក្នុងនៅសាកលវិទ្យាល័យ គួរពង្រឹងសមត្ថភាពរបស់ខ្លួន ក្នុងការគូសរូប ថតរូប និងកម្មវិធីឌីហ្សាញមួយចំនួន។

លោក ណាត កាណានដា ស្ថាបត្យករ

ក្រោយរៀនចប់ តើគេអាចយកជំនាញស្ថាបត្យកម្ម ទៅធ្វើការងារអ្វីខ្លះ?

សម្រាប់សំណួរខាងលើនេះ បើតាម​លោក ណាត កាណានដា ក្រោយរៀនជំនាញនេះចប់ សិស្សនិស្សិតអាចទៅបំពេញការងារជា ស្ថាបត្យករ, អ្នករចនា និងតុបតែសួនច្បារ, អ្នករៀបចំដែនដី និងទីក្រុង, និងការងារជាច្រើនទៀត នៅក្នុងវិស័យរដ្ឋ និង​ឯកជន។

ចំណែក លោក ប៉ុង សូនីតូ ជាអ្នកគ្រប់គ្រងស្ថាបត្យករ នៅក្រុម KPCC បានលើកឡើងដែរថា ចំពោះទីផ្សារការងារសម្រាប់ជំនាញស្ថាបត្យកម្មនេះ ដោយបច្ចុប្បន្នប្រទេសកម្ពុជាជាប្រទេសកំពុងអភិវឌ្ឍ ហេតុនេះ តម្រូវការអ្នកជំនាញផ្នែកនេះ គឺមានភាពទូលំទូលាញ។​ អ្វីដែលសំខាន់គឺសិស្សនិស្សិត ត្រូវពង្រឹងសមត្ថភាពរបស់ខ្លួន និងត្រៀមខ្លួនឱ្យបានល្អ ដើម្បីប្រឡូកក្នុងទីផ្សារការងារ។

សម្រាប់ខ្ញុំ ប្រសិនបើត្រូវរើសបុគ្គលិកស្ថាបត្យករ ឬអ្នករចនាផ្នែកខាងក្នុង ដែលទើបតែបញ្ចប់ការសិក្សា ខ្ញុំចង់បានអ្នកដែលធ្លាប់ហាត់ការ និងមានបទពិសោធន៍ការងារ ។

លោក ប៉ុង សូនីតូ អ្នកគ្រប់គ្រងស្ថាបត្យករ នៅក្រុមហ៊ុន KPCC

គួរជម្រាបជូនថា ការសិក្សាទៅលើជំនាញនេះ គឺផ្ដោតសំខាន់ទៅលើការអនុវត្ត និងមានមុខវិជ្ជាសំខាន់ៗដូចជា រោងជាង, ប្រវត្តិ និងទ្រឹស្តីអំពីស្ថាបត្យកម្ម និងរចនាខាងក្នុង, ការសាងសង់អាគារ និងការវិវត្តនៃស៊ីម៉ង់ជាដើម។ ដោយឡែកមុខវិជ្ជាគ្រឹះសម្រាប់អ្នកចង់រៀនជំនាញនេះ គឺត្រូវចេះមុខវិជ្ជារូបវិទ្យា និង គណិតវិទ្យា ព្រោះមុខវិជ្ជាទាំងពីរនេះចូលរួមយ៉ាងសំខាន់ក្នុងជំនាញស្ថាបត្យកម្ម ដូចជាការវាស់ប្រវែង ទំហំ មាឌ តាមរូបមន្តផ្សេងៗ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតីផ្តល់អាហារូបករណ៍ ១០០% សម្រាប់ថ្នាក់វិស្វករ នៅសាលាតិចណូ

ព័ត៌មានអាហារូបករណ៍, ព្រឹត្តិការណ៍

• 01/10/2025

សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) នៅវិទ្យាស្ថានបច្ចេកវិទ្យាកម្ពុជា(ITC) កម្រិតវិស្វករ...

ឱកាសសិក្សាអាហារូបករណ៍ថ្នាក់បរិញ្ញាបត្រនៅប្រទេសចិន ចំនួន១០កន្លែង

ព័ត៌មានអាហារូបករណ៍, ព្រឹត្តិការណ៍

• 24/04/2025

តាមរយៈសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ACSC) បានប្រកាសជ្រើសរើសសិស្ស និស្សិតកម្ពុជា ឱ្យ​ទៅសិក្សាថ្នាក់បរិញ្ញាបត្រនៅក្នុងខេត្ត Hainan និងខេត្ត Yunnan នៃសាធារណរដ្ឋប្រជាមានិតចិន ចំនួន១០កន្លែង...

អាហារូបករណ៍បច្ចេកវិទ្យាឌីជីថល នៅមជ្ឈមណ្ឌលអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ចំនួន៦០កន្លែង

ព័ត៌មានអាហារូបករណ៍, ព្រឹត្តិការណ៍

• 03/09/2024

ឱកាសសិក្សាអាហារូបករណ៍រយៈពេល២ខែផ្នែកបច្ចេកវិទ្យានៅមជ្ឈមណ្ឌលអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ចំនួន៦០កន្លែង នៃកម្មវិធីអាហារូបករណ៍ព័ត៌មានវិទ្យា Pre University ជំនាន់ទី២។

ឱកាសសិក្សាអាហារូបករណ៍ចំនួន២១០កន្លែងនៅវិទ្យាស្ថានបច្ចេកវិទ្យាកម្ពុជា មណ្ឌលតេជោ ហ៊ុន សែន ចំការដូងខេត្តកែប

ព័ត៌មានអាហារូបករណ៍, ព្រឹត្តិការណ៍

• 11/10/2024

វិទ្យាស្ថានបច្ចេកវិទ្យាកម្ពុជា ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ និងកម្រិតបរិញ្ញាបត្ររងវិស្វកម្ម នៅមណ្ឌល តេជោ ហ៊ុន សែន ចំការដូង (ខេត្តកែប) ជាច្រើននាក់។ ក្នុងនោះវិទ្យាស្ថាននឹងផ្ដល់ឱកាសសិក្សាអាហារូបករណ៍ចំនួន២១០កន្លែង។

ឱកាសផ្លាស់ប្ដូរការសិក្សាពីកម្មវិធីអាហារូបករណ៍ Hurford Youth Fellowship 2025 នៅសហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 08/07/2024

ឱកាសផ្លាស់ប្ដូរការសិក្សាសម្រាប់និស្សិតអន្តរជាតិពីកម្មវីធីអាហារូបករណ៍ Hurford Youth Fellowship 2025 នៅសហរដ្ឋអាមេរិក។ កម្មវិធីផ្លាស់ប្ដូរការ...

ឱកាសសិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ឆ្នាំង ចំនួន១៥០កន្លែង

ព័ត៌មានអាហារូបករណ៍, ព្រឹត្តិការណ៍

• 08/02/2024

វិទ្យាស្ថានពហុបច្ចេកទេសកំពង់ឆ្នាំងប្រកាសជ្រើសរើស យុវជន យុវនារី ឱ្យសិក្សាជំនាញវិជ្ជាជីវៈចំនួន១៥០នាក់ទៅសិក្សាលើជំនាញចំនួនប្រាំរយៈពេលសិក្សា៤ខែ។

អាហារូបករណ៍ ១ ៤០០កន្លែង លើ២១មុខជំនាញ ពីវិទ្យាស្ថានជាតិវិជ្ជាជីវៈ​បាត់ដំបង ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

ព័ត៌មានអាហារូបករណ៍, ព្រឹត្តិការណ៍

• 20/10/2025

វិទ្យាស្ថានជាតិវិជ្ជាជីវៈបាត់ដំបង ប្រកាស​ផ្តល់អាហារូបករណ៍ចំនួន ១ ៤០០កន្លែង លើ២១មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពី...

កូរ៉េប្រកាសជ្រើសរើសបេក្ខភាពឱ្យទៅចូលរួមកម្មវិធី K-POP as Global Cultural Industry

ព័ត៌មានអាហារូបករណ៍, ព្រឹត្តិការណ៍

• 20/05/2026

សាធារណរដ្ឋ​កូរ៉េ កំពុង​ប្រកាស​ជ្រើសរើស​បេក្ខភាព​ចំនួន ២០ រូប ពីតំបន់ និង​ស្ថាប័ន​ខុសៗគ្នា ដើម្បី​ឱ្យ​ទៅ​ចូល​រួម​កម្ម​វិធី​K-POP as Global Cultural Industry របស់ Korea Development Institute (KDI) សម្រាប់​ឆ្នាំ​២០២៦ នេះ។

ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Utrecht Excellence នៃប្រទេសហូឡង់ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 20/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យUtrecht នាប្រទេសហូឡង់ឆ្នាំសិក្សា២០២៤ ។ អាហារូបករណ៍បើកផ្ដល់សម្រាប់និស្សិតជុំវិញពិភពលោករួម.......