ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសទទួលបានអាហារូបករណ៍សាច់ប្រាក់ប្រចាំឆ្នាំពីសមាគមសុខាភិបាលខ្មែរនៅអាមេរិក (CHPAA) ទៅសិក្សាផ្នែកវេជ្ជសាស្ត្រនៅសហរដ្ឋអាមេរិក ។ បេក្ខជនជ័យលាភីអាហារូបករណ៍នឹងទទួលបានឱកាសសិក្សា និងឱកាសធ្វើការងារស្ម័គ្រចិត្តក្នុងសហគមន៍ជាច្រើន។
អាហារូបករណ៍ផ្ដល់ជូនសម្រាប់និស្សិតដែលបន្តអាជីពផ្នែកថែទាំសុខភាពនៅសហរដ្ឋអាមេរិក និងកម្ពុជាចំនួន៣កន្លែង ដែលផ្ដល់ជាទឹកប្រាក់ចំនួន៥០០ដុល្លារ ។ សិស្សដែលទទួលបានអាហារូបករណ៍ទាំងនេះនឹងត្រូវបង្ហាញពីការចូលរួមយ៉ាងសកម្មនៅក្នុងសេវាកម្មសហគមន៍ ការស្ម័គ្រចិត្ត និងសេចក្តីប្រាថ្នាដ៏មុតមាំសម្រាប់សមិទ្ធិផលសិក្សា។
បេក្ខជនត្រូវជានិស្សិតដែលបានសិក្សាផ្នែកថែទាំសុខភាពដូចជា ផ្នែកវេជ្ជសាស្ត្រ ទន្តសាស្រ្ត ឱសថស្ថាន គិលានុបដ្ឋាក និងសុខភាពសម្ព័ន្ធ ជាអ្នកស្ម័គ្រចិត្តក្នុងសេវាសហគមន៍ អង្គការក្រៅរដ្ឋាភិបាល និងអង្គការថែទាំសុខភាព សមិទ្ធិផលសិក្សា។ គួរបញ្ជាក់ថា បេក្ខជនដែលមានទំនាក់ទំនងជិតស្និតជាមួយសមាជិកក្រុមប្រឹក្សា CHPPA មិនមានសិទ្ធក្នុងការដាក់ពាក្យទេ។
និស្សិតអាចបំពេញទម្រង់ពាក្យសុំ និងរៀបចំឯកសារចាំបាច់មួយចំនួនដូចជា ច្បាប់ចម្លងនៃប្រតិចារិកសាលា និងប្រវត្តិរូបសង្ខេប។ បេក្ខជនអាចធ្វើការដាក់ពាក្យបានតាមរយៈ www.chpaa.org ។ សម្រាប់ព័ត៌មានបន្ថែមអាចទាក់ទងទៅកាន់ https://chpaa.org/news/#2023scholarships ឬ Email៖ scholarships@chpaa.org ។
ទទួលពាក្យពីថ្ងៃផ្សាយដំណឹងរហូតដល់ថ្ងៃទី២៩ ខែតុលា ឆ្នាំ២០២៣ ៕
