ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់សាធារណជន ក៏ដូចជាសិស្សនិស្សិតដែលកំពុងស្វែងរកការងារ, នៅថ្ងៃទី១៨ ខែតុលា ខាងមុខនេះ សាកលវិទ្យាល័យអាមេរិកាំងភ្នំពេញ (AUPP) នឹងរៀបចំពិព័រណ៍ការងារដ៏ធំមួយ ចាប់ពីវេលាម៉ោង១០ព្រឹក រហូតដល់ម៉ោង៤រសៀល នៅបរិវេណសាកលវិទ្យាល័យផ្ទាល់ ស្ថិតក្នុងខណ្ឌឬស្សីកែវ។
លោកបណ្ឌិត Troy McGrath សាកលវិទ្យាធិការ AUPP មានប្រសាសន៍ថា និស្សិតកម្ពុជាគឺជាបុគ្គលដែលមានការប្តេជ្ញាចិត្តខ្ពស់ក្នុងការនាំមកនូវការផ្លាស់ប្តូរ មិនត្រឹមតែនៅក្នុងប្រទេសកម្ពុជាប៉ុណ្ណោះទេ ប៉ុន្តែនៅបណ្តាប្រទេសផ្សេងទៀតផងដែរ។ «យើងមានសេចក្តីសោមន្សរីករាយចំពោះការអប់រំ ឱកាសការងារ និងកម្មសិក្សាដ៏ល្អរបស់ពួកគេ ដោយបានរួមចំណែកយ៉ាងធំធេងក្នុងការអភិវឌ្ឍន៍ប្រទេសឱ្យកាន់តែខ្លាំងថែមទៀត»។
បើតាមលោកបណ្ឌិត ពិពណ៌ការងារនៅថ្ងៃទី១៨ តុលា ខាងមុខ មានក្រុមហ៊ុនជាង៤០ នឹងផ្តល់ឱកាសការងារដោយផ្ទាល់នៅក្នុងពិព័រណ៍នេះ ដើម្បីស្វែងរកបេក្ខភាពល្អបំផុតសម្រាប់មុខតំណែងដែលជាតម្រូវការរបស់ក្រុមហ៊ុនទាំងនោះ។ លោកបណ្ឌិតក៏មានប្រសាសន៍បញ្ជាក់ដែរថា ពិព័រណ៏ការងារនេះ ក៏ជួយឱ្យអ្នកចូលរួមស្វែងយល់បន្ថែម និងធ្វើទំនើបកម្មជំនាញរបស់ពួកគេ។ ម្យ៉ាងវិញទៀត លោកជឿជាក់ថា គ្រប់អាជីវកម្មនឹងប្រាស្រ័យទាក់ទងកាន់តែប្រសើរឡើងអំពីលក្ខណ: គោលការណ៍ និងឧទេសនាមមុខជំនួញរបស់ពួកគេកាន់តែធំទូលាយទៅកាន់សាធារណ:ជន។
ក្នុងនោះ លោកសូមអញ្ជើញអ្នកស្វែងរកការងារទាំងអស់ ឱ្យចាប់យកឱកាសនេះដោយកុំភ្លេចរៀចំប្រវត្តិរូបសង្ខេប ឬ CV ជាប់ខ្លួន ព្រោះពួកគេនឹងមានឱកាសសម្ភាសន៍ភ្លាមៗបន្ទាប់ពី CV របស់ពួកគេត្រូវបានពិនិត្យនៅឯពិព័រណ៍ការងារនេះ។
លើសពីនេះ សិស្សានុសិស្ស ឬអ្នកស្វែងរកការងារ ក៏មានឱកាសកាន់តែជិតស្និទ្ធ ក្នុងជួបជាមួយថ្នាក់ដឹកនាំឧស្សាហកម្ម ព្រមទាំងពិភាក្សាអំពីតម្រូវការជំនាញចុងក្រោយបំផុត និងនិន្នាការការងារនៅក្នុងប្រទេសកម្ពុជាផងដែរ៕
