ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើសយុវជន យុវនារីជាច្រើននាក់សិក្សាជំនាញវិជ្ជាជីវៈវគ្គខ្លីឥតគិតថ្លៃរយៈពេល៤ខែ និង១០ខែ។
ជំនាញ និងចំនួនសិស្សដែលអាហារូបករណ៍ផ្ដល់ជូនសិក្សាវគ្គ ច័ន្ទ-សុក្រ (៤ខែ) រួមមាន ជំនាញការដំឡើងបណ្ដាញអគ្គិសនីក្នុងអគារចំនួន៣៥នាក់ ជំនាញការរចនាក្រាហ្វិកដោយកុំព្យូទ័រ ៣៥នាក់ ជំនាញសេវាកម្មបរិក្ខារត្រជាក់ក្នុងគេហដ្ឋានចំនួន៣៥នាក់។ សម្រាប់វេនសិក្សា សៅរ៍-អាទិត្យ (១០ខែ) ជំនាញការដំឡើងបណ្ដាញអគ្គិសនីក្នុងអគារចំនួន៣៥នាក់ ជំនាញការថែទាំ និងជួសជុលរងយន្ត៣៥នាក់ សេវាកម្មសម្អាងចំនួន៣៥នាក់ និងជំនាញសេវាកម្មបរិក្ខារត្រជាក់ក្នុងគេហដ្ឋានចំនួន៣៥នាក់។
លក្ខខណ្ឌចុះឈ្មោះ ជាបេក្ខជនទាំងពីរភេទមានអាយុចាប់ពី១៥ឆ្នាំឡើងទៅ មកពីគ្រួសារក្រីក្រមានបណ្ណក្រីក្រ១ និងគ្រួសារមានបណ្ណសម្គាល់ជនងាយរងហាមនិភ័យ (ទទួលបានការសិក្សាឥតគិតថ្លៃ និងបានប្រាក់ឧបត្ថម្ភ២៨ម៉ឺនរៀលក្នុងមួយខែ។
បេក្ខជន បេក្ខនារីដែលមានចំណាប់អារម្មណ៍ក្នុងការដាក់ពាក្យសិក្សាអាចទំនាក់ទំនងជាមួយអាជ្ញាធរមូលដ្ឋាន (ឃុំ/សង្កាត់) ដែលរស់នៅ (សម្រាប់អ្នករស់នៅខេត្តកំពង់ឆ្នាំង) ឬទៅកាន់វិទ្យាស្ថានពហុបច្ចេកទេសខេត្តកំពង់ឆ្នាំងដែលមានទីតាំងនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
សម្រាប់ព័ត៌មានបន្ថែមអាចទំនាក់ទំនងទៅកាន់ ០១២ ៤៧៤ ៣៤១/ ០១៦ ៨៩១ ៩៨៤ / ០១០ ៥៤១ ១៧៧ / ០៩៧ ២៦៩ ៥៧១៣ ។ វគ្គសិក្សាថ្មីនឹងចូលរៀនថ្ងៃទី០១ ខែកក្កដា ឆ្នាំ២០២៤៕
