មូលនិធិ Child’s Dream ប្រកាសជ្រើសរើសសិស្ស-និស្សិត ទៅសិក្សាថ្នាក់បរិញ្ញាបត្រសិក្សានៅសាកលវិទ្យាល័យនានានៅ​ប្រទេសថៃសម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនសម្រាប់សិស្ស-និស្សិតដែលមានសញ្ជាតិខ្មែរ ឬ មីយ៉ាន់ម៉ា។

ជំនាញដែលអាហារូបករណ៍ផ្ដល់ជូនរួមមាន ៖ ការអប់រំបឋមសិក្សា នៅសាកលវិទ្យាល័យអន្តរជាតិអាស៊ីប៉ាស៊ីហ្វិក, ជំនាញប្រព័ន្ធផ្សព្វផ្សាយ និងទំនាក់ទំនង និងជំនាញផលិតកម្មប្រព័ន្ធផ្សព្វផ្សាយប្រកបដោយភាពច្នៃប្រឌិត  នៅសាកលវិទ្យាល័យបាងកក។ ជំនាញសេដ្ឋកិច្ច ជំនាញវិទ្យាសាស្ត្របរិស្ថាន ជំនាញវិទ្យាសាស្ត្រសង្គមនៅសាកលវិទ្យាល័យឈៀងម៉ៃ។ ជំនាញវិស្វកម្មសូហ្វវែរ នៃវិទ្យាស្ថាន King Mongkut’s Institute of Technology Ladkrabang ជំនាញសុខភាពសាធារណៈ និងជំនាញសុខភាពបរិស្ថាន នៃសាកលវិទ្យាល័យ Mae Fah Luang ។ ជំនាញទំនាក់ទំនងអន្តរជាតិ និងការអភិវឌ្ឍន៍ នៃសាកលវិទ្យាល័យ Rangsit។

ជំនាញវិស្វកម្មសំណង់ស៊ីវិល ជំនាញការសិក្សាសកល និងសហគ្រិនសង្គម ជំនាញវិស្វកម្មមេកានិក ជំនាញគោលនយោបាយ និងការអភិវឌ្ឍន៍សង្គម នៃសាកលវិទ្យាល័យ Thammasat ។

លក្ខខណ្ឌសម្រាប់បេក្ខជនដែលមានចំណាប់អារម្មណ៍ក្នុងការដាក់ពាក្យ ត្រូវភ្ជាប់សញ្ញាបត្រមធ្យមសិក្សាទុតិយភូមិ មានសញ្ជាតិខ្មែរ ឬមីយ៉ាន់ម៉ា មានអាយុមិនលើស៣០ឆ្នាំ មានតម្រូវការចាំបាច់ក្នុងការសិក្សា មិនធ្លាប់ទទួលបានអាហារូបករណ៍ផ្សេងៗពីប្រទេសថៃ​។ ជាមួយគ្នានេះ បេក្ខជនត្រូវភ្ជាប់ជាមួយរូបថតថតថ្មី សំបុត្របញ្ជាក់កំណើត ទំព័រមុខព័ត៌មាននៃលិខិតឆ្លងដែន (Passport first page) រូបភាព៣សន្លឹកអំពីលំនៅឋាន (ខាងក្នុង ខាងក្រៅ និងរូបផ្ទះទាំងមូល) ប្រតិចារិកសិក្សាពីមុន វិញ្ញាបនបត្រ GED, TOEFL, IELTS (អនុញ្ញាតឱ្យដាក់នៅពេលក្រោយប្រសិនបើមិនទាន់មាននៅពេលដាក់ពាក្យ) វិញ្ញាបនបត្រវគ្គបណ្តុះបណ្តាលផ្សេងៗ (ប្រសិនបើមាន) លិខិត​យោង​ពីរ (តម្រូវ​ឱ្យ​មាន) បទបង្ហាញវីដេអូមួយ (ទាមទារ) និងអត្ថបទពីរ (3,000 តួអក្សរនីមួយៗ) (ទាមទារ)។ 

សម្រាប់​ការដាក់ពាក្យអាចចូលទៅកាន់ https://docs.google.com/forms/d/e/1FAIpQLSePFCA6rp9nQdILhaRdl7b4Dy6-kEtOYBRreFtaa00i8_SuUg/formResponse ។ សម្រាប់ព័ត៌មានបន្ថែមអាចផ្ញើសារទៅកាន់ uspib@childsdream.org ។

ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២៨ ខែកុម្ភៈ ឆ្នាំ២០២៥៕