សាកលលវិទ្យាល័យវិទ្យាសាស្ត្រសុខាភិបាល នឹងធ្វើការជ្រើសរើសនិស្សិតចូលសិក្សាថ្នាក់បរិញ្ញាបត្រចក្ខុគិលានុបដ្ឋាក ជំនាន់ទី៩ ចំនួន៥០នាក់ ដោយក្នុងនោះនឹងផ្ដល់អាហារូបករណ៍ចំនួន៥កន្លែងពីកម្មវិធីអាហារូបករណ៍ The Fred Hollows Foundation សម្រាប់ឆ្នាំសិក្សា២០២៤-២០២៥។

លក្ខខណ្ឌនៃការដាក់ពាក្យសុំសិទ្ធជ្រើសរើស ៖ បេក្ខជន បេក្ខនារី ត្រូវមានវិញ្ញាបនបត្រ ឬសញ្ញាបត្រ បរិញ្ញាបត្ររងគិលានុបដ្ឋាក ឬបរិញ្ញាបត្រគិលានុបដ្ឋាក ឬបរិញ្ញាបត្រគិលានុបដ្ឋាក-ឆ្មប (៣+១)។ ចំពោះបេក្ខជន បេក្ខនារី ប្រឡងបញ្ចប់ការសិក្សានៅឆ្នាំសិក្សាដែលគណៈកម្មាធិការប្រឡងថ្នាក់ជាតិ តម្រូវឱ្យប្រឡងចេញថ្នាក់ជាតិ ត្រូវប្រឡងបញ្ចប់ការសិក្សាជាប់ និងប្រឡងចេញថ្នាក់ជាតិជាប់ជាស្ថាពរសិន។ ក្នុងករណី បេក្ខជន បេក្ខនារី ដែលមានសញ្ញាបត្របញ្ចប់ការសិក្សានៅបរទេស ត្រូវភ្ជាប់ជាមួយឯកសារសមមូល ដែលចេញដោយគណៈកម្មាធិការទទួលស្គាល់គុណភាពអប់រំនៅកម្ពុជា ឬក្រសួងអប់រំ យុវជន និងកីឡា ឬក្រសួងសុខាភិបាល។

សំណុំឯកសារដាក់ពាក្យ បេក្ខជន បេក្ខនារីត្រូវភ្ជាប់រួមមាន បង្កាន់ដៃទទួលពាក្យ១ច្បាប់ បង្កាន់ដែបង់ប្រាក់សុំសិទ្ធចុះឈ្មោះជ្រើសរើស១ច្បាប់ ពាក្យសុំជ្រើសរើសចូលរៀន១ច្បាប់ ជីវប្រវត្តិសង្ខេប (មានបិទរូបថតថ្មី៤x៦) ១ច្បាប់ វិញ្ញាបនបត្រ ឬសញ្ញាបត្រ (ដែលកំណត់ខាងលើ) ថតចម្លងមានបញ្ជាក់ពីសាលារាជធានី ឬសាលាក្រុង/ខេត្ត ឬ ស្រុក/ខណ្ឌ ១ច្បាប់ដើម្បីផ្ទៀងផ្ទាត់។ ជាមួយគ្នានេះ បេក្ខជនត្រូវភ្ជាប់ព្រឹត្តិបត្រពិន្ទុការសិក្សាច្បាប់ដើមដោយមានបង្ហាញពី និទ្ទេសជាអក្សរ (Letter Grade) និងចំនួនក្រេឌីត តាមមុខវិជ្ជានីមួយៗ តាមឆមាស តាមឆ្នាំសិក្សា និងពេលប្រឡងបញ្ចប់ការសិក្សា ព្រមទាំងមានមធ្យមភាគនៃពិន្ទុសរុប ដោយភ្ជាប់ច្បាប់ដើម១ច្បាប់។

សម្រាប់បេក្ខជន-បេក្ខនារី ដែលឆ្នាំសិក្សារបស់ខ្លួនត្រូវបានកំណត់ឱ្យប្រឡងចេញថ្នាក់ជាតិដោយគណៈកម្មាការរៀបចំការប្រឡងថ្នាក់ជាតិ ត្រូវភ្ជាប់ជាមួយលទ្ធផលប្រឡងចេញថ្នាក់ជាតិជាប់ ដែលមានទំព័រទី១ ទំព័រដែលមានឈ្មោះបេក្ខជន-បេក្ខនារី និងទំព័រចុងក្រោយ ១ច្បាប់។ ក្នុងករណីបេក្ខជន-បេក្ខនារី មានសញ្ញាបត្របញ្ចប់ការសិក្សានៅបរទេស ត្រូវភ្ជាប់ជាមួយការបញ្ជាក់ទទួលស្គាល់គុណភាពអប់រំនៅកម្ពុជា ១ច្បាប់ ។ ចំពោះបេក្ខជន បេក្ខនារី ជាមន្ត្រីរាជការត្រូវមានភ្ជាប់បន្ថែមនូវ លិខិតបញ្ជាក់អនុញ្ញាតឱ្យមកបន្តការសិក្សាពីអង្គភាព១ច្បាប់ ចំណែកបេក្ខជន បេក្ខនារី កំពុងបម្រើការងារនៅកន្លែងចក្ខុរោគ ត្រូវមានលិខិតបញ្ជាក់ពីអង្គភាពរបស់ខ្លួន១ច្បាប់។

បេក្ខជនអាចទាញយកស្នើសុំ តាមរយៈ https://www.uhs.edu.kh/registrar/new_pdf/1735876975_2025_UHS_Registration%20Form_BON9_F.pdf ។

សម្រាប់ព័ត៌មានបន្ថែម បេក្ខជន បេក្ខនារី អាចតំនាក់ទំនងទៅកាន់ លោកស្រី គង់ សំអាត តាមរយៈ ០១២ ២៤០ ៣៧៣ ឬ តាមរយៈ Email: samathkong@uhs.edu.kh រៀងរាល់ម៉ោងធ្វើការ។

ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី២៨ ខែមីនា ឆ្នាំ២០២៥ វេលាម៉ោង១៧:០០នាទី៕