ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍រដ្ឋាភិបាលរុស្ស៉ី ប្រកាសបើកទទួលពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅក្នុងប្រទេសរុស្ស៉ី សម្រាប់ឆ្នាំសិក្សា២០២៥-២០២៦។
ជំនាញដែលកម្មវិធីអាហារូបករណ៍ ផ្ដល់ជូនរួមមាន ៖ វិស្វកម្ម និងបច្ចេកវិទ្យា, សេដ្ឋកិច្ច, វិទ្យាសាស្ត្រកុំព្យូទ័រ និងទិន្នន័យ, ចិត្តវិទ្យា, សេដ្ឋកិច្ច, គីមីវិទ្យា និងវិទ្យាសាស្ត្រសម្ភារៈ, ការសិក្សានយោបាយ និងអន្តរជាតិ, គណិតវិទ្យា និងបញ្ញាសិប្បនិម្មិត, វិទ្យាសាស្ត្ររូបវិទ្យា, វិទ្យាសាស្ត្រផែនដី, ការអប់រំ, វេជ្ជសាស្ត្រ និងសុខភាពសាធារណៈ, សរសៃប្រសាទ និងចិត្តវិទ្យា, ជីវវិទ្យា និងបច្ចេកវិទ្យាជីវសាស្រ្ត, ភាសាវិទ្យា និងភាសាទំនើប, អាជីវកម្ម និងការគ្រប់គ្រង។
លក្ខខណ្ឌក្នុងការដាក់ពាក្យ ៖ ជានិស្សិតអន្តរជាតិគ្រប់ជាតិសាសន៍, មានសញ្ញាបត្រថ្នាក់បរិញ្ញាបត្រ, បានបំពេញពាក្យស្នើសុំអាហារូបករណ៍, Motivational letter និងលិខិតបញ្ជាក់ការសិក្សា, មានចំណេះដឹងភាសាអង់គ្លេស ឬភាសារុស្ស៉ី។ ចំពោះបេក្ខជន បេក្ខនារីដែលបានស្នើពាក្យចូលសិក្សានៅសាកលវិទ្យាល័យក្នុងប្រទេសរុស្សីដោយផ្ទាល់ ត្រូវមានឯកសារភ្ជាប់បញ្ជាក់ពីការចូលរៀន ថ្លៃសិក្សា និងឯកសារចាំបាច់ផ្ទាល់ទៅកាន់ភាគីអាហារូបករណ៍រដ្ឋាភិបាលរុស្ស៉ី។
បេក្ខជន បេក្ខនារី ជ័យលាភីអាហារូបករណ៍ នឹងទទួលបាន ការគាំទ្រពីភាគីអាហារូបករណ៍ដូចជា ថ្លៃសិក្សាពេញលេញ, ប្រាក់ឧបត្ថម្ភប្រចាំខែ និងអត្ថប្រយោជន៍ផ្សេងទៀតដូចជា ការសិក្សាអំពីវប្បធម៌ ភាសា ប្រជាជនរុស្ស៉ី និងបទពិសោធន៍ រស់នៅ និងសិក្សាក្នុងប្រទេសរុស្ស៉ី។
សម្រាប់ព័ត៌មានបន្ថែមអាចចូលទៅកាន់ https://myagla.com/russian-government-scholarships-apply-now/ ។ ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី១៥ ខែកក្កដា ឆ្នាំ២០២៥៕
