សាលានៅកម្ពុជាបង្រៀនកុមារពីតំបន់គំនរសំរាម ឈ្នះពានសាលាឈានមុខគេលើពិភពលោកផ្នែក STEM

សាលា Neeson Cripps Academy របស់អង្គការមូលនិធិកុមារកម្ពុជាដែលផ្តល់ការអប់រំដល់កុមារក្រីក្រនៅតំបន់អតីតគំនរសំរាមក្នុងរាជធានីភ្នំពេញ បានឈ្នះពានរង្វាន់សាលាឈានមុខគេលើពិភពលោកផ្នែក STEM ក្នុងកម្មវិធី Global Schools Prize ឆ្នាំ២០២៦។ នេះបើយោងតាមការប្រកាសរបស់ក្រសួងអប់រំ យុវជន និងកីឡា នៅថ្ងៃទី២០ ខែឧសភា។

ក្រសួងអប់រំបានឱ្យ​ដឹងថា សាលា Neeson Cripps Academy គឺជាសាលាតែមួយគត់ពីតំបន់អាស៊ីអាគ្នេយ៍ ដែលជាប់ក្នុងចំណោមសាលាល្អបំផុតទាំង១០លើពិភពលោក ដោយត្រូវបានជ្រើសរើសពីពាក្យស្នើសុំប្រមាណ ៣,០០០ មកពី ១១៣ ប្រទេស។

ពិធីអបអរសាទរពានរង្វាន់នេះ ត្រូវបានធ្វើឡើងក្នុងវេទិកាអប់រំពិភពលោក (Education World Forum) នៅទីក្រុងឡុងដ៍ ចក្រភពអង់គ្លេស ដោយ​ក៏​មានវត្តមានរបស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា។

លោក ស្កុត នីសិន ស្ថាបនិក និងនាយកប្រតិបត្តិអង្គការមូលនិធិកុមារកម្ពុជា បានលើកឡើងថា ការទទួលស្គាល់នេះ ជាលទ្ធផល នៃកិច្ចខិតខំរួមរបស់គ្រូបង្រៀន បុគ្គលិក និងអ្នកគាំទ្រទាំងអស់។
លោកបាន​បញ្ជាក់ថា ការទទួលបានការទទួលស្គាល់ថា ជាសាលាល្អបំផុតមួយលើពិភពលោក និងល្អបំផុតផ្នែក STEM គឺជាកិត្តិយសដ៏ធំមួយសម្រាប់សាលា និងសហគមន៍។

សូមជម្រាបថា សាលា Neeson Cripps Academy ត្រូវបានបង្កើតឡើងក្នុងឆ្នាំ២០១៧ ក្រោមការគាំទ្ររបស់អង្គការមូលនិធិកុមារកម្ពុជា ដើម្បីផ្តល់ការអប់រំដល់កុមារដែលរស់នៅពឹងផ្អែកលើការរើសសំរាមនៅតំបន់ស្ទឹងមានជ័យ។

សាលានេះមានទីតាំងស្ថិតនៅជិតអតីតទីលានចាក់សំរាមស្ទឹងមានជ័យ ប្រមាណ ៣០០ ម៉ែត្រ ដែលជាតំបន់ធ្លាប់មានប្រជាពលរដ្ឋរស់នៅក្នុងភាពក្រីក្រខ្លាំង ហើយសិស្សជំនាន់ដំបូងជាច្រើនធ្លាប់ប្រកបរបររើសសំរាមដើម្បីជួយគ្រួសារ។

បច្ចុប្បន្ន សាលាមានសិស្សសិក្សាប្រមាណ ៥០០ នាក់ និងអនុវត្តកម្មវិធីសិក្សាផ្អែកលើ STEM និង STEAM ដោយបំពាក់បន្ទប់ពិសោធន៍ទំនើប បច្ចេកវិទ្យាឌីជីថល និងកម្មវិធីអនុវត្តវិទ្យាសាស្ត្រជាក់ស្តែង។

សាលាបានរាយការណ៍ថា អត្រាប្រឡងជាប់ថ្នាក់ទី១២របស់សិស្សមានរហូតដល់ ៩៩ភាគរយ ខណៈ ៣៩ភាគរយនៃសិស្សបញ្ចប់ការសិក្សាបន្តទៅមហាវិទ្យាល័យផ្នែក STEM។

ទោះបីកម្ពុជានៅតែមានអត្រាស្ត្រីចូលរួមក្នុងវិស័យ STEM ទាបបើប្រៀបធៀបនឹងប្រទេសក្នុងតំបន់ក៏ដោយ សាលាបានអះអាងថា ខ្លួនកំពុងខិតខំលើកទឹកចិត្តក្មេងស្រីឱ្យ​ចូលរួមក្នុងវិស័យវិទ្យាសាស្ត្រ និងបច្ចេកវិទ្យាកាន់តែច្រើន។

សូមបញ្ជាក់ថា ពានរង្វាន់ Global Schools Prize នឹងត្រូវបានចាត់ទុកថាជាពានរង្វាន់អន្តរជាតិដ៏ធំបំផុតមួយក្នុងវិស័យអប់រំ ដែលផ្តល់ការទទួលស្គាល់ដល់សាលារៀនដែលបង្ហាញពីសមិទ្ធផល និងឥទ្ធិពលវិជ្ជមានលើសិស្ស ដោយមិនគិតពីស្ថានភាពសង្គម និងសេដ្ឋកិច្ច៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ ICCR ទៅសិក្សានៅប្រទេស​ឥណ្ឌា ឆ្នាំសិក្សា​២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 04/03/2026

រដ្ឋាភិបាលឥណ្ឌា បានប្រកាស​ផ្តល់អាហារូបករណ៍​ពេញលេញ​សម្រាប់​និស្សិត​កម្ពុជា ទៅបន្ត​ការ​សិក្សា​ថ្នាក់ឧត្តមសិក្សា​នៅប្រទេស​ឥណ្ឌា តាមរយៈ​ក្រុម​ប្រឹក្សា​សម្រាប់​ទំនាក់ទំនង​វប្បធម៌ឥណ្ឌា។

អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ចំនួន២០កន្លែងសម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 29/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន២០កន្លែង នៅវិទ្យាស្ថានជាតិកសិកម្មព្រែកលៀបសម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាក្រោមកម្មវិធីអាហារូបករណ៍អភិសន្តិបណ្ឌិត ស សុខា ពីការគាំទ្ររបស់ឯកឧត្ដមអភិសន្តិបណ្ឌិត...

ក្រុមប្រឹក្សា​យុវជនឯកអគ្គរដ្ឋទូតសហរដ្ឋអាមេរិក (AYC) ជ្រើសរើសសមាជិកជំនាន់ទី១៤

ព័ត៌មានអាហារូបករណ៍, ព្រឹត្តិការណ៍

• 02/02/2026

ជាឱកាស​សម្រាប់យុវជន​ក្នុងការ​ពង្រឹងភាពជាអ្នកដឹកនាំ ចូល​រួម​ក្នុង​សកម្មភាព​សហគមន៍ និង​ចែករំលែក​ទស្សនៈ​របស់ខ្លួន ក្នុងការ​ពិភាក្សា​ប្រកបដោយអត្ថន័យ។

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Manitoba ប្រទេសកាណាដា

ព័ត៌មានអាហារូបករណ៍, ព្រឹត្តិការណ៍

• 29/01/2024

ឱកាសទទួលបានអាហារូបករណ៍សាច់ប្រាក់ដើម្បីសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Manitoba នៃប្រទេសកាណាដា ឆ្នាំ២០២៤។

អាហារូបករណ៍សិក្សាភាសាចិននៅសាធារណរដ្ឋប្រជាមានិតចិនរយៈពេលមួយឆ្នាំ

ព័ត៌មានអាហារូបករណ៍, ព្រឹត្តិការណ៍

• 27/06/2023

ឱកាសសិក្សាអាហារូបករណ៍ថ្នាក់ភាសាចិនរយៈពេល១ឆ្នាំនៅសាធារណរដ្ឋប្រជាមានិតចិនពីសមាគមន៍សិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន...

ឱកាសសិក្សានៅបែលហ្ស៊ិក ពីកម្មវិធីអាហារូបករណ៍ KU Leuven ASEAN ២០២៧–២០២៨

ព័ត៌មានអាហារូបករណ៍, ព្រឹត្តិការណ៍

• 22/10/2026

ឱកាសសិក្សានៅបែលហ្ស៊ិក! KU Leuven ASEAN Scholarship ២០២៧–២០២៨ បើកទទួលពាក្យហើយ

អាហារូបករណ៍ស្រាវជ្រាវក្រោយឧត្ដមសិក្សានៅសាកលវិទ្យាល័យ Sydney ប្រទេស​អូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 07/09/2023

ឱកាសសិក្សាអាហារូបករណ៍ស្រាវជ្រាវក្រោយឧត្ដមសិក្សាសម្រាប់អន្តរជាតិនៅសាកលវិទ្យាល័យSydny ប្រទេសអូស្រ្តាលីឆ្នាំសិក្សា២០២៤ ។ អាហារូបករណ៍ជាការផ្ដល់ឱ្យពីសាកលវិទ្យាល័យSydny...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន៣៥០កន្លែងនៅប្រទេសបារាំង ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 08/10/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធី The Frience Eiffel Excellence Scholarship ចំនួន៣៥០កន្លែងឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាស្រាវជ្រាវ ផ្នែកវិទ្យាសាស្ត្រនិងបច្ចេកវិទ្យា និងផ្នែកមនុស្សសាស្ត្រ...

អាហារូបករណ៍សិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ធំ ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 18/09/2023

វិទ្យាស្ថានពហុបច្ចេកទេស​ខេត្តកំពង់ធំ (PIKT) ប្រកាស​ជ្រើសរើសសិស្ស-និស្សិតថ្នាក់អាហារូបករណ៍ សិក្សា​ជំនាញវិជ្ជាជីវៈ ចាប់ពីកម្រិតសញ្ញាបត្របច្ចេកទេស រហូត​ដល់កម្រិតសញ្ញាបត្រជាន់ខ្ពស់បច្ចេកទេស...