ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅឆ្នាំ២០២៥នេះ សាកលវិទ្យាល័យអន្តរជាតិ ផារ៉ាហ្គន បន្តផ្តល់អាហារួបករណ៍សាកលវិទ្យាធិកា ជាចំណែកផ្តល់ឱកាសដល់សិស្សានុសិស្សដែលមានទេពកោស្យខ្ពស់ មានស្នាដៃឆ្នើម តាមរយៈការងារសង្គម និងការប្រកួតប្រជែងនានា ទទួលបានអាហារូបករណ៍ចូលសិក្សានៅសាកលវិទ្យាល័យមួយនេះ រហូតដល់ ១០០%។
អាហារូបករណ៍សាកលវិទ្យាធិការ ជាគំនិតផ្តួចផ្តើមឡើងតាំងពីឆ្នាំ២០២០ មក ដែលបានផ្តល់កូតាអាហារូបករណ៍ដល់សិស្សានុសិស្សជាច្រើននាក់កន្លងមកហើយ ដែលសិស្សានុសិស្សទាំងនោះជាបុគ្គលឆ្នើមក្នុងសាលារៀន សហគមន៍ និងសង្គម ដែលជាបុគ្គល មានទេព្យកោសល្យលើវិស័យសិល្បៈ តន្ត្រី កីឡា ភាពជាអ្នកដឹកនាំ និងភាពច្នៃប្រឌិតនានា ទៅលើផ្នែកផ្សេងៗដូចជា វិទ្យាសាស្ត្រ បច្ចេកវិទ្យា កិច្ចការសង្គម ជាដើម ដែលជារួមជាអ្នកមានសក្តានុពលរបស់ប្រទេសជាតិ។
លោកបណ្ឌិត ប៊ូឡាត់ អាក់មែដខារីម៉ូវ (Bulat Akhmetkarimov) សាកលវិទ្យាធិការសាកលវិទ្យាល័យផារ៉ាហ្គន ឱ្យដឹងថា ជារៀងរាល់ឆ្នាំ សាកលវិទ្យាល័យបានផ្តល់អាហារូបករណ៍សាកលវិទ្យាធិការដល់និស្សិតជាង២០ រូប ដែលនិស្សិតទាំងនោះកំពុងជាបញ្ញាវន្តដ៏សំខាន់ ហើយលោកប្រកាសទទួលស្វាគមន៍យ៉ាងកក់ក្តៅចំពោះសិស្សានុសិស្សដែលមានចំណាប់អារម្មណ៍ដាក់ពាក្យនាឆ្នាំសិក្សាថ្មីនេះ។
សម្រាប់ឆ្នាំសិក្សា ២០២៥-២០២៦ នេះ សាកលវិទ្យាល័យ បើកទទួលពាក្យអាហារូបករណ៍សាកលវិទ្យាធិការនេះ ចាប់ពីថ្ងៃទី១៣ ខែតុលា ដល់ថ្ងៃទី២៣ ខែតុលា ឆ្នាំ២០២៥។
សិស្សានុសិស្សដែលមានបំណងដាក់ពាក្យត្រូវត្រៀមលក្ខណៈតាមទម្រង់បែបបទដែលកំណត់ទុកតួយ៉ាងដូចជា សញ្ញាបត្រមធ្យមសិក្សាទុតិយភូមិ ឬបាក់ឌុប សញ្ញាបត្របញ្ជាក់ការសិក្សាសំខាន់ៗ ភស្តុតាង ឬរូបភាពអំពីពានរង្វាន់សំខាន់ៗ លិខិតសរសើរពីគ្រូបណ្តុះបណ្តាល និងលិខិតទទួលស្គាល់ការងារស្ម័គ្រចិត្តជាដើម ជាមួយលិខិតប្តេជ្ញាចិត្តដើម្បីទទួលអាហារូបករណ៍។
សម្រាប់សិស្សានុសិស្សដែលមានចំណាប់អារម្មណ៍អាចដាក់ពាក្យបានតាមរយៈតំណរភ្ជាប់ ៖ https://paragoniu.edu.kh/admissions/current-scholarships/rectors-scholarship-application/ ៕
