ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រោមកិច្ចព្រមព្រៀងរវាងក្រសួងអប់រំ យុវជន និងកីឡា នៃព្រះរាជាណាចក្រកម្ពុជា និងក្រសួងអប់រំ និងកីឡា នៃសាធារណរដ្ឋប្រជាធិបតេយ្យប្រជាមានិតឡាវ ស្តីពីវិស័យអប់រំសម្រាប់រយៈពេលពីឆ្នាំ២០១៩-២០២៣ ក្រសួងអប់រំបានប្រកាសប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រចំនួន ១៥កន្លែង ដើម្បីទៅបន្តការសិក្សានៅសាធារណរដ្ឋប្រជាធិបតេយ្យប្រជាមានិតឡាវ។
មុខជំនាញសម្រាប់សិក្សារួមមាន ៖ ១.បរិស្ថាន, ២.ព័ត៌មានវិទ្យា, ៣.គ្រប់គ្រងព្រៃឈើ, ៤.សណ្ឋាគារ និងទេសចរណ៍, ៥.សេដ្ឋកិច្ច-ពាណិជ្ជកម្ម, ៦.ស្ថាបត្យកម្ម និង ៧.គ្រប់គ្រងធនធានទឹក និងឧតុនិយម។
លក្ខខណ្ឌនៃការចុះឈ្មោះ ៖ បេក្ខជនទាំងពីរភេទត្រូវមានសញ្ជាតិខ្មែរ, មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃសមមូល, មានអាយុមិនលើសពី៣៥ឆ្នាំ គិតដល់ខែតុលា ឆ្នាំ២០២៣, មានសុខភាពល្អបរិបូរណ៍ ទាំងកាយសម្បទា និងសតិបញ្ញា។
ការទទួលពាក្យសុំប្រឡង នឹងចាប់ផ្តើមពីថ្ងៃផ្សាយដំណឹងនេះ រហូតដល់ថ្ងៃទី១១ ខែសីហា ឆ្នាំ២០២៣ វេលាម៉ោង៤រសៀល នៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ ដែលមានអាសយដ្ឋាន អគារលេខ២៣ ផ្លូវ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។
កាលបរិច្ឆេទ នៃការប្រឡង នឹងធ្វើឡើងនៅថ្ងៃទី២០ ខែសីហា ឆ្នាំ២០២៣ ដោយវិញ្ញាសាប្រឡងរួមមាន វប្បធម៌ទូទៅ រយៈពេល ១ម៉ោង៣០នាតី និងគណិតវិទ្យា រយៈពេល១ម៉ោង៣០នាទី។
ចំពោះព័ត៌មានលម្អិតបន្ថែម សូមបេក្ខជនអញ្ជើញទាក់ទងជាមួយការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនង និងអាហារូបករណ៍តាមអាសយដ្ឋានខាងលើ ឬតាមរយៈលេខទូរស័ព្ទ ៖ ០៩៨ ៩៨៩ ៧៨៩៕
