ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីអាហារូបករណ៍ពេញលេញ KOICA-GIST កំពុងផ្ដល់អាហារូបករណ៍ថ្នាក់ឧត្ដមសិក្សានៅវិទ្យាស្ថានបច្ចេកវិទ្យា Gwanju នៃប្រទេសកូរ៉េ ដោយអាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ។
លក្ខខណ្ឌបេក្ខជនក្នុងការស្នើពាក្យអាហារូបករណ៍ គឺជានិស្សិតបញ្ចប់ការសិក្សាថ្នាក់បរិញ្ញាបត្រ ហើយមានឆន្ទៈក្នុងការបង្កើនបទពិសោធន៍ផ្នែកអប់រំ និងវិជ្ជាជីវៈក្នុងវិស័យអប់រំ (GIST និង RUPP)។ លើសពីនេះ អាហារូបករណ៍នេះ ក៏បើកចំហសម្រាប់អ្នកដែលមានចំណាប់អារម្មណ៍ក្នុងការសិក្សាផ្នែកវិស្វកម្មបរិស្ថាន និងចូលរួមចំណែកក្នុងការកំណត់បរិយាកាសដែលអាចអនុញ្ញាតបានសម្រាប់ការអភិវឌ្ឍន៍ និងការសាយភាយនៃបច្ចេកវិទ្យាបរិស្ថាន និងឧស្សាហកម្មនៅកម្ពុជា ។
បេក្ខជនដែលដាក់ពាក្យនឹងត្រូវបានជ្រើសរើសដោយសាកលវិទ្យាល័យភូមិន្ទភ្នំពេញក្នុងដំណាក់កាលដំបូង មុនឈានចូលការស្នើពាក្យទៅតាមកម្មវិធីនៅ SESE និង GIST ។ បេក្ខជនដែលមានចំណាប់អារម្មណ៍ក្នុងការដាក់ពាក្យសូមធ្វើការដាក់ពាក្យជាមួយ CV និងCover letter ដោយទាក់ទងទៅ Dr. Eang Chorney តាមរយៈEmail: eangchorney@gmail.com ឱ្យបានមុនថ្ងៃទី០២ ខែមេសា ឆ្នាំ២០២៣ ។
ឯកសារចាំបាច់ក្នុងការដាក់ពាក្យស្នើសុំមានដូចជា ពាក្យស្នើសុំអាហារូបករណ៍(ការបំពេញតាមOnline) សញ្ញាបត្រថ្នាក់បរិញ្ញាតបត្រសម្រាប់ថ្នាក់បរិញ្ញាបត្រជាន់ខ្ពស់ និងសញ្ញាបត្រថ្នាក់បរិញ្ញាបត្រជាន់ខ្ពស់សម្រាប់ថ្នាក់បណ្ឌិត, ប្រតិចារិកថ្នាក់បរិញ្ញាបត្រ និងបរិញ្ញាបត្រសម្រាប់ថ្នាក់បរិញ្ញាបត្រជាន់ខ្ពស់, លិខិតថតចម្លងនៃលិខិតឆ្លងដែន, លិខិតបញ្ជាក់ភាសាអង់គ្លេស IELTS, TOEIC ឬ TEPS ។ ជាមួយគ្នានេះ លិខិតអនុសាសន៍លើកលែកថ្លៃសិក្សាពីនាយកដ្ឋានសិក្សា) ។
សម្រាប់ព័ត៌មានបន្ថែមសូមចូលទៅកាន់ https://env1.gist.ac.kr/env1eng/index.do ឬ https://www.gist.ac.kr/en/main.html ៕
