ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តកំពង់ស្ពឺ បានប្រកាសពីការជ្រើសរើសយុវជនរហូតដល់ចំនួន ៥៧០នាក់ ដើម្បីចូលរៀនជំនាញបច្ចេកទេស និងវិជ្ជាជីវៈ១ កម្មវិធី ១.៥លាននាក់ជំហានទី២ ដែលនឹងចាប់ផ្តើមនៅពាក់កណ្តាលខែឧសភា ខាងមុខ។
មុខជំនាញដែលត្រូវផ្តល់ជូនរួមមាន ៖ ការងារកំបោរ (៣០នាក់), ការដំឡើងបណ្តាញបំពង់ទឹក (៣០នាក់), ការដំឡើងបណ្តាញអគ្គិសនីក្នុងអគារ (៣០នាក់), ការដំឡើងពុម្ព (៣០នាក់), ការដំឡើង និងថែទាំកាមេរ៉ាសុវត្ថិភាព (៣០នាក់), ការផ្សារអគ្គិសនី (៣០នាក់), ការថែទាំ និងជួសជុលម៉ាស៊ីនត្រជាក់រថយន្ត (៣០នាក់), ការថែទាំ និងជួសជុលរថយន្ត (៣០នាក់), ការថែទាំ និងជួសជុលអគ្គិសនីរថយន្ត (៣០នាក់), សេវាកម្មធនធានមនុស្ស (៣០នាក់), សេវាកម្មកុំព្យូទ័រ (៣០នាក់), សេវាកម្មអតិថិជន (៣០នាក់), ការរចនាក្រាហ្វិកដោយកុំព្យូទ័រ (៣០នាក់), សេវាកម្មបរិក្ខារត្រជាក់ក្នុងគេហដ្ឋាន (៣០នាក់), ធុរកិច្ចភេសជ្ជៈ (៣០នាក់), ការធ្វើម្ហូបខ្មែរ (៣០នាក់), ការដាំ ថែទាំ និងប្រមូលផលដំណាំស្វាយកែវមៀត (៣០នាក់), ការចិញ្ចឹម និងថែទាំត្រីប្រា (៣០នាក់) និង ការកែច្នៃបន្លែ និងផ្លែឈើ (៣០នាក់)។
លក្ខខណ្ឌ នៃការចុះឈ្មោះចូលរៀន ៖ ក្រុមគោលដៅអាទិភាពទី១ ទទួលបានប្រាក់ឧបត្ថម្ភពីរដ្ឋាភិបាលចំនួន ២៨ម៉ឺនរៀលក្នុងមួយខែ គឺ យុវជនមកពីគ្រួសារក្រីក្រ មានបណ្ណក្រ១ និងក្រ២, យុវជនមកពីគ្រួសារងាយរងហានិភ័យ មាន បណ្ណសំគាល់គ្រួសារងាយរងហានិភ័យ។ ក្រុមគោលដៅអាទិភាពទី២ ទទួលបានការបណ្តុះបណ្តាល តែមិនទទួលបានប្រាក់ឧបត្ថម្ភប្រចាំខែ គឺ យុវជនមកពីគ្រួសារដែលមានសមាជិកមាន បណ្ណសំគាល់មានពិការភាព និង បណ្ណមូលនិធិសមធម៌សុខាភិបាល, យុវជនដែលឧទ្ទេសនាមដោយ រដ្ឋបាលរាជធានី ខេត្ត ក្រុង ស្រុក ខណ្ឌ។
កាលបរិច្ឆេទទទួលពាក្យ គឺចាប់ពីថ្ងៃផ្សាយដំណឹងនេះ ហើយកាលបរិច្ឆេទចូលរៀន នៅថ្ងៃទី១៥ ខែឧសភា ឆ្នាំ២០២៤។
សម្រាប់ព័ត៌មានបន្ថែម សូមទំនាក់ទំនងទៅកាន់វិទ្យាស្ថានដែលមានអាស័យដ្ឋានស្ថិតនៅ ភូមិទំពូង ឃុំកាហែង ស្រុកសំរោងទង ខេត្តកំពង់ស្ពឺ ឬទំនាក់ទំនងតាមទូរស័ព្ទលេខ 012 995 952 / 081 995 952៕
